տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
 |
Հունաստանի Ազգային բանկը հաղորդել է, որ 2015թ.-ին զբոսաշրջությունից ստացված եկամուտը դարձել է ռեկորդային` ոլորտի ամբողջ պատմության ընթացքում:
2015թ.-ին Հունաստանը վաստակել է ռեկորդային 14.2մլրդ եվրո: Վիճակագրության համաձայն, ռեկորդային ցուցանիշին նպաստել են բրիտանական և ամերիկյան զբոսաշրջիկները: Այսպես, ԱՄՆ-ի զբոսաշրջիկները 2015թ.-ին Հունաստանում ծախսել են 945.6 մլն եվրո, իսկ Մեծ Բրիտանիայի զբոսաշրջիկները՝ 2մլրդ եվրո: Եվրոպական երկրներից ամենաշատը ծախսել են Գերմանիայի և Ֆրանսիայի զբոսաշրջիկները:
Ընդհանուր առմամբ նախորդ տարի Հունաստանն ընդունել է 23.6 մլն արտասահմանյան զբոսաշրջիկներ:
|
հեղինակ` Travel News |
 |
Yerevan.today կայքը ուսումնասիրել է, թե որքան արժե նույն ուղղությամբ թռիչքը Երևանից և Թբիլիսիից: Համեմատվել է 20 ուղղություն: Ընտրված են ուղիղ և միջնորդավորված չվերթեր, ինչպես նաև կանոնավոր չվերթերի ամենամատչելի տարբերակները:
Բազմիցս նշվել է, որ Վրաստանից ավելի մատչելի է թռիչքը, և ՀՀ շատ քաղաքացիներ տարբեր երկրներ նախընտրում են թռչել Թբիլիսիից:
Ներկայացնում ենք 1 տոմսի արժեքը դրամով ՀՀ-ում և Վրաստանում
Մոսկվա 49.000 / 96000
Կիև 85.000 / 69.000
Դուբայ 58.000 / 90.000
Հռոմ 139.000 / 75.000
Լոնդոն 109.000 / 100.000
Փարիզ 106.000 / 53.000
Աթենք 68.000 / 91.000
Պրահա 136.000 / 78.000
Բարսելոնա 126.000 / 72.000
Վարշավա 86.000 / 83.000
Վիեննա 84.000 / 83.000
Լոս Անջելես 267.000 / 285.000
Կահիրե 270.000 / 119.000
Շրի Լանկա 158.000 / 195.000
Բեռլին 103.000 / 84.000
Սոչի 41.000 / 115.000
Մինսկ 53.000 / 132.000
Ստանբուլ 55.000 / 43.000
Պեկին 189.000 / 247.000
Բրյուսել 126.000 / 72.000
|
հեղինակ` Travel News |
 |
Skyskanner պորտալը անվանել է այն ուղղությունները, որոնք 2016թ.-ի մայիսին ամենապահանջվածն են դառնալու ռուսների մոտ:
Ամենամեծ աճը գրանցել է Թբիլիսին: Վրաստանի մայրաքաղաքի հանդեպ հետաքրքրությունը աճել է 110 %-ով: 62 %-ով աճել է Երևանի նկատմամբ ունեցած հետաքրքրությունը, իսկ 50 % -ով՝ կիպրոսյան Լարնակայի: Մասնագետները նշում են, որ փետրվարի վերջը բյուջետային ավիատոմսեր գնելու վերջին հնարավորությունն է:
Ամրագրման քանակությամբ առաջին հորիզոնականում այժմ Պրահան է: Ներքին ուղղություններից հայտնի է Սոչին, Ղրիմը, Մոսկվան և Սանկտ-Պետերբուրգը:
|
հեղինակ` Travel News |
 |
WWW.LEGOLAND.AE կայքում սկսվել է Դուբայի Legoland Dubai թեմատիկ այգու և ջրաշխարհի տոմսերի վաճառքը: Տարեկան բաժանորդագրության արժեքն է 995 դիրհամ /400դոլար/ կամ ամսական 83 դիրհամ:
Լեգոլենդի տոմսերի առաջին գնորդները հնարավորություն կստանան վայելել այգին հոկտեմբերին նախատեսված պաշտոնական բացումից ամիսներ առաջ: Բացի դրանից, թեմատիկ այգու տոմսերի բաժանորդները կստանան այգու ռեստորանների և խանութների զեղչի քարտեր:
Դուբայի Լեգոլենդը նախատեսված է 2-12 տարեկան երեխաների համար:
Այգում կառուցված են 40 ինտերակտիվ ատրակցիոններ, ինչպես նաև 15000 լեգո մոդելներ:
Legoland Dubai-ի և Legoland Waterpark-ի մեկօրյա այցելությունը կարժենա համապատասխանաբար 295 և 245 դիրհամ:
|
հեղինակ` Travel News |
 |
Վերջին տարիներին Իսպանիան նկատում է բյուջետային զբոսաշրջիկների զգալի աճ, ովքեր երկիր ժամանելիս ծախսում են որքան հնարավոր է քիչ գումար: Նման տվյալներ հրապարակել են Exceltur-ի վերլուծաբանները:
Արտասահմանցի զբոսաշրջիկների միջին ծախսերը Ւսպանիայում վերջին 15 տարիների ընթացքում կրճատվել են մինչև 1000 եվրո մեկ զբոսաշրջիկի հաշվով և այժմ կազմում են 700000 եվրո:
