|
Վերջին ժամանակներս շատ նորաձև է արտասահմանում հանգստանալը։ Սակայն որպեսզի հանգիստը ձեզ հաճելի լինի, պետք է ընտրել ճիշտ տուրը։ Առաջին հերթին պետք է կողմնորոշվել հանգստավայրի հարցում։ Ժամանակակից տուրինդուստրիան առաջարկում է տուրիզմի հետևլայ տեսակները.
1. Պասիվ ծովափային տուրիզմ տաք երկրների ծովափնյա հանգստավայրերում
2. Ակտիվ հանգիստ - սրա մեջ են մտնում դահուկներն ու արշավները դեպի լեռնային շրջաններ։ Այս խմբին են դասվում նաև ջրային սպորտի տեսակները
3. Էքսկուրսիոն տուրիզմ - այստեղ դուք կկարողանաք ծանոթանալ տեղի մշակույթի, երկրի հուշարձանների, ճարտարապետության, ազգային խոհանոցի հետ
4. Համակցված հանգիստ - այս տարբերակը շահավետ է այն մարդկանց համար, ովքեր առաջին անգամ են գտնվում արտասահմանյան ծովափին
Տուրօպերատոները նաև առանձնացնում են առողջարանային և ընտանեկան հանգիստներ։ Եթե դուք ցանկանում եք սովորել նոր լեզու ԱՄՆ-ում, Անգլիայում, Չեխիայում կամ Ֆրանսիայում, ապա դիմեք տուրիստական գործակալություններին և ընտրեք համապատասխան փաթեթը ։
Որևէ երկիր ընտրելիս ուշադրություն դարձրեք տեղի կլիմայի վրա։
Հաջորդ կարևոր խնդիրը կապված է գումարի հետ։ Փաթեթի արժեքի մեջ կարող են մտնել ճանապարհածախսը, հյուրանոցի, սնունդի գումարը, վիզան, ապահովագրությունը, էքսկուրսիաները ևն։ Սակայն լինում են դեպքեր, երբ որևէ մեկը չի ներառվում։ Այդ պատճառով փաթեթն ընտրելիս ուշադրություն դարձրեք առաջարկվող ծառայությունների վրա։
Հաջորդ քայլը տրանսպորտի տեսակի ընտրությունն է։ Ամենատարածված տեսակը այժմ ավիաթռիչքներն են։
Այնուհետև կարևոր է տուրգործակալության ընտրությունը։ Ցանկալի է օգտվել հայտնի և փորձված ընկերություններից, որպեսզի հետագայում չկանգնեք լուրջ խնդիրների առաջ։ Գոյություն ունեն այսպես կոչված «Այրվող տուրեր», որոնք ներառում են զեղչերի մեծ ցանկ։
Եվ վերջում կարևոր է հյուրանոցի ընտրությունը։ Այստեղ կարևոր է, թե ում հետ եք դուք գնում ճանապարհորդության՝ ընտանիքի, ընկերների, սիրած էակի, թե երեխաների։
Սակայն միշտ հիշեք, որ հաճելի հանգիստը կախված է հենց ձեզանից։ Եղեք հետաքրքրասեր և պլանավորեք ձեր հանգիստը։ Համացանցում փնտրեք տվյալ երկրի մասին տեղեկություններ, ընտրեք այն վայրերը, որոնք դուք կցանկանաք այցելել։ Այդ դեպքում ձեր հանգիստը ձեզ հաճույք կպատճառի։
«Փաստ» լրատվական – վերլուծական կայք
|
հեղինակ` admin |