տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
 |
Emirates ավիաընկերության ղեկավար շեյխ Ահմեդ բին Սաիդ ալ Մաքթումը Դուբայից Օքլենդ ճանապարհորդելուց հետո հայտարարել է, որ նա 17-18 ժամ տևած ամբողջ թռիչքն անցել է էկոնոմ կարգում:
Նոր երթուղին լինելու է աշխարհում ամենաերկարը:
Ավիաընկերության տնօրենը որոշել է պարզել, թե ինչպիսին է լինելու թռիչքը, սակայն թե ինչպիսի զգացողություններ է ունեցել նա թռիչքից հետո, հայտնի չէ:
Մաքթումը հայտարարել է, որ նոր երթուղին ընկերության գովազդը չէ: Emirates-ը նախատեսում է գումար վաստակել այս երթուղով՝ հուսալով, որ այն կլինի շահութաբեր, գրում է Аrabian business-ը:
|
հեղինակ` Travel News |
 |
Trivago կայքը հետազոտություն է անցկացրել և պարզել, թե Եվրոպայի որ քաղաքներն են ամենաշահավետը հանգստի համար:
Ամենաբյուջետային մայրաքաղաք է ճանաչվել Բուլղարիայի մայրաքաղաք Սոֆիան: Նախորդ տարում հյուրանոցում մեկ օր տեղակայվելն արժեցել է 67 դոլար:
Երկրորդ հորիզոնականում է հայտնվել Մակեդոնիայի մայրաքաղաք Սկոպյեն, որտեղ տեղակայումն արժե 70 դոլար, իսկ երրորդ հորիզոնականում է Սարաևոն (Բոսնիա և Հերցոգովինա)՝ 74 դոլար:
Եվրոպայի ամենաթանկարժեք մայրաքաղաք է ճանաչվել Լոնդոնը, որտեղ մեկ գիշերն արժեցել է միջինը 267 դոլար, գրում է Daily Mail-ը: Հաջորդիվ գալիս են Բեռնը՝ 219 դոլար (Շվեյցարիա), և Փարիզը՝ 196 դոլար:
|
հեղինակ` Travel News |
 |
Տոկիոն պատրաստվում է կառուցել 1 մղոն բարձրություն ունեցող երկնաքեր, որը լինելու է աշխարհում ամենաբարձրը:
Sky Mile Tower երկնաքերը ունենալու է 5577 ֆութ կամ 1700 մետր բարձրություն, այն լինելու է Բուրջ Խալիֆայից գրեթե երկու անգամ բարձր, որը այս պահին ամենաբարձր երկնաքերն է աշխարհում:
Ճապոնական երկնաքերն ունենալու է դիտահարթակներ, որոնք կառուցվելու են 320մ հեռավորության վրա և ունենալու են ռեստորաններ, հյուրանոցներ, գրադարաններ, սպորտային սրահներ և հիվանդանոցներ: Այս մասին տեղեկացնում է The Telegraph-ը:
Sky Mile Tower-ը շրջապատված է լինելու կղզիներով, որոնք դառնալու են Next Tokyo էկոթաղամասի մի մասը, որը ստեղծվել է կլիմայական փոփոխություններին հարմարվելու համար:
Շինարարության ավարտը նախատեսված է 2045թ.-ին:
|
հեղինակ` Travel News |
 |
«Մեծամոր» պատմահնագիտական արգելոց-թանգարանի նոր ցուցադրությունում ներկայացված է Մեծամորի հնավայրում 1960- 2014 թթ իրականացված պեղումների արդյունքում հայտնաբերված գտածոների մի մասը: Արգելոց-թանգարանի ֆոնդերում 28000 թանգարանային առարկա կա, որից ցուցադրվում է շուրջ 10000-ը: Դրանց զգալի մասը հայտնաբերվել է Մեծամորի նվիրյալների՝ հնագետներ Էմմա Խանզադյանի և Կորյուն Մկրտչյանի իրականացրած պեղումների ընթացքում:
Հնագիտական աշխատանքները շարունակվել են նաև 2010-2015թթ:
