տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
 |
Տոմատինան(Tomatina)՝ պոմիդորային կռիվը, Իսպանիայի ամենահայտնի և սպասված տոներից մեկն է: Այս տարի այն անցկացվելու է վալենսիական Բունյոլ (Buñol) քաղաքում օգոստոսի 27-ին: Այս մրցակցությանը մասնակցելու համար ամեն տարի Իսպանիա են մեկնում հազարավոր զբոսաշրջիկներ աշխարհի տարբեր երկրներից:
Անցյալ տարվանից սկսած միջոցառումը դարձել է վճարովի: Հասույթի մի մասը ուղղվում է բարեգործական նպատակներով: Տոմսերի վաճառքի մյուս պատճառը մասնակիցների քանակի կրճատումն է:
2012 թ.-ին Տոմատինան ունեցել է 45000 մասնակից, որը մեծ թիվ է այս փոքրիկ քաղաքի համար: Այժմ Տոմատինան ունենալու է 20000 մասնակից, և տոմսերի մեծ մասն արդեն վաճառված է:
Փառատոնի համար պատրաստվել է ավելի քան 14 տոննա պոմիդոր:
Տոնակատարությունն իր մեջ ներառում է նաև դիսկոտեկը, որի համար հրավիրվել են եվրոպական հայտնի դիջեյներ:
Երկրորդ տարին անընդմեջ անցկացվելու է նաև Մանկական Տոմատինան (Tomartina Infantil), որին մասնակցելու են երեխաները:
«Փաստ» լրատվական-վերլուծական կայք
|
հեղինակ` admin |
 |
Ինչպես նշում է The Telegraph-ը, Չինաստանի իշխանությունները պատրաստվում են իրականացնել բավականին համարձակ մի ծրագիր, որի շրջանակներում կկառուցվի մի շքեղ քաղաք, որը նաև լողալու է։
Քաղաքը համալրված է լինելու ստորջրյա հյուրանոցներով, թանգարաններով, ռեստորաններով, ցուցասրահներով ու թեմատիկ այգով:
Այս ամենը դեպի Չինաստան կգրավի հազարավոր հետաքրքրասեր զբոսաշրջիկների։ Հետաքրքիր է այն փաստը, որ ժամանցի ու զվարճանքի բազմաթիվ վայրերը կառուցված են լինելու ոչ միայն քաղաքի մակերևույթին, այլ նաև ջրի տակ։
Չինական կողմը հայտնել է, որ քաղաքի կառուցումը կսկսվի 10-20 տարուց: Քաղաքի համար որպես հիմք կծառայեն նոր տեխնոլոգիայով ստեղծված կամուրջները, որոնք առանց կողմնակի օգնության կարող են ամուր կանգնել ջրում։
«Փաստ» լրատվական-վերլուծական կայք
|
հեղինակ` admin |
 |
2014թ. հունվար-հունիս ամիսներին Վրաստան է այցելել 25 217 հայ զբոսաշրջիկ, ինչը նախորդ տարվա նույն ժամանակահատվածի համեմատ 5%-ով ավելին է:
Հայաստանը Վրաստան այցելող զբոսաշրջիկների թվով զբաղեցնում է երրորդ հորիզոնականը: Առաջին հորիզոնականում, ինչպես և նախկինում, գտնվում է Թուրքիան, բայց պետք է նշել, որ ներկայացված ժամանակահատվածում թուրք զբոսաշրջիկների թիվը կրճատվել է 15%-ով: Երկրորդ հորիզոնականը զբաղեցնում է Ադրբեջանը` 534 949 այցելուներով, ինչը 21%-ով ավելին է նախորդ տարվա նույն ժամանակահատվածի համեմատ:
Ռուսաստանից Վրաստան այցելած զբոսաշրջիկների թիվը կազմել է 298 489 հոգի (աճը` 14%), Ուկրաինայից` 61 814 մարդ (աճը`13%):
Վրաստանի տուրիզմի ազգային ադմինիստրացիայի տվյալների համաձայն, 2014թ. առաջին 6 ամիսների ընթացքում Վրաստան է այցելել ընդհանուր առմամբ 2 մլն 243 հազ. 362 զբոսաշրջիկ: Մեկ տարվա կտրվածքով զբոսաշրջիկների թիվն աճել է 45 769-ով (2%):
