Թույլատրվու՞մ է արդյոք թռիչք հղիության ընթացքում

Շատ հաճախ կանանց մոտ հարց է առաջանում. իսկ կարելի՞ է թռչել հղիության ընթացքում: Պատասխանն ակնհայտ է՝ թռիչքները չեն արգելվում:
Սակայն ավիաընկերությունները հղի կանանց ներկայացնում են պահանջների մի շարք:

Պահանջներից մեկն այն է, որ 32-36 շաբաթական հղի կանանց արգելվում է ինքնաթիռ բարձրանալ: Որոշ ավիաընկերություններ արգելում են թռչել, եթե կինը սպասում է մեկից ավելի փոքրիկների:

Եթե կինը հղիության սկզբնական շրջանում ցանկանում է ճանապարհորդել, ապա պետք է ներկայացնի բժշկական տեղեկանք կամ բժիշկի գրավոր թույլտվություն:

Ստորև ներկայացնում ենք որոշ ավիաընկերությունների պահանջները հղի կանանց.

Ավիաընկերության անվանումը	Պահանջները
Delta Airlines, United Airlines, Alitalia, Swissair, Air France, Lufthansa	36 շաբաթից հետո պահանջվում է տեղեկանք
British Airways, British European, Air New Zealand	Մինչև 36 շաբաթը պահանջվում է բժշկական տեղեկանք, որից հետո բացառապես արգելվում է
Northwest Airlaines, KLM	36 շաբաթից հետո արգելվում է
Air New Zealand	Բազմապտուղ հղիներին արգելվում է թռիչքը
Virgin	34 շաբաթից հտո թույլատրվում է միայն բժիշկի ուղեկցության դեպքում
Iberia	Պահանջներ չկան

Եթե հղի կինը վերջիվերջո որոշում է թռչել, ապա պետք է ստանա բժշկական խորհրդատվություն:


Հղի կանանց խորհուրդ է տրվում հետևել ներքոհիշյալ խորհուրդներին.

1.Առաջին գործոնը, որ պետք է հիշել, այն է, որ թռիչքի ժամանակ մարդու օրգանիզմը շատ արագորեն ջրազրկվում է: Թռիչքի ժամանակ խորհուրդ է տրվում հեղուկ շատ օգտագործել:

2. Երկար թռիչքի դեպքում ոտքերի ուռելուց խուսափելու համար խորհուրդ է տրվում քայլել ինքնաթիռի սրահով:

3. Հագուստը պետք է լինի շատ հարմարավետ:

4. Կոշիկը ևս պետք է լինի հարմարավետ և ցանկալի է լինի ոչ բարձրակրունկ:

5. Ամրագոտին խուրհուրդ է տրվում ամրացնել փորի վերևում

6. Խորհուրդ է տրվում թեքել աթոռի թիկունքը մեջքը չցավեցնելու համար

Թռիչքի ընթացքում խնդիրներ առաջանալու դեպքում օգնության կգան ուղեկցորդուհիները: Նրանք գիտեն հղիների հետ վարվելու կանոնները և նույնիսկ կարող են ծննդաբերություն ընդունել: