տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
 |
Ընթացիկ տարվա ամռանը Երևանն ավելի շատ համակցող չվերթեր կունենա, քանի որ Երևան չվերթեր իրականացնող շատ ավիաընկերություններ ավելացրել են իրենց չվերթերի հաճախականությունը և ուղղությունները:
«Արմենիա միջազգային օդանավակայաններ» ընկերությունը կատարել է ավիաընկերությունների կողմից առաջարկվող երկկողմ ավիատոմսերի հունիս - հուլիս ամիսների համար գների ուսումնասիրություն:
Ստորև ներկայացված են հանգստի և գործնական այցերի առավել պահանջված ուղղությունների երկկողմանի տոմսերի արժեքները 2016թ. հունիս և հուլիս ամիսների համար:
Հունիսին դեպի
Մոսկվա չվերթի արժեքը կլինի $187.00, կամ 91 880.00 դրամ,
Դուբայ` $262.00 կամ 128 300 դրամ,
Պրահա` $262.00 (128 300 դրամ),
Աթենք` $271.00 (133 150 դրամ),
Հռոմ` $300.00 (147 400 դրամ),
Վիեննա` $304.00 ( 149 400),
Փարիզ` $355.00 ( 174 400 դրամ),
Լոնդոն` $378.00 (185 730),
Բարսելոնա` $431.00 ( 211 770) ,
Նյու Յորք` $509.00 (250 100),
Պեկին` $568.00 (280 000 դրամ),
Լոս Անջելես` $788.00 (387 200 դրամ):
Հուլիսին դեպի
Մոսկվա չվերթի արժեքը կլինի $187.00, կամ 91 880 դրամ,
Դուբայ` $262.00 կամ 128 730 դրամ,
Պրահա` $262.00 (128 300),
Աթենք` $278.00 (136 600),
Հռոմ` $319.00 (156 740),
Վիեննա` $301.00 (147 900.00),
Փարիզ` $373.00 (183 270),
Լոնդոն` $374.00 (183 770),
Բարսելոնա` $432.00 (212 260),
Նյու Յորք` $585.00 (287 450),
Պեկին` $610.00 (299 700),
Լոս Անջելես`$861.00 (423 000):
|
հեղինակ` Travel News |
 |
Փետրվարի 29-ին Ժնևում աշխատանքային այցելությամբ գտնվող Հայաստանի արտգործնախարար Էդվարդ Նալբանդյանը հանդիպում ունեցավ Շվեյցարիայի արտաքին գործերի դաշնային դեպարտամենտի ղեկավար Դիդիե Բուրկհալտերի հետ:
Էդվարդ Նալբանդյանն ու Դիդիե Բուրկհալտերը ստորագրեցին Հայաստանի Հանրապետության և Շվեյցարիայի Համադաշնության միջև մուտքի արտոնագրի տրամադրման կարգի դյուրացման մասին համաձայնագիր:
|
հեղինակ` Travel News |
 |
Հրավիրում ենք մասնակցելու 3-րդ միջազգային մասնագիտացված «In Tour Expo 2016» ցուցահանդեսին, որը լայն ճանաչում է ձեռք բերել տուրիզմի բնագավառում և իր կարևոր դերն ունի ոլորտի զարգացման մեջ:
Ցուցահանդեսը կկայանա 2016 թ-ի ապրիլի 15-17-ը Երևան Էքսպո կենտրոնում (Մերգելյան ինստիտուտի տարածքում) և կազդանշի տուրիստական սեզոնի մեկնարկը Հայաստանում:
Ցուցահանդեսի գործընկեր երկիրն է Արաբական Միացյալ Էմիրությունները:
Ցուցահանդեսը լավ հնարավորություն է տալիս բացահայտելու տուրիստական ծառայությունների ամբողջ ոլորտը` շրջագայությունների կազմակերպում ամբողջ Հայաստանում, Լեռնային Ղարաբաղում և աշխարհի տարբեր երկրներում, ավիափոխադրումներ, հյուրանոցների ամրագրում, գործնական տուրեր, ապահովագրական ծառայություններ և այլն:
Թեմատիկ բաժիններն են`
- տուր օպերատորներ և տուրիստական գործակալություններ,
- վերականգնողական հանգիստ և բուժում,որսորդություն, ձկնորսություն,
- էկո տուրիզմ, ակտիվ հանգիստ, սպորտ, գործնական տուրիզմ,
- առողջարաններ, հանգստյան տներ, հյուրանոցներ, հյուրանոցային ցանցեր, ավիատոմսերի և երկաթգծի տոմսերի վաճառք,
- ռեստորաններ, ժամանցի կենտրոններ, տրանսպորտային ծառայություններ, ապահովագրում, բանկային ծառայություններ, ինտերնետային ռեսուրսներ:
«In Tour Expo 2016» ցուցահանդեսը հիանալի հնավորություն է ստեղծում բացահայտել Հայաստանի հայտնի և անհայտ գողտրիկ անկյունները:
Միանշանակ լավ և փորձված հարթակ է հանդիսանում միջազգային փորձը հայաստանյան շուկա ներմուծելու, և լավագույն առաջարկները հայ սպառողին ներկայացնելու համար:
Ցուցահանդեսին մասնակցելու են ոլորտի ավելի քան 100 առաջատար կազմակերպություններ Հայաստանից, Լեռնային Ղարաբաղից, Իսպանիայից, Արաբական Միացյալ Էմիրություններից, Եգիպտոսից, Իսրայելից, Ռուսաստանից, Իրանից և այլ երկրներից:
«In Tour Expo 2016» ցուցահանդեսի աջակիցներն են՝
ՀՀ Կառավարությունը,
ՀՀ Էկոնոմիկայի նախարարությունը
ՀՀ Առևտրաարդյունաբերական Պալատը<
Ցուցահանդեսի կազմակերպիչ` «Էքսպո Գրուպ» ՍՊԸ
Հեռ.;+ 374 91 007 702, +374 11 777 588
Էլ.հասցե. mail@expogrouparmenia.com
www.expogrouparmenia.com/
|
հեղինակ` Travel News |
 |
Mercer միջազգային խորհրդատվական ընկերությունը Երևանն ընդգրկել է աշխարհի այն քաղաքների ցանկում, որոնք առավել հարմարավետ են ապրելու տեսանկյունից։
Mercer–ը 18 տարի անընդմեջ կյանքի որակի վարկանիշ է կազմում աշխարհի մեծ քաղաքներում։ Ընտրության չափանիշներն են` առողջապահությունը, կրթությունը, հանցագործության մակարդակը, հանգստի կազմակերպումը, քաղաքական կայունությունը, տրանսպորտը, բնապահպանությունը և այլն։
Հայաստանի մայրաքաղաքը Quality of living rankings – 2016 վարկանիշում է, որում ընդգրկված են աշխարհի 230 քաղաքներ։ Երևանը տեղավորվել է 182–րդ հորիզոնականում։
Հետխորհրդային տարածքի երկրներից վարկանիշի 79–րդ տեղում է Վիլնյուսը (Լիտվա), 89–րդ տեղում` Տալլինը (Էստոնիա) 90–րդում` Ռիգան (Լատվիա), 167 և 174–րդ տեղերում են, համապատասխանաբար, Մոսկվան և Սանկտ Պետերբուրգը, 176–րդ հորիզոնականում` Կիևը, 168–րդում` Թբիլիսին, 190–րդումԲելառուսի մայրաքաղաք Մինսկը, 197–րդում` Բաքուն (Ադրբեջան), 205–րդում` Թաշքենդը (Ուզբեկստան), 208–րդում` Աշխաբադը (Թուրքմենստան), 201–րդում` Բիշքեկը (Ղրղըզստան), իսկ 2014–րդում` Դուշանբեն (Տաջիկստան)։
