տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
 |
Ռուսական մայրաքաղաքի արևմուտքում հայտնվելու է 3000 հոգանոց հոսթելների ամբողջական համալիր:
Օբյեկտը արժենալու է 30 մլն դոլար և զբաղեցնելու է 1,5 հա տարածք: Հյուրերը կարող են տեղակայվել 1-12 հյուրերի համար նախատեսված սենյակներում:
Եվրոպայի մեծագույն հոսթելը կառուցվելու է Ֆուտբոլի աշխարհի առաջնությանն ընդառաջ:
Բացի դրանից էլ, Մոսկվայի զբոսաշրջային հոսքը կայուն կերպով աճում է, այնպես որ հոսթելի սեփականատերերը ակնկալում են բարձր բեռնվածություն:
Նշենք, որ 2015թ.-ին Մոսկվայի գիշերակացների թվաքանակը աճել էր 6,5%-ով: Ներկայումս Մոսկվայում հաշվարկվում է 81,5 հազար հյուրանոցային տեղ:
|
հեղինակ` Travel News |
 |
Աշխարհում միակ յոթաստղանի՝ Դուբայի Burj Al Arab Jumeirah շքեղ հյուրանոցը ձեռք է բերելու North Deck կոչվող նոր տարածք:
Այն ունենալու է 10.000 քմ տարածք, որի վրա տեղակայվելու են 2 լողավազաններ, 32 քոթեջներ, 400 շեզլոնգներ, բար և ռեստորան:
Deck-ը Ֆինլանդիայից ԱՄԷ տեղափոխվելու է արդեն փետրվարի կեսին, իսկ հարթակը բացվելու է այս տարվա երկրորդ կեսին:
5000 տոննայանոց կառույցը տեղադրվելու է պողպատե սյուների վրա, որոնք նվազագույն ազդեցություն են թողնելու ծովային միջավայրի վրա:
|
հեղինակ` Travel News |
 |
Հղի կանանց խնդրում են լրացուցիչ անգամ մտածել Բրազիլիա և առհասարակ Լատինական Ամերիկա այցելելուց առաջ, որտեղ նկատվում են Զիկա վիրուսով վարակվելու դեպքեր: Զիկան հանգեցնում է նորածին երեխաների մոտ առողջական խնդիրների առաջացմանը:
Զիկա վիրուսը, որը փոխանցում են մոծակները, հանգեցրել է Բրազիլիայում ծնված 3500 երեխաների մոտ ուղեղի փոքր չափերի:
Օրերս հիվանդությունների կանխարգելման և վերահսկման ամերիկյան կենտրոնը զգուշացրել է, որ հղի կանայք չպետք է այցելեն Լատինական Ամերիկայի 14 երկրներ, այդ թվում Բրազիլիա:
Բրազիլական պաշտոնական դեմքերը չեն հաստատել վիրուսի վտանգը, սակայն Բրազիլիայի առողջապահության նախարարությունը զգուշացրել է հղի կանանց, որ ուղևորությունից առաջ խորհրդակցեն բժշկի հետ:
|
հեղինակ` Travel News |
 |
Զվարթնոցն առաջին օդանավակայանն է Կովկասում, որը ստացել է Էներգակառավարման համակարգի ոլորտում ԻՍՕ 50001 սերտիֆիկատ, հայտնեցին ընկերության մամուլի ծառայությունից:
«Ստանդարտների Բրիտանական ինստիտուտը (BSI) Զվարթնոցի ուղևորային համալիրին շնորհել է ԻՍՕ 50001 սերտիֆիկատ` Էներգակառավարման համակարգի ոլորտում, ինչը ընդգծում է կառավարող ընկերության հաստատակամությունը էներգաարդյունավետության շարունակական բարելավման հարցում»,-աված է հաղորդագրությունում:
«Ծրագիրը գործարկվել է 2015թ և նախատեսում է էներգետիկ թիմի համար ապահովել այնպիսի ընդունելի համակարգ, որով էներգետիկ արտադրողականությունը կինտեգրվի ստանդարտի կառավարման պրակտիկայում: Այն մանրամասնում է էլեկտրաէներգիայի օգտագործման, չափման և փաստաթղթագրման, ինչպես նաև այնպիսի սարքերի, համակարգերի նախատեսում և ձեռքբերում, որոնք նպաստում են էներգաարդյունավետության բարձրացմանը: Կազմակերպության բոլոր մակարդակների և գործառույթների ամբողջական ներգրավվածությունն ապահովեց ստանդարտի հաջող կիրառումը, և ժամանակին երևացին արդյունքները»,-ասված է հաղորդագրությունում:
ԱՄՕ-ի գլխավոր մենեջեր Մարսելո Վենդեն նշում է. « Ծրագրի մեկնարկից հետո մեզ մոտ կրճատվել են վատնումները, ավելացել արդյունավետությունը, և ինչը շատ կարևոր է` կարողացել ենք ձևավորել շարունակական բարելավման մշակույթ կազմակերպության բոլոր մակարդակներում: Հուսով եմ նմանատիպ ջանքեր կգործադրվեն նաև մյուս կազմակերպությունների կողմից ոչ միայն Հայաստանում, այլև ամբողջ տարածաշրջանում:
news.am
|
հեղինակ` Travel News |
 |
2016թ.-ի հունվարի 21-ին Մոնտեվիդեոյում մեկնարկել է փառատոն, որը դառնալու է աշխարհում ամենաերկարը:
Պարողների և երաժիշտների ելույթները, ինչպես նաև թատերական ներկայացումները կուրախացնեն զբոսաշրջիկներին և տեղի բնակչությանը 40 օրվա ընթացքում:
Փառատոնի մեկնարկը տրվել է հունվարի 21-ին, երբ Ուրուգվայի մայրաքաղաքի գլխավոր փողոցով թմբուկի ռիթմերի ներքո անցան 76 համույթներ և հարյուրավոր արտիստներ: Այնուհետև տոնակատարությունը տարածվել է ողջ երկրով:
Փառատոնին նախապատրաստվելը սկսվել է 2 ամիս առաջ, երբ կազմակերպիչները ընտրել են համույթներ, որոնք կարող են մասնակցել տոնակատարությանը:
|
հեղինակ` Travel News |
 |
Գերմանիայի խոշորագույն օդային ավազանը մեծացրել է ուղևորներին առաջարկվող ծառայությունների ցանկը: Այժմ ճանապարհորդողները կարող են թռիչքին սպասելու սթրեսից դուրս գալ յոգայով զբաղվելու նոր սենյակներում:
Ուղևորների համար բացվել են երկու սրահներ, որոնք հագեցած են վարժությունների համար նախատեսված տեխնիկայով: Էկրաններում ցուցադրվում են մարզումներ, իսկ մուտքի վրա փակցված են վարժությունների հրահանգման թռուցիկներ:
Յոգայի սենյակները բացվել են շուրջօրյա և գտնվում են 14C և 16C մուտքերի միջև եղած տերմինալում:
Ծառայությունը տրամադրվում է բոլոր ցանկացողներին բացարձակապես անվճար:
|
հեղինակ` Travel News |
 |
Նորվեգական Տրոմսա քաղաքում բացվել է կինոթատրոն, որն ընդունակ է միաժամանակ հյուրընկալել միայն երկու այցելուի: Նման փոքր տարածքը կինոթատրոնը դարձրել է ամենափոքրն աշխարհում:
Սեփականատերերի հայտարարությամբ, փոքրիկ սրահի տեխնիկական բնութագրերը չեն զիջում ժամանակակից ստանդարտներին:
Տոմսի գինը լինելու է միջինից բարձր՝ 1 սեանսը կարժենա 25.000 դրամին համարժեք: Ամեն օր կինոթատրոնում ցուցադրվելու է միայն մեկ ֆիլմ:
Հատկանշական է, որ երկտեղանի կինոթատրոնի շինությունը նախկինում եղել է թերթի կրպակ:
|
հեղինակ` Travel News |
 |
ԱՄՆ-ը սկսել է իրագործել առանց վիզայի ԱՄՆ մուտքի թույլտվության ծրագրի փոփոխության կիրառումը՝ համաձայն 2015 թ. ԱՄՆ մուտքի թույլտվության ծրագրի բարեփոխման և ահաբեկիչ ճանապարհորդների կանխման օրենքի: (այսուհետ՝ Օրենք):
ԱՄՆ մաքսային և սահմանապահ ծառայությունը ամեն օր երկիր է ընդունում միլիոնավոր ուղևորներ և միտված է ապահովելու օրինական ուղևորություն, միևնույն ժամանակ պահպանելով անվտանգության և սահմանի պաշտպանության բարձր չափանիշները: Համաձայն օրենքի՝ ստորև նշված կատեգորիաների ուղևորները այլևս չեն կարող օգտվել առանց վիզայի ԱՄՆ մուտքի թույլտվության ծրագրից: (Visa Waiver Program (VWP):
- Առանց վիզայի ԱՄՆ մուտքի թույլտվություն ունեցող երկրների քաղաքացիները, ովքեր 2011 թվականի մարտի 1-ից հետո մեկնել կամ եղել են Իրանում, Իրաքում, Սուդանում կամ Սիրիայում (բացառություն են կազմում դիվանագիտական կամ ռազմական նպատակով ճանապարհորդները):
- Առանց վիզայի ԱՄՆ մուտքի թույլտվություն ունեցող երկրների քաղաքացիները, որոնք միևնույն ժամանակ ունեն Իրանի, Իրաքի, Սուդանի կամ Սիրիայի քաղաքացիություն:
Այս անձինք սովորական ընթացակարգով մուտքի վիզաներ ստանալու համար կարող են դիմել իրենց երկրներում ԱՄՆ Դեսպանություններ և Հյուպատոսական բաժիններ:
Բոլոր նրանց համար, ովքեր ունեն անհետաձգելի ճանապարհորդության կարիք ԱՄՆ՝ գործնական, բուժման կամ հումանիտար նպատակով, ԱՄՆ Դեսպանությունները և Հյուպատոսական բաժինները պատրաստ են նրանց դիմումներին ընթացք տալ արտահերթ կարգով:
2016 թվականի հունվարի 21-ից ճանապարհորդները, որոնք ունեն վավեր Ճամփորդության հաստատման էլեկտրոնային համակարգ (ESTA) և ովքեր նախկինում նշել են, որ ունեն երկքաղաքացիություն և հանդիսանում են նաև վերը նշված 4 երկրներից որևէ մեկի քաղաքացի, նրանց ESTA-ն կճանաչվի ուժը կորցրած:
Նոր օրենքի համաձայն, Ազգային Անվտանգության դեպարտամենտը կարող է այս սահմանափակումները չկիրառել, եթե գտնի, որ դրանում առկա է Միացյալ Նահանգների հետաքրքրվածությունը: Սահմանափակումների չկիրառման որոշումը կկայացվի միայն յուրաքանչյուրի գործը առանձին ուսումնասիրելուց հետո:
Սահմանափակումների չկիրառումից կարող են օգտվել հետևյալ կատեգորիաների ճանապարհորդող անձինք.
- Անձինք, ովքեր պաշտոնական այցով մեկնել են Իրան, Իրաք, Սուդան կամ Սիրիա՝ որպես միջազգային, տարածքային կազմակերպությունների, տեղական իշխանությունների ներկայացուցիչներ:
- Անձինք, ովքեր պաշտոնական այցով մեկնել են Իրան, Իրաք, Սուդան կամ Սիրիա՝ որպես մարդասիրական/ հումանիտար հասարակական կազմակերպությունների ներկայացուցիչներ:
- Լրատվություն ապահովելու նպատակով մեկնած լրագրողները:
- Անձինք, ովքեր մեկնել են Իրան օրինական գործարար նպատակով և հետևել Միացյալ համակողմանի գործողությունների պլանին, հուլիսի 14, 2015թ. (Joint Comprehensive Plan of Action):
- Անձինք, ովքեր մեկնել են Իրաք օրինական գործարար նպատակով:
Կրկին հիշեցնում ենք, որ ESTA-ի դիմորդների նկատմամբ օրենքի չկիրառումը կորոշվի յուրաքանչյուրի գործը առանձին ուսումնասիրելուց հետո՝ հետևելով օրենքի պահանջներին:
Բացի այդ մենք կշարունակենք հետազոտել՝ արդյոք օրենքի չկիրառումը կարող է օգտագործվել երկքաղաքացիություն ունեցող անձանց նկատմամբ, ովքեր ունեն նաև Իրաքի, Սուդանի, Իրանի և Սիրիայի քաղաքացիություն և ինչ կարգով:
Ցանկացած ճանապարհորդ, ով ստացել է ծանուցում, այն մասին, որ ԱՄՆ մեկնելու համար այլևս չի կարող օգտվել առանց վիզայի ԱՄՆ մուտքի թույլտվության ծրագրից, կարող է մեկնել ԱՄՆ ոչ ներգաղթային մուտքի վավեր վիզայով, որը կարող է տրամադրել ԱՄՆ Դեսպանությունը կամ Հյուպատոսական բաժինը: Նրանցից կպահանջվի մինչ ԱՄՆ մեկնելը ներկայանալ ԱՄՆ Դեսպանություն կամ Հյուպատոսական բաժին հարցազրույցի և ստանալ մուտքի վիզա:
Նոր օրենքը չի արգելում ԱՄՆ ճամփորդելը կամ մուտք գործելը : Առանց վիզայի ԱՄՆ մուտքի թույլտվություն ունեցող երկրներից ճանապարհորդների մեծ մասի վրա այն չի անդրադառնա:
ESTA-ի դիմումի նոր ձևը, որում ներառված կլինեն հավելյալ հարցեր դիվանագիտական և ռազմական նպատակով այցելությունների համար օրենքով սահմանված բացառությունների վերաբերյալ, շրջանառության մեջ կդրվի 2016 թվականի փետրվարի վերջին:
Մուտքի վիզաների վերաբերյալ տեղեկություններ կարող եք գտնել հետևյալ կայքում. travel.state.gov:
Այն անձանց, ովքեր ունեն ESTA, խորհուրդ է տրվում նախքան ԱՄՆ մեկնելը ստուգել իրենց ESTA կարգավիճակը Մաքսային և սահմանապահ ծառայության կայքում՝ esta.cbp.dhs.gov
Վաշինգտոն
22 հունվարի, 2016
|
հեղինակ` Travel News |
 |
Ճանապարհորդության մեկնելիս մի շարք զբոսաշրջիկներ հանգստանում են ամբողջ սրտով, և բնականաբար մարմնով՝ թույլ տալով փորձել տարօրինակ խորտիկներ և չմտածել կերածի մասին: Բրիտանական վերլուծաբանները փորձել են պարզել, թե հանգստից հետո ո՞ր երկրում հանգստացած զբոսաշրջիկներն են ետ վերադառնում ավելորդ քաշով:
Պարզ է դարձել, որ զբոսաշրջիկները հաճախ գիրանում են ծովափնյա հանգստից հետո: Դա պարզ է՝ լողափին պառկելը դժվար թե նպաստի մարմնի քաշի պահպանմանը:
Ցանկը գլխավորել է Մարմարիսը. թուրքական հանգստավայրում հանգստացողների 11%-ը ավելորդ քաշ է հավաքել:
Լավ հանգստանալ և չգիրանալ ցանկացողներին մասնագետները խորհուրդ են տալիս ակտիվ էքսկուրսիոն տուրիզմ: Այսպես, Հռոմում ճանապարհորդելով զբոսաշրջիկները ավելի քիչ են գիրացել, չնայած տեղի խոհանոցի գրավչությանը: Համաշխարհային վարկանիշում քաղաքը զբաղեցրել է 5-րդ տեղը:
|
հեղինակ` Travel News |
 |
Մեծամորի հնագիտական պեղումների ընթացքում 2013 թվականին հայ-լեհական միջազգային հնագիտական արշավախմբին հաջողվել է բացել վաղ երկաթի դարաշրջանին (մ.թ.ա. XI-IX դդ.) վերաբերող բնակավայր, որը հրկիզվել էր գրոհի ժամանակ և այրվող տանիքը փլվել էր՝ իր տակ թողնելով ամբողջ սենյակը:
Պեղման ընթացքում ի հայտ են եկել 5 հսկա կարասների բեկորներ, որոնք նույնությամբ մնացել էին իրենց տեղում (in situ): Այս մասին տեղեկանում ենք ՀՀ մշակույթի նախարարություն «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի պաշտոնական կայքից:
Բոլոր կարասների տակ դրված են եղել տուֆից պատրաստված սկավառակաձև պատվանդաններ: Ըստ ամենայնի, դա որոշակի ծիսական արարողությունների իրականացման սենյակ է եղել, քանի որ նրա արևմտյան պատի տակ բացվել է տուֆից պատրաստված օջախ՝ մոխրի մնացորդներով, դրա առջև էլ հարավից հյուսիս դասավորված են եղել կարասները: Սենյակը, ամենայն հավանականությամբ, այրվել է մ.թ.ա. VIII դարում՝ ուրարտական զորաջոկատների Արարատյան դաշտ ներխուժման ժամանակ:
Կարասների բեկորները դուրս հանելուց, խմբավորելուց և մաքրելուց հետո է միայն պարզ դառնում, թե ինչ խեցեղենի կտորներ են հայտնաբերվել: Մաքրելուց և տեսակավորելուց հետո խեցեղենի բեկորները պեղավայրից տեղափոխվել են ՊՈԱԿ-ի վերականգնման լաբորատորիա, որտեղ գտածոները ենթարկվել են քիմիական մաքրման, ապա լվացվել ջրով: Դրանից հետո է միայն պարզ դարձել, որ գերակշռում են հիմնականում երկու կարասի բեկորները, դրանք էլ հավաքվել և վերականգնվել են:
Կարասներից մեկի 156, մյուսի՝ 130 բեկորները հավաքելու համար ՊՈԱԿ-ի Վերականգնման լաբորատորիայի բաժնի վարիչից մի քանի ամսվա քրտնաջան ու համբերատար աշխատանք է պահանջվել: Տիգրան Զաքյանի խոսքով, սկզբում հավաքվել է կարասի հատակը և միայն աշխատանքի ընթացքում է պարզվել, որ բազմաթիվ պակաս բեկորներ կան: Ըստ երիտասարդ վերականգնողի, առաջին տարին հավաքված կարասը դեռ ամբողջական չի համարում ու պակաս բեկորները այլ նյութով չեն փորձում փոխարինել, մինչև հաջորդ պեղումները, քանի որ չի բացառվում, որ հետագայում նույն բնակավայրի պեղումներից հայտնաբերվեն պակաս կտորները: Միայն այս տարվա պեղումներից հետո է Տիգրան Զաքյանը որոշել ամբողջացնել 2013 թվականին գտնված կարասի բեկորները և բացակա կտորները փոխարինել գիպսով, ապա համապատասխան գունավորում տալ:
Կարասների իրանին հանդիպող հորիզոնական, վերադիր գոտիները հատուկ նպատակով են արված, քանի որ նման մեծ կարասները պատրաստվել են մաս առ մաս և իրար ամրացնելիս կարերի հատվածներում նման հորիզոնական գոտիներ էին դրվում, սա կարը թաքցնելու և կարասը ամրացնելու հին հնարք է:
Ավարտուն տեսք ստանալուց հետո կարասները կցուցադրվեն «Մեծամոր» պատմահնագիտական արգելոց-թանգարանում:
Երիտասարդ վերականգնողը վստահ է. գտնված երկու կարասները առանձնահատուկ տեղ են ունենալու արգելոց թանգարանում, քանի որ տվյալ ժամանակաշրջանը ներկայացնող այդ ձևի և չափսի կարասներ չկան թանգարանում: Նման կարասեր հանդիպում են Կարմիր բլուրի մինչուրարտական բնակավայրի, Դվինի երկաթեդարյան բնակատեղիի և Ծիծեռնակաբերդի երկաթեդարյան հնավայրի պեղումներից:
panorama.am
|
հեղինակ` Travel News |
 |
Չեխական մայրաքաղաքում բացվել է թանգարան, որը նվիրված է աշխարհում հայտնի ամերիկյան ընկերությանը:
Պրահայի թանգարանում հավաքվել է Apple ապրանքանիշի արտադրանքի առավել ընդարձակ հավաքածուն: Մասնավորապես հենց Պրահայում ամերիկյան ապրանքանիշի երկրպագուները կարող են տեսնել Macintosh առաջին համակարգիչները, ինչպես նաև 1980-ականների սկզբում արտադրված Apple Lisa համակարգիչը:
Apple ընկերության արտադրանքներից բացի թանգարանում ցուցադրվելու են ոչ պակաս հետաքրքիր այլ ցուցանմուշներ: Օրինակ, երկրպագուները կարող են թերթել Սթիվ Ջոբսի օրագիրը:
|
հեղինակ` Travel News |
 |
Fitur միջազգային ցուցահանդեսը, որը բացվում է Մադրիդում հունվարի 21-ին, ներկայացնելու է տուրիստական նոր գործակալության կայք, որը մասնագիտանալու է աստղային զբոսաշրջության մեջ: Այս մասին հաղորդում է The Local պարբերականը:
Ինչպես տեղեկացրել է Dark Sky Advisors (DSA) նախագծի համակարգող Խոսե Հին, աստղագործակալության կայքը սկզբում կսկսի աշխատել իսպաներենով, ավելի ուշ` և անգլերենով: Կայքն առաջարկելու է էքսկլուզիվ տուրեր, որոնք հնարավորություն են տալիս ամենահարմար վայրերում վայելել աստղային երկինքը:
AstroAndalus տուրգործակալությունը գտնվելու է Հաենայի Centro Tecnológico Andaltec-ում:
Անդալուսիան, շնորհիվ անամպ օրերի թվի, Եվրոպայի լավագույն տարածաշրջաններից մեկն է աստղերը դիտելու համար:
|
հեղինակ` Travel News |
 |
Գերմանական Lufthansa ավիաընկերությունը ստացել է A320 Neo առաջին ինքնաթիռները, որոնցում նստելատեղերի հեռավորությունն ավելի փոքր է, քան լոուքոսթերի սրահում:
Գերմանական ավիափոխադրողը պատվիրել է A320 Neo 100 ինքնաթիռներ, որոնց սրահները տեղավորելու են 180 ուղևորների՝ 12 ուղևորով ավել A320 Neo կարգի ինքնաթիռից:
Լրացուցիչ նստելատեղերը կհայտնվեն շնորհիվ զուգարանների և միջանցքների տեղակայման, ինչպես նաև` նստարանների միջև տարածության նվազման:
Աթոռների միջև ստանդարտ հեռավորությունը Lufthansa-ի ինքնաթիռներում կազմում է 76 սմ: Այժմ այն նվազեցվելու է մինչև 71 սմ, ինչը Ryanair լոուքոսթերի ցուցանիշից ցածր է: Այս կերպ ավիաընկերությունը հարմարավետության ցուցանիշով զիջում է լոուքոսթերին:
|
հեղինակ` Travel News |
 |
Marriott Hotels հյուրանոցային ցանցի ղեկավարությունը որոշել է համարներից դուրս բերել գրասեղանները:
Marriott International-ի հասարակության հետ կապերի բաժնի տնօրենը բացատրում է, որ նման որոշման պատճառը տեխնիկական առաջադիմությունն է: Հյուրերի մեծամասնությունն արդեն թուղթ ու գրիչ չի օգտագործում, նույնիսկ ծանր համակարգիչներն են անցել պատմության գիրկ: Զբոսաշրջիկներն իրենց հարցերը լուծում են պլանշետների և սմարթֆոնների միջոցով, դա նշանակում է, որ իրենց սեղաններ հարկավոր չեն:
Մոտ ապագայում հյուրանոցային ցանցը պատրաստվում է ամբողջովին փոխել իր համարների դիզայնը՝ թողնելով որքան հնարավոր է քիչ կահույք: Բնականաբար նորարարությունը կհավանեն ոչ բոլոր հաճախորդները: Սակայն Marriott-ի ղեկավարությունը նշում է, որ բոլորին բավարարելն անհնարին է:
|
հեղինակ` Travel News |
 |
Skyscanner զբոսաշրջային սերվիսը անցկացրել է հետազոտություն և կազմել 2016թ.-ի հանգստի ամենաբյուջետային երկրների ցանկը:
Զբոսաշրջիկների համար ամենահասանելին դարձել են Հնդկաստանը և Ինդոնեզիան: Երկու հոգու համար կպահանջվի ընդամենը 40 դոլար, իսկ չափազանց բյուջետային տուրիստների համար բավական կլինի ընդամենը 20 դոլարը այս երկրներից մեկում մեկ օր մնալու համար:
Վիետնամում և Նեպալում հանգստանալ կարելի է 45 դոլարի առկայությամբ: Այս երկրներում երկտեղանի համարը կարժենա ընդամենը 5-8 դոլար:
Լաոսում և Շրի Լանկայում պետք է մի փոքր ավել վճարել՝ 55-60 դոլար: Հյուրանոցում քնելը և սնվելը այս երկրներում վերոհիշյալ երկրներից երկու անգամ թանկ է:
Բյուջետային հանգստի ցանկում հայտնվել են նաև Աբխազիան՝ 65 դոլար, Վրաստանը՝ 80 դոլար:
Բյուջետային երկրների ցանկում է հայտնվել նաև Հայաստանը՝ 70 դոլար մեկ օրվա համար: Հայաստանում լիարժեք ճաշը կարժենա ընդամենը 3 դոլար, իսկ ոչ թանկարժեք հյուրանոց Երևանում կարելի է գտնել 30 դոլարով մեկ օրվա համար:
Զբոսաշրջային սերվիսը նշում է, որ զարմանալի է, որ Հայաստանում հյուրընկալ բնակիչները կարող են հրավիրել զբոսաշրջիկներին իրենց տուն գիշերելու` առանց որևէ գումար պահանջելու: «Այդպիսին է բնիկ ազգաբնակչության մենթալիթեթը», — ավելացրել է Skyscanner-ը:
Նշենք, որ ՀՀ Էկոնոմիկայի նախարարության տվյալներով, 2015թ.-ին կրճատվել է Հայաստան այցելած ռուսների թիվը 9%-ով և կազմել է 158 000 մարդ, սակայն ավելացել է այլ երկրներից զբոսաշրջիկների թիվը՝ Իրան-24,6%, Իրաք-84,5%, Կանադա-20%, ԱՄՆ-33,6%:
rusarminfo.ru
|
հեղինակ` Travel News |
Առանց վիզայի երկրներ Հայաստանի քաղաքացիների համար ... | 59629
Туры в Египет из Армении ... | 44847
«ԳԼՈԲՈՒՍ ՏՈՒՐՍ» ՏՈՒՐԻՍՏԱԿԱՆ ԳՈՐԾԱԿԱԼՈՒԹՅՈՒՆ " ... | 24020
Ինչ է չարթերային թռիչքը ... | 18937
Հյուրանոցային համարների գաղտնիքները: Ի՞նչ են թաքցն ... | 17408Туры в Дубай из Армении, Ереван-Дубай, Объединённы ... | 15408
Մալդիվյան կղզիներ. 9 օր / Maldivyan kxziner / ... | 15145
«ՀԱՆՔԱՎԱՆԻ ԽՈՏՈՐՋՈՒՐ ԱՌՈՂՋԱՐԱՆ» "HANKAVANI K ... | 14749
Ինչպես գտնել էժան ավիատոմսեր ... | 13957
Սոց փաթեթներ ... | 13233
Ուղևորություն դեպի Դուբայ >>> ... | 12279
Ընտանեկան փաթեթ դեպի Հունաստան - ԿՐԵՏԵ կղզի / Երև ... | 10689
Մատչելի հանգիստ Դուբայում - Matcheli hangist Dubay ... | 10562
Varvox patetner depi EGIPTOS ... | 10544
«ԳՈ ԹՐԵՎԼ» ՏՈՒՐԻՍՏԱԿԱՆ ԸՆԿԵՐՈՒԹՅՈՒՆ "GO TRAVE ... | 10272| . Պատահական հայտարարությունների ընտրանի |
