տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
21.07.17
Մեկ տարի առաջ «Դիջիթըլ Փոմըգրանեթ» ընկերությունը թողարկեց Գյումրի քաղաքի «Քայլարշավ Գյումրիում»` տուրիստական նախագծի հավելվածը: Հավելվածի մասին այսօր զրուցում ենք ընկերության օպերացիոն մենեջեր Գայանե Ղանդիլյանի հետ:
Ինչի՞ մասին է հավելվածը, ի՞նչ է ներկայացնում:
Visit Gyumri հավելվածը ներկայումս Գյումրիի մասին տուրիստական ինֆորմացիա ստանալու հիմնական աղբյուրն է։ Այն նախագծված է iOS և Android համակարգերով աշխատող հեռախոսների համար։
Բացի կարևոր և ճշգրիտ ինֆորմացիայի և լուսանկարների տրամադրումից, հավելվածը նաև առաջարկում է քայլարշավ քաղաքում՝ առանց գիդի ուղեկցության, նախագծված ճանապարհով, օնլայն և օֆլայն քարտեզներով։ Բացի այդ, օգտվողը նաև հնարավորություն կունենա ստեղծել իր անձնական տուրը և շարժվել այդ տուրով՝ քարտեզների և ուղղությունները հուշող տեխնոլոգիաների միջոցով։
Հավելվածի նոր թարմացված տարբերակը կթողարկվի հուլիսին։
Ինչպե՞ս առաջացավ հավելվածը ստեղծելու գաղափարը:
Իրականում դրա բացակայությունը առաջ բերեց այս գաղափարը։ Գյումրիի մասին շատ դժվար է ընդհանրական ինֆորմացիա գտնել մեկ աղբյուրում, նամանավանդ, եթե խոսում ենք տարբեր լեզուներով տեղեկատվության մասին։ Տուրիստներին պետք է բազմալեզու ինֆորմացիա, որի բացակայության դեպքում շատ քիչ հավանականություն կա, որ արտասահմանցի զբոսաշրջիկները կգտնեն Գյումրին վեբում և, ծանոթանալուց հետո, ցանկություն կունենան այցելել։ Հենց այս խնդիրներն է լուծելու վեբ կայքը (www.visitgyumri.com) և հավելվածը։
Ովքե՞ր են հավելվածի հեղինակները:
Հավելվածի հեղինակը Դիջիթըլ Փոմըգրանեթ ընկերության Գյումրիի թիմն է: Մեր աշխատանքի ընթացքում համագործակցել ենք Գյումրիի քաղաքապետարանի, տուրիստական և մշակութային ենթակառուցվածքների, Շիրակի հանրային հեռուստաընկերության, Երիտասարդական Նախաձեռնությունների կենտրոնի և մի շարք այլ կազմակերպությունների և անհատների հետ, որոնք իրենց ներդրումն են ունեցել այս գործին՝ ի նպաստ քաղաքում տուրիզմի զարգացմանը։
Հավելվածի տեղեկատվությունը ստանալու համար համագործակցու՞մ եք տեղի տուրիստական ընկերությունների հետ:
Ինֆորմացիայի տրամադրման համար համագործակցել ենք Գյումրու քաղաքապետարանի, Կումայրի արգելոց թանգարանի, տուրիստական ենթակառուցվածքների և անհատ զբոսավարների հետ։
Հավելվածը ներբեռնելը միշտ անվճա՞ր է լինելու:
Այո։
Հավելվածը ո՞ր լեզուներով է առաջարկվում:
Այս պահին ունենք հայերեն, ռուսերեն և անգլերեն տարբերակները՝ տեքստերով և աուդիո նյութերով։ Ապագայում կավելացնենք ֆրանսերենը, իսպաներենը, հույս ունենք՝ նաև չինարենը և իտալերենը։
Ինչպես տեղի ունեցավ քաղաքի ընտրությունը: Ինչու՞ հենց Գյումրին:
Քանզի մենք գյումրեցիներ ենք, և եթե աշխարհին մատուցում ենք տուրիզմի ոլորտի տեխնոլոգիաները, ապա դրանց կիրառումը ցանկացանք ներմուծել առաջինը հենց մեր քաղաքում։
Ծրագրու՞մ եք նմանատիպ հավելվածներ Հայաստանի այլ քաղաքների վերաբերյալ:
Այո, և ոչ միայն Հայաստանի, այլ նաև աշխարհի այլ քաղաքների, որոնցից մի քանիսի հետ քննարկումներն ու նախագծումն արդեն սկսվել է։
(հավելվածը ներբեռնել.
https://play.google.com/store/apps/details?id=com.digitalpomegranate.gyumriwalkingtour)
Հարցազրույցը վարեց` Կ. Դավթյանը
. Պատահական հայտարարությունների ընտրանի |