Վարկանիշի առաջատարներն են` Վիեննան (Ավստրիա), Ցյուրիխը (Շվեյցարիան), Օքլենդը (Նոր Զելանդիա), Մյունխենը (Գերմանիա), Վանկուվերը (Կանադա):
Վարկանիշի վերջին հորիզոնականում Բաղդադն է (Իրաք)։
Աութսայդերների թվում են` Պորտ–օ–Պրենսը (Հաիթի), Խարթումը (Սուդան), Նջամենան (Չադ), Դամասկոսը (Սիրիա), Բրազավիլը (Կոնգոյի Հանրապետություն):
|
հեղինակ` Travel News |
 |
Քաղաքացիական ավիացիայի միջազգային կազմակերպությունը (ԻԿԱՕ) արգելում է ուղևորատար օդանավերով լիթիում-իոնային մարտկոցների տեղափոխումը: Այս մասին գրում է «Ռոյթերզ» գործակալությունը՝ վկայակոչելով ԻԿԱՕ-ի պաշտոնական էջը: Նման արգելքը կիրառվել է, քանի որ դրանք հրդեհավտանգ են: Լրատվամիջոցը հիշեցնում է, որ նման մարտկոցներ օգտագործվում են նոթբուքերում, ֆոտոկամերաներում:
Որոշումն ուժի մեջ կմտնի 2016-ի ապրիլի 1-ից ու կգործի այնքան ժամանակ, քանի դեռ «վտանգավոր բեռ»-ի համար հրդեհակայուն փաթեթավորում չի մշակվել:
Հայաստանի Քաղավիացիայի գլխավոր վարչության մամուլի խոսնակ Ռուբեն Գրձելյանը Panorama.am-ին հայտնեց, որ արգելքը կգործի նաև Հայասատանում, քանի որ Հայաստանը ԻԿԱՕ-ի անդամ է:
«Եթե Քաղաքացիական ավիացիայի միջազգային կազմակերպությունը որոշում է ընդունում, ապա դա պարտադիր կատարման ենթակա է անդամ բոլոր երկրներում, այդ թվում և Հայաստանում»,-ասաց Գրձելյանը:
ՔԱԳՎ-ից նաև նշեցին, որ Հայաստանը ԻԿԱՕ-ից պարբերաբար ստանում է բոլոր այն նորմատիվ ակտերը և տեղեկատվությունը, որոնք կապված են ավիացիոն անվտանգության ապահովության, ուղևորների սպասարկման, ուղեբեռի, բեռի հետ, ինչպես նաև այլ տեղեկատվություն միջազգային ավիացիայի գործունեության վերաբերյալ:
Հայաստանի Հանրապետությունը անդամակցում է ԻԿԱՕ-ին 1992 թվականից:
ԻԿԱՕ-ի գլխավոր գրասենյակը գտնվում է Մոնրեալում (Կանադա):
|
հեղինակ` Travel News |
 |
2016 թվականի սեպտեմբերից հունգարական Wizz Air ավիաընկերությունը սկսելու է նոր չվերթեր Քութայիսիից դեպի Բեռլին, Մյունխեն, Դորտմունդ, Միլան, Սալոնիկ, Լառնակա և Սոֆիա:
Դեպի Բեռլին չվերթները սկսվելու են սեպտեմբերի 23-ից, իրականացվելու են ամեն երկուշաբթի և ուրբաթ: Տոմսի արժեքը՝ սկսած 39.99 եվրոյից:
Դեպի Մյունխեն - սեպտեմբերի 23-ից, իրականացվելու են ամեն երկուշաբթի և ուրբաթ: Տոմսի արժեքը՝ սկսած 39.99 եվրոյից:
Դեպի Միլան - սեպտեմբերի 25-ից, իրականացվելու են ամեն երկուշաբթի եւ ուրբաթ: Տոմսի արժեքը՝ սկսած 39.99 եվրոյից:
Դեպի Դորտմունդ - սեպտեմբերի 25-ից, իրականացվելու են ամեն չորեքշաբթի և կիրակի: Տոմսի արժեքը՝ սկսած 39.99 եվրոյից:
Դեպի Սալոնիկ - սեպտեմբերի 24-ից, իրականացվելու են ամեն երեքշաբթի, հինգշաբթի և շաբաթ: Տոմսի արժեքը՝ սկսած 29.99 եվրոյից:
Դեպի Լառնակա - սեպտեմբերի 24-ից, իրականացվելու են ամեն երեքշաբթի, հինգշաբթի և շաբաթ: Տոմսի արժեքը՝ սկսած 24.99 եվրոյից:
Դեպի Սոֆիա - սեպտեմբերի 24-ից, իրականացվելու են ամեն երեքշաբթի, հինգշաբթի և շաբաթ: Տոմսի արժեքը՝ սկսած 24.99 եվրոյից:
Կարեւոր է հիշել, որ մատչելի տոմսերն արդեն վաճառվում են Wizz Air-ի կայքում:
Wizz Air-ը նշված գներով տոմս գնողներին թույլ է տալիս ունենալ միայն մեկ փոքր ուղեբեռ: Ավելի մեծ ուղեբեռի կամ մեկից ավեի փոքր ուբեռների համար գանձվում է լրացուցիչ գումար:
|
հեղինակ` Travel News |
 |
Ամբողջ աշխարհից ժամանած դահուկորդներ և սնոուբորդիստներ կմասնակցեն «Snowland 2016» առաջին փառատոնին, հայտնում է travel-armenia.ru–ն:
Ծավալուն մարզա-ժամանցային փառատոնը կանցկացվի փետրվարի 26–ին և 27–ին Ծաղկաձորում։
Միջոցառումը կանցկացվի երկու փուլով` Freeride (փետրվարի 26)` սնոուբորդով և լեռնադահուկներով սահում մարզուղուց դուրս պրոֆեսիոնալ մարզիկների և Հայաստանի դահուկային սպորտի ֆեդերացիայի անդամների մասնակցությամբ և դահուկորդների ու սնոուբորդիստների սիրողական մրցում «Մեծ սլալոմ» մարզաձևում (փետրվարի 27)։
Մրցումների գնահատման համակարգը կհամապատասխանի համաշխարհային չափանիշների։ Հաղթողներին կհանձնվեն մրցանակներ փառատոնի հովանավորներից։
Փառատոնին կմասնակցեն Հայաստանի և այլ երկրների ավելի քան 100 դահուկորդների և սնոուբորդիստներ։
Կարելի է մասնակցել և որպես «Հյուր», և որպես «Մասնակից»:
Փառատոնն անցկացվում է «Հայաստանի լեռնային սպորտի ֆեդերացիայի» հետ համատեղ` Ծաղկաձորի քաղաքապետարանի աջակցությամբ։
|
հեղինակ` Travel News |
 |
2016 թվականին եվրոպացի զբոսաշրջիկներին կծանոթացնեն Գորիսի շրջակայքի լեռնային արահետներին: Այս մասին NEWS.am-ի թղթակցի հետ զրույցում հայտնեց Հայ զբոսավարների ասոցիացիայի նախագահ Լիա Բախշինյանը:
«Մենք հիմնականում արշավներ ենք կազմակերպում դեպի Արագած: Սա շատ տարածված երթուղի է: Իսկ հիմա պատրաստվում ենք արշավների սիրահարներին ծանոթացնել Գորիսին: Արդեն հետիոտնի համար նախատեսված արահետներով երթուղիներ ենք կազմել, բայց դժվար ճանապարհներ են: Այդ պատճառով հարկավոր է պատրաստվել զբոսաշրջիկների ժամանելուն»,- նշեց Բախշինյանը:
Հայաստանի լեռների կուսական արահետներն առայժմ եվրոպացիներին ավելի քիչ են գրավում, քան ավանդական շրջայցերը, այդ պատճառով քիչ է նաեւ պրոֆեսիոնալ զբոսավար-ուղեկցորդների թիվը: Նրանք պետք է կարողանան վրաններ խփել (հաճախ արշավները մի քանի օր են տեւում), խարույկ վառել, ճանաչել ճանապարհները, անհրաժեշտության դեպքում առաջին օգնություն ցույց տալ: Եվ, իհարկե, պետք է իրենք էլ ուսապարկով ճամփորդության փորձ ունենան:
2008 թվականին USAID/CAPS ծրագրի շրջանակում մի քանի ուղեկցորդներ վերապատրաստում են անցել Ֆրանսիայում: Այժմ նրանք են պատրաստում սկսնակներին:
«Այդ մասնագիտացմամբ կրթությունը թանկ հաճույք է, այդ պատճառով մեզ շատ կօգնեին դոնորական նոր նախագծերը: Դա առանձին մասնագիտություն է, որը յուրացնում են տարիների ընթացքում: Այդ պատճառով, որպես կանոն, խմբի հետ ուղարկում ենք երկու զբոսավարի. մեկը՝ դասական զբոսավար, որը լեզու գիտի եւ ճանապարհին կարող է պատմել երկրի եւ շրջանի մասին, մյուսը՝ ուղեկցորդ»,- պարզաբանեց Բախշինյանը:
Հայաստանի լեռնային գոտիները շատ են սիրում Ֆրանսիայից, Նիդեռլանդներից, Իտալիայից, իսկ վերջին շրջանում՝ նաեւ Ռուսաստանից ժամանող զբոսաշրջիկները:
|
հեղինակ` Travel News |
 |
2016թ. Հայաստանի քարանձավները կբացվեն զբոսաշրջության համար: Այս մասին լրագրողներին փետրվարի 16-ին հայտնել է Հայաստանի Էկոնոմիկայի նախարարության զբոսաշրջության վարչության պետ Մեխակ Ապրեսյանը: Միեւնույն ժամանակ, նրա խոսքով, իր գերատեսչությունը չի հանդուրժի «քարանձավային մարդկանց» գրոհը ու օպերատորների ու զբոսաշրջիկների համար վարքագծի կանոններ կսահմանի, որպեսզի նրանք ո՛չ իրենց վնասեն, ո՛չ քարանձավների էկոհամակարգին:
Ապրեսյանը հիշեցրել է, որ 2015թ. ՀՀ Կառավարությունը հաստատել է քարանձավների գործածման միջոցառումների ծրագիր: «Շատ կարեւոր է ոչ թե պարզապես հետիոտն երթուղիներ բացել քարանձավներում, այլեւ դրանք գրավիչ դարձնել զբոսաշրջիկների համար: Եվ նման զբոսաշրջային փաթեթների նկատմամբ բավականաչափ հետաքրքրություն կա»,- ասել է Էկոնոմիկայի նախարարության ներկայացուցիչը:
Նա նշեց, որ Մագիլի քարանձավի համար, որը հայտնի է իր չղջիկներով, արդեն սահմանվել են այցելության կանոններ:
«Զբոսաշրջությունից գոյացած միջոցների մի մասը պետք է ուղղվի դրանց պահպանմանը»,- հավելեց Մեխակ Ապրեսյանը:
|
հեղինակ` Travel News |
 |
Հայաստանի քաղաքացիները 2016թ.-ին հնարավորություն կունենան հանգստանալ Կանարյան կղզիներում, երեքշաբթի լրագրողներին հայտնեց Ներգնա տուրօպերատորների միության խորհրդի անդամ Վլադիմիր Գևորգյանը. "Նախնական բանակցություններ են իրականացվել տուր օպերատորների և հյուրանոցների հետ, և սպասվում է, որ հուլիս-օգոստոսին Հայաստանից չարտերային չվերթեր կիրականացվեն դեպի Լաս Պալմաս քաղաք":
Սա հայաստանցի զբոսաշրջիկների համար նոր ուղղություն կլինի, թռիչքը կտևի ընդամենը 6-7 ժամ, ինչը մի փոքր ավել է դեպի Իսպանիայի ափամերձ քաղաքներ թռիչքներից։
«Միակ խնդիրը տուրի համեմատաբար բարձր արժեքն է` հաշվի առնելով թռիչքի ծախսերը, սակայն գնային որոշակի տատանման հնարավորություն կլինի», – ասաց Վլադիմիր Գևորգյանը։
Մասնավորապես, նրա խոսքով, ներառյալ ավիատոմսերը 7-10 օրով երկու անձի համար all inclusive տարբերակով 5 աստղանի հյուրանոցում բնակությունը կկազմի մոտ 2500 եվրո։
ՀՀ էկոնոմիկայի նախարարության տվյալներով` հայաստանցիները հիմնականում իրենց ամառային արձակուրդն անցկացնում են ծովափում` նախընտրելով Եգիպտոսի, Շրի Լանկայի, Իսպանիայի, Հորդանանի հանգստավայրերը։
|
հեղինակ` Travel News |
 |
Հայաստանն ու Չեռնոգորիան նախատեսում են զարգացնել համագործակցությունը զբոսաշրջության ոլորտում։
Կառավարության առաջիկա նիստի օրակարգում ներառվել է «Զբոսաշրջության ոլորտում համագործակցության մասին» Հայաստանի և Չեռնոգորիայի կառավարությունների միջև համաձայնագրի ստորագրմանն հավանություն տալու հարցը։
Որոշման նախագծում, մասնավորապես, նշվում է, որ Հայաստանի և Չեռնոգորիայի կառավարությունները, ցանկանալով զարգացնել և ամրապնդել երկրների միջև զբոսաշրջության բնագավառում համագործակցությունը, կաջակցեն իրենց երկրներում զբոսաշրջության բնագավառում իրավասու պետական մարմինների, զբոսաշրջային օպերատորների և այլ կազմակերպությունների համագործակցությանը` երկու երկրների միջև զբոսաշրջային հոսքերի ավելացման նպատակով:
Կողմերն, իրենց երկրների օրենսդրությանը համապատասխան, կձգտեն դյուրացնել երկու երկրների միջև զբոսաշրջային փոխայցելությունների ընթացակարգերը:
Երկու երկրների միջև մշակութային զբոսաշրջության զարգացման նպատակով, կողմերը կխրախուսեն երկու երկրներում մշակութային միջոցառումների, փառատոնների, զբոսաշրջային միջազգային ցուցահանդեսների, տոնավաճառների, համաժողովների, սեմինարների և այլ մշակութային ու զբոսաշրջային միջոցառումների կազմակերպումը և դրանց փոխադարձ մասնակցությունը:
Կողմերը զբոսաշրջության ոլորտը կարգավորող իրենց իրավասու պետական մարմինների միջոցով կաջակցեն զբոսաշրջության ոլորտում ներդրողների, զբոսաշրջության բնագավառի հասարակական և ոչ առևտրային այլ կազմակերպությունների միջև համագործակցության հաստատմանը և զարգացմանը:
Կողմերը կխրախուսեն փոխադարձ համագործակցությունը կադրերի մասնագիտական վերապատրաստման, փորձագետների և լրագրողների փոխանակման բնագավառներում:
Հանգստյան սեզոնի ընթացքում մի քանի տարի Չեռնոգորիան ՀՀ քաղաքացիների համար առանց վիզայի ռեժիմ էր ներդնում։
arka.am
|
հեղինակ` Travel News |
 |
2016 թվականի փետրվարի 5-12-ը "ՏաԹևեր" ճոպանուղին չի աշխատելու` պայմանավորված տարեկան տեխնիկական զննման և ստուգման աշխատանքներով, որոնք ապահովում են ճոպանուղու անխափան և անվտանգ գործունեությունը ողջ տարվա ընթացքում:
Հարցերի դեպքում կարող եք կապ հաստատել ՝ info@tatever.am
|
հեղինակ` Travel News |
 |