Հայ-լեհական արշավախմբի համաղեկավար, «Պահպանության ծառայություն» ՊՈԱԿ-ի գիտական աշխատանքների գծով տնօրենի տեղակալ Աշոտ Փիլիպոսյանը փաստում է, որ Մեծամորն այսօր Մերձավոր Արևելքի ամենաբարձր չափանիշներն ունեցող հուշարձաններից է: Նրա վկայությամբ առաջին և երկրորդ հարկերում ցուցադրվում են ամրոցում և դամբարանադաշտում հայտնաբերված նյութերը, որոնք վերաբերում են վաղ բրոնզից մինչև ուշ միջնադարին:
Նկուղային հարկում է գտնվում հատուկ զետեղարանը, որտեղ ներկայացված են մ.թ.ա. III-I հազարամյակների ոսկե, արծաթե, սաթե, կիսաթանկարժեք քարերից, մածուկից պատրաստված եզակի մշակութային արժեքները:
Հատուկ զետեղարանում է պահվում նաև պեղավայրի դամբարանախցերից մեկում հայտնաբերված մեծարժեք եզակի գտածոն՝ մուգ շագանակավուն հիմնագույն և կաթնավուն երակներ ունեցող սարդոնիքսի բնակտորից պատրաստված գորտի արձանիկը: Այն իրանի ողջ երկայնքով միջանցիկ հորիզոնական գայլիկոնում ունի` ուլունքաշարի մեջ կամ վզնոցին հագցնելու համար:
Արձանիկը կարևոր տեղեկություն է պարունակում Մերձավոր Արևելքում XVI-XV դդ.՝ մասնավորապես ոսկու, տարանցիկ առևտրի որոշ մանրամասներ վերականգնելու համար: Գորտի մեջքին, թաթերին և որովայնի շրջանում բաբելոնյան գրելաձևով արված աքքադերեն սեպագիր արձանագրությունը հաղորդում է. «Սա 1 սիկղն է Ուլամ-Բուարիաշի, Բուրնա-Բուարիաշ թագավորի որդու»: Խոսքը մ.թ.ա. XVI դարի վերջից մինչև մ.թ.ա. XV դարի առաջին կեսին Կասսիտական Բաբելոնում իրար հաջորդած տիրակալների մասին է:
Կշռի միավորը (1սիկղ ) վերծանողները (Ի.Դյակոնով, Գ.Սարգսյան, Է.Խանզադյան) ենթադրել են, որ գորտի արձանիկ կախիկը կշռաքար է, այն կշռում է 8.64 գ, ինչն էլ, ըստ էության, համապատասխանում է միջագետքյան 1 սիկղին (սիկլ):
hushardzan.am
|
հեղինակ` Travel News |
 |
Վրաստանը վերացնում է վիզային ռեժիմը Իրանի հետ, այսինքն՝ վերականգնում է ազատ ռեժիմը։ Այդ մասին վրացական կողմը 09.02.2016թ. պաշտոնապես հայտնել է Իրանի դեսպանին։
Տեղեկատվության համաձայն՝ Վրաստանի ԱԳ նախարարությունը հայտարարել է, որ 2016թ. փետրվարի 15-ից Իրանի քաղաքացիների համար միակողմանիորեն չեղյալ է հայտարարվում վիզային ռեժիմը: Համաձայն այդ որոշման՝ իրանցիներն առանց վիզա ստանալու իրավունք կունենան 45 օր մնալ Վրաստանում:
Հիշեցնենք, որ 2011թ. Իրանի և Վրաստանի միջև ստորագրված պայմանագրի համաձայն՝ երկու երկրների քաղաքացիները հնարավորություն ունեին երթևեկել առանց վիզային ռեժիմի:
Սակայն 2014 թվականի սեպտեմբերի 1-ից Վրաստանն Իրանի քաղաքացիների համար միակողմանիորեն վերականգնեց վիզային ռեժիմը, քանի որ այդ ժամանակ ռեժիմային կարգը համապատասխանեցնում էր եվրոպականի հետ։ Սա բավականին մեծ հարված հասցրեց Վրաստանի տուրիզմին․ իրանցիների այցելությունը Վրաստան գրեթե ութ անգամ կրճատվեց։
