տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
 |
Тhalys երկաթուղային օպերատորը իր ուղևորներին առաջարկում է նոր լոուքսթ-ծառայություն՝ եվրոպական երկու երկրների միջև ճանապարհորդություն 10 եվրոյով:
Izy անունը կրող ծառայության շրջանակներում օպերատորի գնացքները միացնելու են Բրյուսելը և Փարիզը: Նստելատեղ չխոստացող տոմսը արժենալու է 10 եվրո: Աթոռներով տեղը կարժենա 15 եվրո, իսկ աթոռը՝ 19 եվրո:
Իսկ այն մարդիկ, ովքեր ցանկանում են ճանապարհորդել մեծ հարմարավետությամբ, ապա կարող են պատվիրել 29 եվրո արժողության տոմսեր: Ինչպես խոստանում է Thalys-ը, տոմսի գինը չի գերազանցելու 59 եվրոն:
Էժան կազմակերպություններն ունեն իրենց թերությունը՝ տևողություն: Էժան գնացքներն ուղևորվում են ավելի թույլ հզորությամբ, ինչի հետևանքով ուղևորությունը տևում է ոչ թե 1 ժամ 22 րոպե, այլ 2 ժամ 30 րոպե:
Երկաթուղային օպերատորը հուսով է բարձրացնել ուղևորաշրջանառությունը 10%-ով:
|
հեղինակ` Travel News |
 |
Հիմնական գույները չորսն են՝ կարմիր, կապույտ, կանաչ և սև: Իսկ թե ինչով է բացատրվում այս կամ այն գույնի ընտրությունը, բացատրում է Passport Index ինտերակտիվ բազայի մարկետոլոգ Հրանտ Բոգոսյանը:
Այս կամ այն գույնի ընտրության պատճառները շատ տարբեր են: Հիմնականում նշանակություն ունեն աշխարհագրական, պատմական կամ քաղաքական նկատառումները:
Մուգ կարմիր գույնը օգտագործվում է ԵՄ երկրների քաղաքացիների համար, իսկ կապույտի երանգները՝ Կարիբյան ավազանի երկրների համար: Բուրդոյի երանգի առկայությունը վկայում է երկրի կոմունիստական անցյալը: Իսկ երկնագույնը խորհրդանշում է «նոր աշխարհը», օրինակ` Հս., Հվ. Ամերիկայի երկրները և Օվկիանան:
Մի շարք երկրներում քաղաքացիների գլխավոր փաստաթղթի գույնը կապվում է հավատքի հետ: «Մահմեդական երկրների մեծ մասում անձնագիրը կանաչ գույնի է, քանզի կանաչը իրենց կրոնի գլխավոր գույնն է», - նշել է Բոգոսյանը: Համարվում է, որ կանաչը եղել է Մուհամեդ մարգարեի սիրելի գույնը և բնության ու կյանքի խորհրդանիշը:
Որոշ երկրներում անձնագրի գույնը արտացոլում է քաղաքացու անհատականությունը: Այսպես, շվեյցարական գլխավոր փաստաթուղթը վառ կարմիր է:
Քանի որ անձնագրերի թողարկման գործողությունը բավականին դժվար է, այդ պատճառով դրա գույնը փոխելը բավականին դժվար է: Նույնը չի կարելի ասել անձնագրի ներքին էջերի մասին, որն անընդհատ փոփոխվում է: Այդ էջերին պատկերվում է երկրի խորհրդանիշը, որը երևում է ուլտրամանուշակագույն ճառագայթների ներքո:
Այսպիսի ամենայուրահատուկ լուծումը Ֆինլանդիայում է: Եթե արագ թերթես անձնագրի էջերը, ապա կտեսնես քայլող եղջերուի:
|
հեղինակ` Travel News |
 |
Լոնդոնում հայտնվել է բրիտանական նկարիչ և ջրաքանդակագործ Ջեյսոն Թեյլորի քանդակային կոմպոզիցիան՝ չորս ձիավորները:
Կոմպոզիցիայի յուրահատկությունը նրանում է, որ այն կարելի է տեսնել օրը միայն երկու անգամ մակընթացության ընթացքում. այսպիսին է հեղինակի մտահղացումը:
Նրա գլխավոր նպատակն այն է, որ մարդիկ մտահոգվեն կլիմայի տաքացմամբ և արդեն այսօր սկսեն քայլեր ձեռնարկել:
Քանդակային հավաքածուն բաղկացած է երկու գեր գործարարներից, ովքեր խորհրդանշում են իշխանությունը և երկու երեխաներից՝ ապագա սերունդ, որը բախվում է էկոլոգիական խնդիրների հետ: Ձիերի գլուխներին էլ փոխարինում են նավթահորերի պոմպերը:
|
հեղինակ` Travel News |
 |
Աշխարհի խոշորագույն մետրոյում բացվել է աշխարհի ամենաթանկարժեք կայարանը, որի շինարարությունը տևել է 12 տարի:
Ստորին Մանհեթենում տրանսպորտային հանգույցն իր աշխատանքն է սկսել 2016թ.-ի մարտի 3-ին:
Սկզբնապես Համաշխարհային առևտրի կենտրոնի երկվորյակ շենքերի մոտ գտնվող կայարանի շինարարությունը գնահատվում էր 2 մլրդ դոլար: Արդյունքում ծախսվել է երկու անգամ մեծ գումար, ինչը կայարանը դարձրել է ամենաթանկարժեքն աշխարհում:
Խոշոր հանգույցը միացնում է 11 մետրոներ, ինչպես նաև Նյու-Ջերսիի երկաթուղային առաջատար գիծը:
|
հեղինակ` Travel News |
 |
Ի՞նչ նվեր են ցանկանում գեղեցիկ սեռի ներկայացուցիչները մարտի ութին: TURIZM.RU կայքը հարցում է անցկացրել կանանց շրջանում: Ընթերցողներին առաջարկվել է նվերների տարբեր տեսակներ: Արդյունքում կանանց մեծամասնությունը՝ 52%-ը խոստովանել է, որ երազում է ճանապարհորդության մասին:
Երկրորդ հորիզոնականում է գումարը: Հարցվող կանանց 17%-ը նշել է, որ չէր հրաժարվի կանանցից: Կանանց 12%-ը հայտարարել է, որ հենց նվերը էական չէ, կարևորը ուշադրությունն է:
Կանանց միայն 8%-ն է ցանկացել ավանդական նվերներ՝ օծանելիք և զարդեղեն:
|
հեղինակ` Travel News |
 |
DaTravel.com-ի մասնագետները գարնանային զբոսաշրջային սեզոնի նախաշեմին կազմել են ամենամատչելի արտասահմանյան էքսկուրսիոն և ծովային ուղղությունների ցուցակը, որում հայտնվել է նաև Հայաստանը:
DaTravel.com-ը BSI Global Group միջազգային հոլդինգի կազմում ընդգրկված և ճանապարհորդությունների ինքնուրույն ծրագրման առցանց սերվիս է:
ԱՊՀ երկրներ մեկնելը թույլ կտա խուսափել մուտքի վիզաների հետ կապված ծախսերից:
Բելառուսի մայրաքաղաք Մինսկը ողջ աշխարհի զբոսաշրջիկներին գրավում է մատչելի գներով: Հետադարձ տոմսի արժեքը մեկ ճանապարհորդի համար գարնանը սկսվում է 9 000 ռուբլուց, իսկ հյուրանոցի ստանդարտ սենյակը կարժենա 2 000 ռուբլի մեկ գիշերվա համար: Այսպիսով, մեկ շաբաթով Մինսկ մեկնելը գարնանը կարժենա ընդամենը 23 000 ռուբլի:
Մի փոքր ավելի թանկ կարժենա թռիչքը Ղազախստան և Հայաստան: Աստանա կամ Երևան հասնելու և վերադառնալու համար 2016 թվականի գարնանը կարժենա միջինը 13 000 ռուբլի: Հյուրանոցում ապրելը մեկ գիշերվա համար սկսվում է 2 000 ռուբլուց:
Չնայած, որ դեպի Վրաստան ավիատոմսերը մի քանի հազարով ավելի են` հետադարձ տոմսը սկսած 15 000-ից, ընդհանուր առմամբ մեկշաբաթյա ուղևորությունը կարժենա գրեթե նույնքան, որքան դեպի Ղազախստան և Հայաստան: Թբիլիսիում հյուրանոցային համարի արժեքը մեկ գիշերակացի համար սկսվում է 1 800 ռուբլուց: Եվ այսպես, մեկշաբաթյա այցը Ղազախստան, Հայաստան և Վրաստան կարժենա միջինը 27 000 ռուբլի:
Բյուջետային ուղղություններից են նաև` Չեխիան, Բուլղարիան, Իտալիան, իսկ որպես ծովային հանգիստ DaTravel.com-ը խորհուրդ է տալիս Թաիլանդը, Վիետնամը և Չինաստանը:
|
հեղինակ` Travel News |
 |
Եվրոպայի քաղաքացիների ազատ տեղաշարժը Շենգենյան գոտում կվերականգնվի 2016-ի դեկտեմբերին: Այս մասին գրում է KP.ru-ն՝ նշելով, որ այս մասին հայտնել է ներքին գործերի, միգրացիայի և քաղաքացիության եպրոպական հանձնակատար Դիմիտրիս Ավրամոպուլոսը:
Աղբյուրը հիշեցնում է, որ հունվարի 16-ին Ավստրիան չեղյալ էր հայտարարել Շենգենյան համաձայնագրի գործողությունն իր տարածքում և վարում էր ընդհանուր հսկողություն իր բոլոր սահմաններին: Ավելի վաղ, Գերմանիան նույնպես սահմանային հսկողություն էր վարում Ավստրիայի հետ:
|
հեղինակ` Travel News |
 |
Emirates ավիաընկերության Airbus A-380 ինքնաթիռը օդում անցկացրել է 17 ժամ 15 րոպե՝ թռչելով Դուբայից Օկլենդ:
2016թ.-ի մարտի 2-ին չվերթը տևողությամբ դարձել է ռեկորդակիր` ավիացիայի ողջ պատմության մեջ: Ինքնաթիռը հաղթահարել է 14.000 կմ, ինչը ևս ռեկորդային է չվերթերի պատմության մեջ:
Նշենք, որ նախորդ ռեկորդը գրանցվել էր ոչ վաղ անցյալում: 2014թ.-ի ավարտին ավստրալական Qantas ավիաընկերությունը իրականացրել է Սիդնեյ-Դուբայ չվերթը՝ հաղթահարելով 13800 կմ:
Հատկանշական է, որ այս ռեկորդը երկար չի մնալու: Այն շուտով զիջելու է նույն՝ Էմիրեյթս ընկերության կողմից իրականացվելիք Դուբայ-Պանամա չվերթին: Այս թռիչքի տևողությունը լինելու է 17.5 ժամ:
|
հեղինակ` Travel News |
 |
Հերմես զինվորական նավը՝ աշխարհում ամենահին ավիակիրը, որը Ֆոլկլենդյան կղզիների և Արգենտինայի միջև 1982թ.-ին տեղի ունեցած պատերազմի ժամանակ բրիտանական նավատորմի մասն է եղել, այսօր վերածվելու է խաղոտւն-հյուրանոցի:
Հնդկաստանը պլանավորում է ծախսել 85 մլն ֆունթ սթերլինգ (117,7 մլն $) գումար նավը վերակառուցելու համար: Նախատեսվում է, որ շինարարական աշխատանքներից հետո նրանում հայտնվելու են մոտ 500 համարներ, մի քանի ռեստորաններ և լողավազաններ, ինչպես նաև գիշերային ակումբ:
Նաև հաղորդագրություն կա, որ նախկին ավիակրում կառուցելու են խաղատուն:
Հնդկաստանի տարածքում արգելվում են խաղատները, սակայն նավը կարող է տեղակայվել միջազգային ջրերում: Այս պարագայում հյուրերը նավ կարող են հասնել ուղղաթիռի օգնությամբ:
|
հեղինակ` Travel News |
 |
Բրիտանացի զբոսաշրջիկ Ջոշ Ռիդը լոնդոնյան Սթենսթեդ օդանավակայանից Ryanair ավիաընկերության ինքնաթիռով ուղևորվել է Գերմանիա: Բարեխղճորեն հասնելով հյուրանոց՝ տղամարդը բացահայտել է, որ Դորտմունդ ժամանել է իր ընկերուհու անձնագրով:
21-ամյա բրիտանացին զարմացել է, որ լոնդոնյան օդանավակայանի աշխատակիցներից ոչ մեկը ուշադրություն չի դարձրել այն փաստի վրա, որ նա լքում է երկիրը աղջկա անձնագրով, ով նրան նման չէ արտաքինով և կրում է ուրիշ ազգանուն:
Ավիաընկերության ներկայացուցիչները ընդունել են իրենց սխալը, սակայն նշել են, որ ուղևորն ինքը պետք է համոզվեր, որ մեկնում է հանգստի սեփական անձնագրով:
Զբոսաշրջիկին հետ վերադառնալ է հաջողվել վարորդական իրավունքով, որը բարեբախտաբար եղել է իր մոտ:
|
հեղինակ` Travel News |
 |
Իտալիայի Լե Պյաստրե քաղաքի հին լքված ռեստորանը, որը գտնվում է Պիսթոյիից ոչ մեծ հեռավորության վրա, փոխակերպվելու է բավականին արտասովոր թանգարանի՝ Museo della bugia (Ստի թանգարան):
Լե Պյաստրեն ընտրվել է որպես թանգարանի շենք ոչ պատահականորեն. քաղաքում արդեն 50 տարի անընդմեջ յուրաքանչյուր տարի անցկացվում է ստի իտալական մրցաշար, յուրօրինակ առաջնություն, որի ժամանակ մրցում են ամենալավ ստողները:
|
հեղինակ` Travel News |
 |
Ռուսաստանի նախագահ Վլադիմիր Պուտինը վավերացրեց օրենք, որը պարտավորեցնում է արտագնա զբոսաշրջությամբ զբաղվող զբոսաշրջային ընկերություններին անդամավճար վճարել «Տուրօգնություն» ասոցիացիային կից ստեղծված պահուստային ֆոնդ և տուրօպերատորի անձնական պատասխանատվության ֆոնդ:
Փաստաթղթի համաձայն, պահուստային ֆոնդ անդամավճարի չափը.
- տարեկան մինչև 10.000 զբոսաշրջիկ և 40մլն ռուբլու շրջանառություն ունեցող տուրօպերատորների համար կազմելու է տարեկան 50.000 ռուբլի,
- այն ընկերությունները, որոնց զբոսաշրջիկների թիվը չի գերազանցում 100.000-ը, կվճարեն 100.000 ռուբլի,
- այն ընկերությունները, որոնց զբոսաշրջիկների թիվը 100.000-500.000 է՝ 500.000 ռուբլի:
Դրա հետ մեկտեղ, «Տուրօգնություն» ասոցիացիային անդամագրվել ցանկացող նոր տուրօպերատորները պետք է պահուստային ֆոնդ մուծեն 100.000 ռուբլի մուտքի անդամավճար:
Օրենքը նաև նախատեսում է արտագնա զբոսաշրջության ոլորտում տուրօպերատորների անձնական պատասխանատվության ֆոնդի ստեղծում: Ֆոնդի գլխավոր նշանակությունը արտագնա զբոսաշրջության ոլորտում կոնկրետ տուրօպերատորի զբոսաշրջիկներին շտապ օգնության ցուցաբերման ծախսերի ֆինանսավորումն է:
|
հեղինակ` Travel News |
 |
Չինական Wild Animal Park կենդանաբանական այգում զբոսաշրջիկները մահված աստիճանի «լուսանկարել» են սիրամարգերին:
Չինական ամանորյա միջոցառումներին նվիրված արձակուրդների ժամանակ Կունմին քաղաքի Wild Animal Park կենդանաբանական այգում նկատվել է այցելուների մեծ հոսք: Ավելի ուշ աշխատակիցները նկատել են երկու մահացած սիրամարգի, որոնք գրանցված էին Կարմիր գրքում: Անասնաբույժի խոսքերով` թռչունները մահացել են վախից և ցավից:
Այգու տարածքում բնակվում են մոտ 7.000 յուրահատուկ կապույտ կամ հնդկական տեսակի սիրամարգեր: Չնայած զգուշացնող ցուցատախտակներին՝ այցելուները վախեցրել են կենդանիներին, փորձել են նրանց գրկել լուսանկարվելու համար: Համարվում է, որ սիրամարգին բռնելը բավականին դժվար է, քանզի այս թռչունը վախկոտ է և զգուշավոր: Սակայն որոշ զբոսաշրջիկներ նրանց գրավել են սնունդով սելֆի անելու և նրանց պոչից փետուր պոկելու համար:
Այս փաստերը հաստատող լուսանկարները հայտնվել են համացանցում: Լուսանկարներից մեկում անգամ երևում է մահացած սիրամարգը:
Հիշեցնենք, որ օրեր առաջ Արգենտինայում սելֆի անող զբոսաշրջիկների պատճառով մահացել էր դելֆին:
|
հեղինակ` Travel News |
 |
Նամիբիայի ամենահայտնի ազգային պարկերից մեկում՝ Էտոշայի սաֆարի այգում բարկացած ռնգեղջյուրը հարձակվել է զբոսաշրջիկների վրա:
Կենդանին հարձակվել է զբոսաշրջիկների մեքենայի վրա, ովքեր ազգային պարկում էքսկուրսիա են ունեցել: Ավտոմեքենան մյուս մեքենաների հետ շարժվել է ազգային պարկում և, չգիտես ինչու, հետաքրքրել է մոտակայքում գտնվող ռնգեղջյուրին, որը հարվածել է առաջին մեքենային և ուղղվել դեպի երկրորդ մեքենան: Սակայն վարորդը հասցրել է հեռանալ տարածքից: Ռնգեղջյուրի հարվածից վնաս ստացած մեքենան ևս կարողացել է հեռանալ տարածքից:
Բարեբախտաբար զբոսաշրջիկները և էքսկուրսավարները չեն տուժել:
Այգու աշխատակիցները փորձում են հասկանալ ռնգեղջյուրի նման պահվածքի պատճառը:
|
հեղինակ` Travel News |
 |
Euromonitor-ը ներկայացրել է աշխարհի ամենահայտնի 100 քաղաքների ցանկը (Top 100 City Destination), որը գլխավորել է Հոնկոնգը:
Ցանկը կազմելու գլխավոր հիմքը եղել է 2014թ.-ին ընդունած զբոսաշրջիկների թիվը:
Համաձայն Euromonitor-ի տվյալների, 2014թ.-ին Հոնկոնգ է այցելել մոտ 28 մլն զբոսաշրջիկ, ինչը նախորդ տարվա ցուցանիշից բարձր է 8,2%-ով: Դա թույլ է տվել ասիական մայրաքաղաքին զգալիորեն առաջ անցնել երկրորդ հորիզոնականում գտնվող Լոնդոնից, ուր այցելել է մոտ 17,5 մլն զբոսաշրջիկ:
Երրորդ հորիզոնականում է ևս մեկ ասիական քաղաք՝ Սինգապուրը, որն ընդունել է գրեթե 17 մլն զբոսաշրջիկ:
Չորրորդ հորիզոնականում է Բանգկոգը՝ 16.2 մլն, և միայն հինգերորդ հորիզոնականում է Փարիզը՝ 15 մլն զբոսաշրջիկ:
|
հեղինակ` Travel News |
Առանց վիզայի երկրներ Հայաստանի քաղաքացիների համար ... | 59527
Туры в Египет из Армении ... | 44822
«ԳԼՈԲՈՒՍ ՏՈՒՐՍ» ՏՈՒՐԻՍՏԱԿԱՆ ԳՈՐԾԱԿԱԼՈՒԹՅՈՒՆ " ... | 24013
Ինչ է չարթերային թռիչքը ... | 18930
Հյուրանոցային համարների գաղտնիքները: Ի՞նչ են թաքցն ... | 17408Туры в Дубай из Армении, Ереван-Дубай, Объединённы ... | 15395
Մալդիվյան կղզիներ. 9 օր / Maldivyan kxziner / ... | 15138
«ՀԱՆՔԱՎԱՆԻ ԽՈՏՈՐՋՈՒՐ ԱՌՈՂՋԱՐԱՆ» "HANKAVANI K ... | 14732
Ինչպես գտնել էժան ավիատոմսեր ... | 13955
Սոց փաթեթներ ... | 13230
Ուղևորություն դեպի Դուբայ >>> ... | 12275
Ընտանեկան փաթեթ դեպի Հունաստան - ԿՐԵՏԵ կղզի / Երև ... | 10686
Մատչելի հանգիստ Դուբայում - Matcheli hangist Dubay ... | 10560
Varvox patetner depi EGIPTOS ... | 10542
«ԳՈ ԹՐԵՎԼ» ՏՈՒՐԻՍՏԱԿԱՆ ԸՆԿԵՐՈՒԹՅՈՒՆ "GO TRAVE ... | 10269| . Պատահական հայտարարությունների ընտրանի |
