տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
 |
Աշխարհի մեծագույն կորալյան խութը՝ Կորալյան Մեծ Արգելախութը սկսում է գունազրկվել: Կորալները կորցնում են իրենց գունագեղությունը, ինչը վատ նշան է, տեղեկացրել է Ավստրալիայի Շրջակա միջավայրի նախարար Գրեգ Հանտը:
«Խութն ունի 2300 կմ երկարություն և նրա պարունակության երեք չորրորդը լավ վիճակում է, սակայն հաշվի առնելով այն փաստը, որ մենք շարժվում ենք հյուսիս, այն դառնում է ավելի գունազուրկ»,-հայտարարել է նախարարը: Նախարարն ավելացրել է, որ Ավստրալիայի իշխանությունը միջոցներ է տրամադրում Կորալյան Մեծ Արգելախութի 40 տեղամասերի ուսումնասիրման համար:
Կորալների գունազրկումը ուղեկցվում է կորալների քայքայման պրոցեսով, ինչն իր հերթին հանգեցնում է օվկիանոսների կենսաբանական բազմազանության նվազմանը:
Կորալների մահվան պատճառը կարող է լինել ծովային ջրերի միջին ջերմաստիճանի բարձրացումը, մարդկային գործունեությունը և ծովային կենդանիների կողմից կորալներով սնվելը:
|
հեղինակ` Travel News |
 |
Ով էլ որ հաղթի 11 բրենդից և 1300 հյուրանոցից բաղկացած Starwood Hotels ընկերության պորտֆելի տնօրինման պայքարում, միևնույն է հաղթողին կհասնի ոչ միայն հյուրանոցները, այլև նոր «խելացի հատակը»:
Intelligent Floor ինտելեկտուալ հատակը ստեղծվել է հյուրանոցային հանրահայտ բրենդի ինովացիոն խմբի կողմից: «Խելացի հատակն» օգտագործում է Radio Frequency Identification (RFID) տեխնոլոգիան՝ օբյեկտների ավտոմատ իդենտիֆիկացնելու միջոցը, որում որպես ռադիոազդակ ծառայում են կամ գրանցվում են RFID–ում պահպանվող տվյալները:
Հատակին գտնվող սենսորները թույլ են տալիս բջջային ծառայությունն օգտագործող հյուրերին հյուրանոցի յուրաքանչյուր անկյունում ստանալ մուտք, սակայն անգամ նրանք, ովքեր չեն օգտագործում սմարթֆոն, կկարողանան ստանալ նախապատվություն: Օրինակ, լոգասենյակ գնալիս ստիպված չեն լինի անջատիչներ փնտրել: Սենսորներն ավտոմատ կմիացնեն լույսը:
Բացի դրանից, կհեշտացվի հյուրանոցի մաքրողների գործը, ովքեր նախապես կիմանան, թե որ համարներն են դատարկ, իսկ որոնք ունեն մաքրման կարիք:
|
հեղինակ` Travel News |
 |
Օդերևութաբանների կանխատեսմամբ՝ 2016թ.-ի ամառը Թաիլանդում խոստանում է վերջին 10 տարիների համեմատ լինել ամենաերաշտայինը:
Հայտնի կուրորտների հյուրանոցները պատրաստում են ջրախնայող ծրագրեր, սակայն խոստանում են, որ ջուրը կբավականացնի բոլոր հանգստացողներին:
Տարբեր շրջանների հյուրանոցների ասոցիացիաները հաղորդել են ամռանը սպասվող իրավիճակի մասին: Այսպես. Պհուքեթն ունի բավարար քանակությամբ ջրի պաշար նվազագույնը մինչև հունիսի համար: Մի շարք հյուրանոցներ ունեն սեփական ջրամբարներ, որոշներն էլ գնել են ջուր:
Պհուքեթի հյուրանոցներում պահանջվող ջրի ողջ քանակության միայն 30-40%-ն է ստացվում ջրատար խողովակներով, մնացած մասը ստացվում է այլ աղբյուրներից:
Պատտայայում ևս հյուրանոցները պատրաստվում են երաշտին՝ ստեղծելով ջրի հավելյալ ֆոնդ: Չիանգմայի հյուրանոցներն էլ ջրամբարներ են կառուցել՝ երաշտի ժամանակ օգտագործելու համար:
Վիճակագրության համաձայն՝ յուրաքանչյուր այցելու Թաիլանդի հյուրանոցներում օրական օգտագործում է միջինը 350 լիտր ջուր, մինչդեռ տեղի բնակիչները՝ 180-200 լիտր:
|
հեղինակ` Travel News |
 |
Գերմանական FlixBus ընկերությունը սկսում է կազմակերպել ուղևորություններ Մեծ Բրիտանիայից դեպի Եվրոպա աշխարհամաս՝ ներկայացնելով Լոնդոն-Փարիզ 9 եվրո արժողությամբ ուղևորություններ:
Ավտոբուսային FlixBus լոուքոսթերը սկսում է մարտի 24-ից օրը երկու անգամ իրականացնել Լոնդոն-Փարիզ երթուղու ուղևորությունը՝ առաջարկելով անվճար ինտերնետ, յուրաքանչյուր ուղևորի համար ուղեբեռի 3 աթոռներ, ոտքերի համար լրացուցիչ տարածություն:
Տոմսերն արդեն վաճառվում են ընկերության պաշտոնական կայքում: Այս մասին հաղորդում է Тravel weekly-ն:
|
հեղինակ` Travel News |
 |
Ռոստով քաղաքի օդանավակայանում վայրէջք կատարելուց վայրկյաններ առաջ Դուբայից FZ-981 չվերթով թռչող flydubai ավիաընկերության ինքնաթիռը վթարվել է: Ինքնաթիռի սրահում վերջին տվյալներով եղել է 62 մարդ: Նրանք բոլորը մահացել են:
Ավիաընկերության պաշտոնական կայքը հաստատել է այդ լուրը. Accident involving flydubai FZ981 Last updated: 19 March 2016 07:56 flydubai regrets to confirm that flight FZ981 crashed on landing and that fatalities have been confirmed as a result of this tragic accident.