Աղբյուր` Panorama.am
|
հեղինակ` Travel News |
 |
Միլանի կենտրոնում գտնվող Լիբերտե հրապարակում բացվել է նոր բար, որը ամբողջովին պատրաստված է սառույցից: Արտասովոր հաստատությունը աշխատում է 10.00-ից 21.00-ն:
Ibar Cubetto-ում հավաքված զբոսաշրջիկներին անհրաժեշտ է հագնվել ավելի տաք: Ջերմաստիճանը չի գերազանցում −10 °C-ը: Ցանկացողներին սիրալիր աշխատակիցները տրամադրում են թերմոծածկոցներ:
Ibar Cubetto-ում ըմպելիքները մատուցվելու են սառցե բաժակներով:
Եթե եղանակը թույլ տա, սրճարանը կգործի մինչև ապրիլի 30-ը:
|
հեղինակ` Travel News |
 |
Սերբական Կրագուևաց քաղաքում բացվել է «Պուտին» անվանումով սրճարան: Ռուսաստանի նախագահին նվիրված սրճարանը ձևավորված է խորհրդային ոճով:
Գաղափարի հեղինակը պատմել է, որ որոշել է բացել սրճարանը՝ ընդգծելու Սերբիայի և Ռուսաստանի միջև գոյություն ունեցող բարիդրացիական հարաբերությունները:
Հաստատության բացման արարողությանը ներկա են գտնվել 3 զբոսաշրջիկներ Ռուսաստանից, ինչը դարձել է մեծ անակնկալ սեփականատերերի համար:
Սրճարանի տնօրենը հայտարարել է, որ ճաշացանկի մեջ դեռևս բացակայում են ռուսական ուտեստները, քանզի Սերբիայում դժվար է հայթայթել ռուսական մթերքներ:
|
հեղինակ` Travel News |
 |
Գերմանացի 18-ամյա զբոսաշրջիկին հավիտյան արգելել են Եգիպտոս այցելել այն բանից հետո, ինչ երիտասարդը, անտեսելով արգելքը, բարձրացել է Գիզայի Մեծ բուրգ, հաղորդում է The Telegraph-ը:
Մյունհենի բնակիչ Անդրեյ Չիսելսկին բարձրացել է 139 մետր բարձրություն ունեցող Մեծ բուրգի վրա, որը հայտնի է նաև Քեոփսի բուրգ անունով, որպեսզի լուսանկարներ անի և բարձրությունից տեսանկարահանի: Նա ուշադրություն չի դարձրել այն փաստի վրա, որ եգիպտական օրենքները սպառնում են 3 տարվա ազատազրկմամբ, եթե զբոսաշրջիկները բարձրանան հնագույն հուշարձանների վրա:
Հիշելով կատարվածը, երիտասարդը պատմել է, որ տեսել է, թե ինչպես են ոստիկանները նրան նկատել և արաբերեն ինչ-որ բաներ բղավել, սակայն նա շարունակել է բարձրանալ:
Բարեբախտաբար նա չի բանտարկվել, նրան թույլատրել են շարունակել ճանապարհորդությունը, սակայն ընդմիշտ արգելել են վերադառնալ Եգիպտոս:
|
հեղինակ` Travel News |
 |
«Բնական գինու պատմություն», այսպես են վերնագրել ամերիկացի գիտնականներ Իան Թաթերսոլը ու Ռոբ Դեսալեն այս հնագույն խմիչքին նվիրված իրենց ուսումնասիրությունը, գրում է բրիտանական «Գարդիանը»:
Գիրքը պատմում է, թե ինչ տեսակի գինի էին պատրաստում «5000 տարի առաջ Փոքր Կովկասի լեռնաշղթայի ստորոտում գտնվող քարանձավում, որը հայտնի է որպես «Արենի1»:
«Հայաստանի այս վայրում, 2011թ.-ին հնագետները հայտնաբերել են աշխարհի ամենահին գինու մառանները, որոնք թվագրվում են մ.թ.ա. 3000-ից 3500 թվականներով»,- գրել են գիտնականները:
http://www.theguardian.com/lifeandstyle/2016/feb/07/wines-from-the-cradle-of-winemaking-armenia-georgia-david-williams
|
հեղինակ` Travel News |
 |
kulturologia.ru կայքը ներկայացրել է 25 ամենաարտասովոր հուշարձաններ և քանդակներ ամբողջ ախարհից, որոնք կզարմացնեն յուրաքանչյուրին:
Հուշարձանների թվում է նաև հայ անվանի քանդակագործ Երվանդ Քոչարի «Մելամաղձություն» արձանը: Այն գտնվում է Փավստոս Բուզանդի փողոցում (Երևան)` Նորարար փորձառական արվեստի կենտրոնի (ՆՓԱԿ) դիմաց:
Քանդակը կառուցված է բրոնզից ու գրանիտից, բարձրությունը 4,6 մետր է։
«Մելամաղձություն» արձանի բացման հանդիսավոր արարողությունը տեղի է ունեցել 2003 թվականի սեպտեմբերի 23-ին:
Արձանը պատկերում է ժամանակակից քաղաքակրթությունը, նրա նվաճումները և մարդու ֆիզիկականի և ներքին էության աստիճանական վտանգավոր այլափոխումը, մարդու օտարումը բնությունից։
http://www.kulturologia.ru/blogs/130116/27995/
https://hy.wikipedia.org/wiki/Մելամաղձություն_(արձան,_Երևան)
|
հեղինակ` Travel News |
 |
Իսպանիան ճանաչվել է ամենաօպտիալ երկիրը այն ճանապարհորդների համար, ովքեր հպարտությամբ միայնակ են ճանապարհորդում:
Ամերիկյան վերլուծաբանները եկել են այն եզրահանգման, որ ընկերակցության սուր անհրաժեշտություն չկա ֆլամենկոն վայելելու, հոյակապ Ալհամբրեի երկայնքով քայլելու կամ անուշաբույր սանգրիա խմիչքը փորձելու համար:
Նման եզրահանգման մասնագետները եկել են 16.000 զբոսաշրջիկների հարցաքննելով:
Բացի դրանից, Իսպանիան զբաղեցրել է երկրորդ հորիզոնականը մշակութային ժառանգությամբ՝ զիջելով միայն Իտալիային:
Պիրենեյան թերակղզու մեծ մասը զբաղեցնող պետությունը հայտնի է նաև արկածների սիրահարների շրջանում:
|
հեղինակ` Travel News |
 |
Իսպանիայում փետրվարը դիմակահանդեսների ամիս է: Գունեղ երթերից բացի, դիմակահանդեսի տոնը քաղաքային գաստրոնոմիկ տոնավաճառներ է և համաքաղաքային դիսկոտեկներ:
Catalunya.ru կայքը ներկայացրել է դիմակահանդեսների ցանկը, որոնք անցկացվելու են փետրվարին Կատալոնիայի զբոսաշրջային գլխավոր քաղաքներում.
Սան Ֆելյու դե Հիշոլս - հունվարի 30-փետրվարի 10
Պալամոս - հունվարի 30-փետրվարի 10
Լլորետ դե Մար - փետրվարի 5-7
Ռեուս և Տարագոնա - փետրվարի 6-8-մարտի 1
Բարսելոնա - փետրվարի 4-10
Պլայա դե Արո - հունվարի 30-փետրվարի 10
Սիտժեսա - փետրվարի 4-10
Սալոու - փետրվարի 4-10
|
հեղինակ` Travel News |
 |
«Ձեր սիրտը կոտրվա՞ծ է: Ի՞նչ անել հիշողությունների հետ, որոնք դուք չեք ցանկանում պահպանել, սակայն հրաժարվել էլ դեռևս չեք կարող: Թեթևացրեք ձեր հոգին, բերեք ձեր պատմությունը և իրերը, որոնք կապված են բաժանության հետ»:
Այսպես է դիմել քաղաքի բնակիչներին Հելսինկիի թանգարանը, որը պատրաստվում է բացել Կոտրված սրտերի ցուցահանդես (Museum of Broken Relationships):