«Փաստ» լրատվական-վերլուծական կայք
|
հեղինակ` admin |
 |
Աբու Դաբիում Լուվրի մասնաճյուղն իր աշխատանքը կսկսի 2015թ. դեկտեմբերի 2-ին։ Այս պահից սկսած Օրսեի թանգարանը, Պոմպիդուի կենտրոնը, Լուվրը և Ֆրանսիայի այլ խոշոր թանգարաններ մասնաճյուղին կփոխանցեն տարեկան մի քանի տասնյակ գլուխգործոց, հայտնեւմ է buro247.ru-ն։
Այս բոլոր թանգարանները որոշել են փոխանցել իրենց ամենաարժեքավոր աշխատանքները ոչ ավել, քան մեկ տարով: Մոտակա 10 տարին արվեստի գլուխգործոցները Լուվրի մասնաճյուղ կփոխանցվեն ոչ մեծ քանակությամբ:
300 «գլուխգործոցների և արժեքավոր աշխատանքների» ցուցակը կհայտարարվի այս տարվա վերջին։ Agence France-Muséums-ի տնօրեն Մանուել Ռաբատեն նշել է, որ արվեստի փոխառությունը նոր Լուվրի կողմից կսկսվի 2015թ. վերջից, շատ ակտիվ կլինի միայն առաջին շրջանում և աստիճանաբար կդանդաղի, երբ Աբու Դաբիի Լուվրում ձևավորվի սեփական մշտական հավաքածուն։
Աբու Դաբիում Լուվրի մասնաճյուղի նախագծով զբաղվել է անվանի ֆրանսիացի ճարտարապետ Ժան Նուվելը: Ձյունաճերմակ թանգարանի շենքը՝ 64 հազար քառակուսի մետր տարածքով, կառուցվում է Պարսից ծոցի Սաադիատ արհեստական կղզու վրա:
Նոր Լուվրը մի փոքր նման կլինի չբացահայտված թռչող օբյեկտի:
«Փաստ» լրատվական-վերլուծական կայք
|
հեղինակ` admin |
 |
Այս տարի Իսպանիայի հյուրանոցային համարի մեկ օրվա միջին արժեքը կազմել է 107 եվրո, սակայն երկրի տարբեր վայրերում այս թիվը տատանվում է։ Trivago.com կայքը կազմել է Իսպանիայի հյուրանոցների ցանկը ըստ գնային արժեքների:
Ամենաէժանն են ճանաչվել Գալիսիայի ծովափնյա հյուրանոցները՝ Սանսենսոն և Ռիբադեոն։ Այստեղ կարելի է գիշերել համապատասխանաբար 70 և 79 եվրոյով։ Էժան են նաև Սուանսոսը (70 եվրո) և Կոմիլյասը (81 եվրո) Բիսկայան ծոցում, և Հիհոնը (85 եվրո)՝ Աստուրիասում։ Այնուամենայնիվ, Բիսկայան ծոցը այնքան էլ չի գրավում զբոսաշրջիկներին, քանզի այստեղ նույնիսկ ամռան ամենաթեժ օրերին ծովի ջուրը սառն է։
Մատչելի է հանգիստը նաև Անդալուսիայում՝ Կարբոներասում (74 եվրո), Բարբատեում (77 եվրո) և Մատալասկանյասում (80 եվրո)։ Անսպասելիորեն մատչելի է նաև Պուերտո-դե-լա-Կրուսը Կանարյան Տեներիֆե կղզում. այստեղ հյուրանոցներն արժեն 60 եվրո։
Այս ամռանը ամենաթանկը Իբիցայում հանգիստն է, հատկապես առանձնանում է Սանտա-Էուլալիյան, որտեղ գները մեկ գիշերվա համար հասնում են 271 եվրոյի։ Հաջորդում է Լա-Մանգան Մուրսիայում (244 եվրո), Մարբելյան (217 եվրո), Ռոկետաս-դել-Մարը (162եվրո) և Սահարա-դե-լոս-Ատունեսը (164եվրո)։
Ուսումնասիրվել են բոլոր այն հանգստավայրերը, որտեղ դեռևս հնարավոր է հանգստանալ օգոստոս ամսին։ Այնպես որ վերցրեք ձեր ճամպրուկներն ու շտապեք, քանզի ամառն արդեն ավարտվում է...