Այսուհետ Հայաստանի քաղաքացիները Ինդոնեզիայի վիզա կարող են ստանալ սահմանին:
"Իրականացվել է Հայաստանի և Ինդոնեզիայի միջեւ մուտքի արտոնագրային ռեժիմի դյուրացման առաջին քայլը. Ինդոնեզիա այցելող ՀՀ քաղաքացիները կարող են մուտքի արտոնագիր ստանալ երկիր ժամանելուն պես", - տեղեկացնում է ՀՀ ԱԳՆ-ը:
|
հեղինակ` Travel News |
 |
«Արմենիա» ավիաընկերությունը, որը որոշ ԶԼՄ-ների տեղեկատվությամբ մտադիր է Հայաստանում չվերթներ իրականացնել, դեռևս դիմում չի ներկայացրել համապատասխան թույլատվություն ստանալու խնդրանքով, չորեքշաբթի մամուլի ասուլիսում հայտարարեց ՀՀ էկոնոմիկայի նախարար Կարեն Ճշմարտյանը:
«Օրենքով գործընթացի կարգ է սահմանված, և թույլատվության հայտ մենք դեռևս չենք ստացել»,-ասաց Ճշմարիտյանը:<
Նախարարն ավելացրեց նաև, որ իրեն ոչինչ հայտնի չէ ընկերության բաժնետերերի մասին:
2013 թվականի հոկտեմբերին Հայաստանի կառավարությունը հաստատեց «բաց երկնքի» քաղաքականությունը, կամ ավիածառայությունների կազմակերպման մրցութային պայմանների ապահովման ծրագիրը:
|
հեղինակ` Travel News |
 |
Չինաստանի Հատուկ ադմինիստրատիվ Մակաո շրջանը փետրվարի 3-ին կենտրոնական Կառավարության թույլտվությամբ Հայաստանի հետ փոխադարձ վիզայից ազատման մասին համաձայնագիր է ստորագրել:
Մակաոյի ադմինիստրացիայի եւ արդարադատության քարտուղար Հոյ Ֆան Չանը և Չինաստանում Հայաստանի դեսպան Արմեն Սարգսյանը համաձայնագիրը ստորագրել են Մակաոյի կառավարության կենտրոնակայանում:
Ըստ China.org.cn-ի, համաձայնագիրը ենթադրում է, որ այն ռեզիդենտները, որոնք Մակաոյի գործող անձնագիր ունեն կամ Մակաո ճամփորդության գործող թույլտվություն, Հայաստան մուտք գործելիս առավելագույնը 90 օրով ազատվում են վիզա ստանալու անհրաժեշտությունից:
|
հեղինակ` Travel News |
Առանց վիզայի երկրներ Հայաստանի քաղաքացիների համար ... | 59569
Туры в Египет из Армении ... | 44832
«ԳԼՈԲՈՒՍ ՏՈՒՐՍ» ՏՈՒՐԻՍՏԱԿԱՆ ԳՈՐԾԱԿԱԼՈՒԹՅՈՒՆ " ... | 24014
Ինչ է չարթերային թռիչքը ... | 18932
Հյուրանոցային համարների գաղտնիքները: Ի՞նչ են թաքցն ... | 17408Туры в Дубай из Армении, Ереван-Дубай, Объединённы ... | 15399
Մալդիվյան կղզիներ. 9 օր / Maldivyan kxziner / ... | 15139
«ՀԱՆՔԱՎԱՆԻ ԽՈՏՈՐՋՈՒՐ ԱՌՈՂՋԱՐԱՆ» "HANKAVANI K ... | 14739
Ինչպես գտնել էժան ավիատոմսեր ... | 13955
Սոց փաթեթներ ... | 13230
Ուղևորություն դեպի Դուբայ >>> ... | 12276
Ընտանեկան փաթեթ դեպի Հունաստան - ԿՐԵՏԵ կղզի / Երև ... | 10686
Մատչելի հանգիստ Դուբայում - Matcheli hangist Dubay ... | 10560
Varvox patetner depi EGIPTOS ... | 10542
«ԳՈ ԹՐԵՎԼ» ՏՈՒՐԻՍՏԱԿԱՆ ԸՆԿԵՐՈՒԹՅՈՒՆ "GO TRAVE ... | 10272| . Պատահական հայտարարությունների ընտրանի |