For any concerned friends or family: + 44203 4508 853 or +9714 293 4100
For media enquiries: +1407 205 1813
For media enquiries (Arabic Only): +971 52 517 4642
<
|
հեղինակ` Travel News |
 |
Բրիտանական հետազոտական Skytrax ընկերությունը ներկայացրել է աշխարհի լավագույն 100 օդանավակայանների հերթական ցուցակը: Արդյունքները հրապարակվել են World Airline Awards մրցանակաբաշխության կայքում:
Առաջին հորիզոնականում է հայտնվել սինգապուրյան Չանգի օդանավակայանը: Այս օդանավակայանը լավագույնն է ճանաչվում արդեն չորրորդ անգամ:
Հաջորդիվ գալիս են Սեուլի և Մյունհենի օդանավակայանները: Այս երկուսը ևս չեն փոխել իրենց դիրքերը նախորդ տարվա համեմատությամբ:
Ամենազարգացող օդանավակայան է ճանաչվել Հանոյի Նոյբեյ օդանավակայանը /Վիետնամ/: Ամենահամեղ սնունդ մատուցվում է Ճապոնիայի Նարիտի օդանավակայանում, իսկ լավագույն շոպինգն առաջարկում է լոնդոնյան Հիթրոու օդանավակայանը:
Աշխարհի լավագույն օդանավակայանների տասնյակում են հայտնվել նաև Տոկիոն, Հոնկոնգը, Նագոյան, Ցյուրիխը, Լոնդոնը, Օսական, Քաթարը:
|
հեղինակ` Travel News |
 |
Արդեն 2016թ.-ին Հոլիվուդում բացվում է զվարճանքների թեմատիկ այգի, որը նվիրված է հանրահայտ սերիալին: Այգին բացվելու է Լոս Անջելեսում հայտնի Universal Studios Hollywood-ի տարածքում:
«Քայլող մեռյալների» այգու հյուրերը կկարողանան իրենց վրա զգալ զոմբիների հետ հանդիպման ողջ սարսափը, ինչպես նաև ծանոթանալ սերիալի 6 սեզոնների բոլոր հերոսների հետ:
Հետաքրքիր է, որ նախկինում այն տարածքում, որտեղ այժմ բացվելու է այգին, ամեն տարի Հելոուինի ժամանակ կազմակերպվել են զոմբիների ժամանակավոր ատրակցիոններ:
Նշենք, որ Universal Studios Hollywood-ը համարվում է ցանցի հնագույն այգին և գրավում է մեծ տարածություն Հոլիվուդի մոտակայքում: Այգին բաժանված է մասերի, որոնք նվիրված են տարբեր ֆիլմերին:
|
հեղինակ` Travel News |
 |
Կրուիզային Crystal Cruises ընկերությունը տեղեկացրել է, որ պատրաստվում է կառուցել սառցային կարգի աշխարհում առաջին մեգազբոսանավը: Crystal Endeavor-ը ծով է դուրս գալու 2018թ.-ին:
Тravel weekly-ի հաղորդմամբ, մեգազբոսանավը ունենալու է 180 մետր երկարություն և ունակ է լինելու տախտակամած վերցնել 200 ուղևորների, ովքեր տեղակայվելու են 100 համարներում:
Զբոսանավը իր վրա կրելու է երկու ուղղաթիռներ, ջրային մոտոնավեր, ձկնորսության, սնորկլինգի և դայվինգի պարագաներ, սուզանավեր:
Նոր մեգազբոսանավը մրցելու է Scenic Cruises կրուիզային նավի հետ, որը ջուր է մտնելու 2018թ.-ին:
|
հեղինակ` Travel News |
 |
Տեղակայման ոլորտի օնլայն ամրագրման Airbnb կայքը իր օգտատերերին հնարավորություն է տվել կարծիք թողնել տեղակայվողների մասին: Այս կերպ Airbnb–ում վարձակալման ներկայացված բնակարանների սեփականատերերը իրենց հերթին կարող են կարծիք հայտնել զբոսաշրջիկների մասին:
Այսպես, նոր գործառույթը սկզբում հասանելի կլինի Ճապոնիայում, որտեղ այն կսկսի գործել մոտ օրերս: Ավելի ուշ այս հնարավորությունը կակտիվանա այլ երկրների համար:
Ընկերության ղեկավարությունը նշում է, որ հանգստի ժամանակ խնդիրների հետ են բախվում ոչ միայն զբոսաշրջիկները, այլև սեփականատերերը: Այժմ նրանք և իրենց հարևանները կկարողանան բարձրաձայնել բոլոր դժգոհությունները:
Նորարարության պատճառն այն էր, որ վերջին ժամանակահատվածում Airbnb-ն հայտնվում է անբարեխիղճ բնակիչների առաջացրաց սկանդալների կենտրոնում:
|
հեղինակ` Travel News |
 |
Սանտորինի կղզին դարձել է զբոսաշրջիկների սիրելի վայրերից մեկը:
Հունաստանի իշխանությունները հայտարարել են, որ կրուիզային նավերի ուղևորների քանակությունը, ովքեր ժամանելու են կղզի, չի գերազանցելու օրական 8000 զբոսաշրջիկը: Այս պահին ամենածանրաբեռնված օրերին կղզի է այցելում 10.000 զբոսաշրջիկ:
Նախորդ տարի հունական կղզին ընդունել է 636 կրուիզային նավեր 790.000 զբոսաշրջիկով: Այս ցուցանիշը ճանաչվել է տագնապալի և սկսել է առաջացնել էկոլոգիական և տնտեսական ճնշում:
Ալցելուների քանակության սահմանափակմամբ իշխանությունները հույս ունեն օգնել կղզուն արդյունավետորեն ընդունել կրուիզային նավերը և ապահովել ժամանումների հավասարությունը:
Ինչպես գրում է Daily Mail-ը, 2016թ.-ին սահմանափակումների համակարգը շատ չի խստացվելու, քանզի կրուիզային կազմակերպություններն արդեն ամրագրել են իրենց այցելությունները: 2017թ.-ին կսպասվեն լուրջ խստացումներ:
|
հեղինակ` Travel News |
 |
Qatar Airways ավիաընկերությունը ներկայացրել է 14 նոր երթուղու ստեղծման պլանների մասին՝ ներառյալ աշխարհի ամենաերկար ավիացիոն երթուղին՝ Դոհա-Օքլենդ:
Այս երթուղին լինելու է կես ժամով ավելի երկար, քան Emirates ավիաընկերության Օքլենդ-Դուբայ չվերթը, որը վերոհիշյալ ընկերությունը սկսել էր իրականացնել մարտի 2-ից:
Тravel weekly-ի փոխանցմամբ, դրանից բացի ընկերությունը բացելու է թռիչքներ դեպի Պիզա, Հելսինկի, Սկոպյե, Սարաևո, Նիցցա, Մարակեշ, Սեյշելյան կղզիներ, Կրաբի և Չիանգ Մայ, ինչպես նաև Նամիբիա:
|
հեղինակ` Travel News |
 |
Ֆրանսիայի մայրաքաղաքում մոտ օրերս բացվում է հյուրանոց, որը գտնվելու է սատանայի անիվի մեջ: Նոր հյուրանոցը գտնվելու է Սեն գետի ափին:
Արտասովոր հյուրանոցի համարները գտնվելու են պտտվող 19 խցիկների մեջ: Յուրաքանչյուր տաղավարի տարածքը լինելու է մոտ 4 քմ: Հյուրանոց-անիվը աշխատելու է հիդրոէներգիայի հաշվին: Շինությունն ամբողջական պտույտ կատարելու է կես ժամում:
Քաղաքային կանոնակարգի համաձայն, տարվա մեջ երկու անգամ հյուրանոցն անհրաժեշտ է տեղափոխել այլ վայր: Նախատեսվում է, որ հյուրանոցի տեղափոխումը կատարվելու է ջրի վրայով:
Հյուրանոցային համարում գիշերելը կարժենա մոտ 300 եվրո:
|
հեղինակ` Travel News |
 |
Վաշինգտոնի մոտակայքում գտնվող Մակլին (McLean) քաղաքի Hilton հյուրանոցում հայտնվել է առաջին ռոբոտը, որը կատարում է դռնապահի պարտականություններ: Մանկական խաղալիք հիշեցնող ռոբոտը օգնում է հյուրերին կազմակերպել իրենց ժամանցը՝ տեղեկացնելով տեղի տեսարժան վայրերի մասին և պատասխանելով հարցերին:
Ռոբոտին անվանել են Կոննի ի պատիվ Hilton հյուրանոցային ցանցի հիմնադիր Կոնրադ Հլիթոնի: Կոննի կարողանում է սովորել: Որքան շատ նա շփվի հաճախորդների հետ, այդքան շուտ կհասկանա, թե ինչն է ամենից շատ հետաքրքրում նրանց:
Հարցումները փաստում են, որ ճանապարհորդները իրենց կամքով են շփվում ռոբոտների հետ: Հիշեցնենք, որ Ճապոնիայում արդեն գործում է հյուրանոց, որտեղ ողջ անձնակազմը բաղկացած է ռոբոտներից:
|
հեղինակ` Travel News |
 |
Ապրիլի 1-ից Մալթայում ուժի մեջ է մտնում տուրիստական նոր հարկ: Օրական 0.5 եվրո էկոհարկը գանձվելու է երկիրն այցելած բոլոր զբոսաշրջիկներից:
Тravel weekly-ի հաղորդմամբ, տվյալ հարկը զբոսաշրջիկներից գանձելու են հյուրանոցները և հյուրատները:
Այս հարկը փոխանցվելու է Մալթայի հյուրանոցների և ռեստորանների ասոցիացիա և օգտագործվելու է կղզու զբոսաշրջային ենթակառուցվածքների բարելավման համար:
|
հեղինակ` Travel News |
 |
Google ընկերությունը պաշտոնապես ներկայացրել է նոր ծառայություն ճանապարհորդների համար՝ Destinations:
Ծառայությունը հասանելի է բջջային հեռախոսների օգտատերերի համար և աշխատում է միայն Google որոնողական համակարգի բջջային տարբերակով:
Այս գործիքի օգնությամբ զբոսաշրջիկները կարող են դեպի յուրաքաչյուր երկիր պլանավորել ճանապարհորդություն: Որոնումը և երթուղու կազմումը սկսելու համար անհրաժեշտ է որոնման հատվածում նշել երկրի կամ տարածաշրջանի անվանումը և ավելացնել destination կամ vacation բառերը: Հարցման արդյունքում համակարգը ցույց է տալիս, թե որ ուղղություններն են պահանջված այս տարածաշրջանում, պատմում է եղանակի մասին, ինչպես նաև ծանոթացնում է երկրում ակտիվ հանգստի տարբերակների մասին /օրինակ դայվինգ, սերֆինգ/:
Destinations ծառայությունը թույլ կտա համեմատել տարբեր ուղղությունների գները, ինչպես նաև ընտրել հյուրանոցը, համատեղել թռիչքային որոնումը և այլն:
Առայժմ այս ծառայությունը հասանելի է միայն Մեծ Բրիտանիայում, ԱՄՆ-ում, Ֆրանսիայում, Գերմանիայում:
|
հեղինակ` Travel News |
Առանց վիզայի երկրներ Հայաստանի քաղաքացիների համար ... | 59265
Туры в Египет из Армении ... | 44722
«ԳԼՈԲՈՒՍ ՏՈՒՐՍ» ՏՈՒՐԻՍՏԱԿԱՆ ԳՈՐԾԱԿԱԼՈՒԹՅՈՒՆ " ... | 23996
Ինչ է չարթերային թռիչքը ... | 18918
Հյուրանոցային համարների գաղտնիքները: Ի՞նչ են թաքցն ... | 17404Туры в Дубай из Армении, Ереван-Дубай, Объединённы ... | 15371
Մալդիվյան կղզիներ. 9 օր / Maldivyan kxziner / ... | 15127
«ՀԱՆՔԱՎԱՆԻ ԽՈՏՈՐՋՈՒՐ ԱՌՈՂՋԱՐԱՆ» "HANKAVANI K ... | 14718
Ինչպես գտնել էժան ավիատոմսեր ... | 13953
Սոց փաթեթներ ... | 13224
Ուղևորություն դեպի Դուբայ >>> ... | 12261
Ընտանեկան փաթեթ դեպի Հունաստան - ԿՐԵՏԵ կղզի / Երև ... | 10682
Մատչելի հանգիստ Դուբայում - Matcheli hangist Dubay ... | 10552
Varvox patetner depi EGIPTOS ... | 10541
«ԳՈ ԹՐԵՎԼ» ՏՈՒՐԻՍՏԱԿԱՆ ԸՆԿԵՐՈՒԹՅՈՒՆ "GO TRAVE ... | 10266| . Պատահական հայտարարությունների ընտրանի |