«Փաստ» լրատվական – վերլուծական կայք
|
հեղինակ` admin |
 |
Համաձայն ամենամյա քաղաքների ուսումնասիրման (Cities Survey)՝ Դուբայը համարվում է աշխարհում լավագույն քաղաքը գնումների համար՝ շրջանցելով Լոնդոնն ու Նյու-Յորքը։
Բացի դրանից, CBRE 2014-ի ամենամյա ուսումնասիրությամբ Դուբայն արդեն երեք տարի գրավում է երկրորդ հորիզոնականը մանրածախ առեւտրի կարևորագույն ուղղությունների մեջ՝ մի փոքր զիջելով միայն Լոնդոնին։ 2013թ.-ի ընթացքում Դուբայում բացվել են առևտրի 19 նոր կենտրոններ, և նրանց թիվը գնալով աճում է։
Ներկայումս առևտրի կենտրոնների տարածքը ԱՄԷ-ում կազմում է 3մլն քմ, իսկ 2016թ.-ին այն կավելանա ևս 840 հազար քմ-ով՝ շնորհիվ առևտրա-ժամանցային նոր կառուցվելիք կենտրոնների։ Damac Properties ընկերությունը կառուցելու է AkoyaDrive նոր առևտրի կենտրոնը, իսկ Nakheel ընկերությունը նախատեսում է կառուցել նոր առևտրի կենտրոններ Փալմ Դեյրա արհեստական կղզում։
Վերակառուցվում են Դուբայ Մոլլը, Էմիրատների Մոլլը։
«Փաստ» լրատվական – վերլուծական կայք
|
հեղինակ` admin |
 |
Ըստ հայաստանյան աղբյուրների` ընթացիկ տարվա առաջին կիսամյակում 35 հազար իրանցի տուրիստներ են այցելել երկիր, որը կազմում է Հայաստան ժամանած զբոսաշրջիկների թվի 7%-ը:
ՀՀ էկոնոմիկայի նախարարության Զբոսաշրջության բաժնի պետ Մեխակ Ապրեսյանի հաղորդմամբ, 2014 թվականի առաջին կիսամյակում Հայաստան է ժամանել 495 967 զբոսաշրջիկ, ինչը 17,3%-ով շատ է 2013 թվականի նույն ցուցանիշից։
Հաշվետու ժամանակահատվածում Հայաստան ժամանած զբոսաշրջիկների 28%-ը եղել են Ռուսաստանից ու Վրաստանից, 12-14%ը Եվրամիության անդամ երկրներից, իսկ շուրջ 7%-ն՝ Իրանից: Արդյունքում 2014 թվականին երիտասարդ զբոսաշրջիկների թիվը 34%-ի է հասել: Ըստ նրա, դրան նպաստել է ոչ միայն նպատակաուղղված և համակարգված աշխատանքը, այլ նաև միջազգային ասպարեզում Հայաստանի ճանաչելիության մակարդակի բարձրացումը:
«Փաստ» լրատվական – վերլուծական կայք
|
հեղինակ` admin |
Առանց վիզայի երկրներ Հայաստանի քաղաքացիների համար ... | 59240
Туры в Египет из Армении ... | 44709
«ԳԼՈԲՈՒՍ ՏՈՒՐՍ» ՏՈՒՐԻՍՏԱԿԱՆ ԳՈՐԾԱԿԱԼՈՒԹՅՈՒՆ " ... | 23990
Ինչ է չարթերային թռիչքը ... | 18914
Հյուրանոցային համարների գաղտնիքները: Ի՞նչ են թաքցն ... | 17403Туры в Дубай из Армении, Ереван-Дубай, Объединённы ... | 15369
Մալդիվյան կղզիներ. 9 օր / Maldivyan kxziner / ... | 15127
«ՀԱՆՔԱՎԱՆԻ ԽՈՏՈՐՋՈՒՐ ԱՌՈՂՋԱՐԱՆ» "HANKAVANI K ... | 14718
Ինչպես գտնել էժան ավիատոմսեր ... | 13952
Սոց փաթեթներ ... | 13224
Ուղևորություն դեպի Դուբայ >>> ... | 12261
Ընտանեկան փաթեթ դեպի Հունաստան - ԿՐԵՏԵ կղզի / Երև ... | 10681
Մատչելի հանգիստ Դուբայում - Matcheli hangist Dubay ... | 10552
Varvox patetner depi EGIPTOS ... | 10541
«ԳՈ ԹՐԵՎԼ» ՏՈՒՐԻՍՏԱԿԱՆ ԸՆԿԵՐՈՒԹՅՈՒՆ "GO TRAVE ... | 10265| . Պատահական հայտարարությունների ընտրանի |