Խզված հարաբերությունների հիշողությունների հավաքածուն կարելի է ներկայացնել մինչև մարտի 11-ը: Հելսինկիի քաղաքային թանգարանում հավաքածուն կցուցադրվի մայիսի 13-ից սեպտեմբերի 11-ը: Այնուհետև ցուցանմուշները կդառնան Խորվաթիայում Կոտրված սրտերի թանգարանի մշտական ցուցահանդեսի բաղադրիչներ:
"Կոտրված սրտերի" թանգարանը Զագրեբում 2011թ.-ին ստացել է թանգարանային պատվաբեր Kenneth Hudson Award մրցանակը նորարարության և սոցիալական բարձր նշանակության համար:
|
հեղինակ` Travel News |
 |
Ալհամբրայի պալատը պահպանել է ամենաայցելվող տեսարժան վայրի տիտղոսը 2015թ.-ին: El Mundo խմբագրության տվյալներով, նախորդ տարում պալատ է այցելել մոտավորապես 2.5 մլն զբոսաշրջիկ:
Անդալուսիայի կառավարությունը նշել է, որ Ալհամբրա այցելող զբոսաշրջիկների թիվը ավելացել է 4%-ով: Կարևոր է նշել, որ տեսարժան վայր այցելած զբոսաշրջիկների 1/3-ը եղել են իսպանացիներ:
Արտասահմանյան զբոսաշրջիկների մեջ մեծ քանակություն են կազմել Ֆրանսիայի, Մեծ Բրիտանիայի, Գերմանիայի, Ճապոնիայի և ԱՄՆ-ի քաղաքացիները:
|
հեղինակ` Travel News |
 |
Վիետնամական Լաոկա պրովինցիայում մեկնարկել են աշխարհի ամենաերկար եռճոպան ճոպանուղու կառուցման աշխատանքները:
Գինեսի ռեկորդների գրքում արդեն գրանցված ճոպանուղու ընդհանուր երկարությունը կազմում է 6292.5 մետր, ինչը դրան դարձնում է այդ դասում աշխարհում ամենաերկար ճոպանուղին: Բացի դրանից, նոր ճոպանուղին կարող է հպարտանալ մեկնման և ժամանման կայարանների ուղղահայաց հեռավորության ամենամեծ տարբերությամբ՝ 1410 մետր:
Նոր ճոպանուղին միացնում է Մուոնգ Հոա արահետը և Հանոյից 250 կմ հս-արմ գտնվող Ֆանզիպան լեռը:
Ճոպանուղու թույլատրելի հզորությունն է 2000 ուղևոր/ժամ, իսկ վերելքի տևողությունը՝ 15 րոպե:
Նախատեսվում է, որ նոր ճոպանուղին կնպաստի Լաոկայում զբոսաշրջային հոսքի ավելացմանը 30-40%-ով:
|
հեղինակ` Travel News |
Առանց վիզայի երկրներ Հայաստանի քաղաքացիների համար ... | 59274
Туры в Египет из Армении ... | 44725
«ԳԼՈԲՈՒՍ ՏՈՒՐՍ» ՏՈՒՐԻՍՏԱԿԱՆ ԳՈՐԾԱԿԱԼՈՒԹՅՈՒՆ " ... | 23996
Ինչ է չարթերային թռիչքը ... | 18918
Հյուրանոցային համարների գաղտնիքները: Ի՞նչ են թաքցն ... | 17404Туры в Дубай из Армении, Ереван-Дубай, Объединённы ... | 15371
Մալդիվյան կղզիներ. 9 օր / Maldivyan kxziner / ... | 15127
«ՀԱՆՔԱՎԱՆԻ ԽՈՏՈՐՋՈՒՐ ԱՌՈՂՋԱՐԱՆ» "HANKAVANI K ... | 14718
Ինչպես գտնել էժան ավիատոմսեր ... | 13953
Սոց փաթեթներ ... | 13224
Ուղևորություն դեպի Դուբայ >>> ... | 12261
Ընտանեկան փաթեթ դեպի Հունաստան - ԿՐԵՏԵ կղզի / Երև ... | 10682
Մատչելի հանգիստ Դուբայում - Matcheli hangist Dubay ... | 10552
Varvox patetner depi EGIPTOS ... | 10541
«ԳՈ ԹՐԵՎԼ» ՏՈՒՐԻՍՏԱԿԱՆ ԸՆԿԵՐՈՒԹՅՈՒՆ "GO TRAVE ... | 10266| . Պատահական հայտարարությունների ընտրանի |