Բացի դրանից, վերջին տարիներին զգալիորեն ավելացել է բյուջետային ավիաընկերություններով ճանապարհորդող զբոսաշրջիկների թիվը: Այժմ զբոսաշրջիկների կեսը նախընտրում են լոուքոսթերներ:
Իսպանական տուրշուկայի ներկայացուցիչները նշել են, որ ավելին ծախսել ցանկացող զբոսաշրջիկների հույսը ունեն:
|
հեղինակ` Travel News |
 |
2015թ.-ի դեկտեմբերից սկսած Ռուսաստանի տարածքում ոչ մի տուրփաթեթ չի վաճառվել դեպի Թուրքիա: Այս մասին հաղորդել է Ռոսպոտրեբնադզորի մամլո ծառայությունը:
Խախտումներ գտնելու նպատակով վարչությունը զբաղվել է տուրօպերատորների և տուրգործակալությունների կայքերի ակտիվ մոնիթորինգով:
Թուրքիայում հանգստանալու արգելքից ամենամեծ վնասը կրելու է Անթալիան: Կորուստը կարող է հասնել 9 մլրդ դոլարի:
Ռուսներից բացի, Թուրքիայում հանսգտանալուց հրաժարվում են նաև եվրոպացի զբոսաշրջիկները: Զգալիորեն կրճատել են իրենց ծրագրերը, մասնավորապես, բրիտանական տուրօպերատորները:
|
հեղինակ` Travel News |
 |
Վրացի գործարար Թեմուր Չկոնիան նախատեսում է Հայաստանում McDonald’s ռեստորանների ցանց բացել:
Այդ մասին Չկոնիան հայտնել է «Սպուտնիկ» ռադիոկայանին: Նա նշել է, որ հարցը քննարկվելու է ապրիլին՝ Օրլանդոյում McDonald's ընկերության ղեկավարների հավաքին, ու կարծիք է հայտնել, որ լուծումը դրական կլինի:
Առաջին ռեստորանը բացվելու է Երևանում, այնուհետև կետեր կբացվեն այլ քաղաքներում: Նախատեսվում է բացել ութ ռեստորան, որտեղ կաշխատեն մոտ հազար մարդ: Չկոնիան նշել է նաև, որ ռեստորանների ցանցը հայկական գյուղամթերք է գնելու:
|
հեղինակ` Travel News |
 |
Այս մասին այսօր ԱԺ-ում հայտարարել է ֆինանսների փոխնախարար Վախթանգ Միրումյանը:
Նրա խոսքով, այդ ընթացքում օտարերկրացիների կողմից կատարվել են 5114 անձնական օգտագործման ապրանքների գնումներ, որոնց դեպքում օտարերկրացիներին վերադարձվում է ավելացված արժեքի հարկը: Ընդհանուր առմամբ վերադարձվել է 600 մլն դրամի ավելացված արժեքի հարկ:
ԱԱՀ-ն վերադարձվում է պայմանով, որ օտարերկրացիները դուրս բերեն ձեռք բերած ապրանքը: Ավելացված արժեքի հարկի վերադարձը չի տարածվում 100 հազար դրամից պակաս ապրանքների, ինչպես նաև ծխախոտի և դեղերի վրա:
|
հեղինակ` Travel News |
 |
Արգենտինայում զբոսաշրջիկները օգնություն ցուցաբերելու փոխարեն ցանկացել են լուսանկարվել Ատլանտյան լողափ ընկած դելֆինի հետ, ինչի արդյունքում դելֆինը մահացել է:
Հազվագյուտ տեսակի դելֆինը (Pontoporia blainvillei) հայտնվել է Սանտա Թերեզիտա (Santa Teresita) քաղաքի լողափ և գրավել է հանգստացողների ուշադրությունը, ովքեր նրան հետ ուղարկելու փոխարեն սկսել են լուսանկարվել դելֆինի հետ: Դելֆինը մահացել է գերտաքացման և ջրազրկման հետևանքով: Սակայն դա չի հանգստացրել հանգստացողներին, ովքեր սկսել են լուսանկարվել արդեն մահացած դելֆինի հետ:
|
հեղինակ` Travel News |
 |
Վրաստանի Զբոսաշրջության ազգային վարչությունից հայտարարել են, որ նպատակադրված են երկրում զարգացնել all inclusive համակարգը:
Վրաստանի հանգստավայրերում «ամեն ինչ ներառված է» համակարգի զարգացման միջոցները կիրառվելու են երկրում արտասահմանյան տուրհոսքի աճի համար:
Վրացական իշխանությունների կարծիքով, այս պահի դրությամբ «ամեն ինչ ներառված է» համակարգով աշխատող հյուրանոցների թիվը երկրում շատ քիչ է: Ենթադրվում է, որ համակարգի զարգացման շնորհիվ Եգիպտոսում և Թուրքիայում այլևս չհանգստացող ռուս զբոսաշրջիկները կսկսեն այցելել Վրաստան:
Նշենք, որ այժմ Վրաստան այցելող զբոսաշրջիկների թվով առաջին տեղում է Հայաստանը, այնուհետև գալիս են Ադրբեջանը, Թուրքիան և Ռուսաստանը:
|
հեղինակ` Travel News |
 |
Ամերիկյան մարքեթինգային Fractl գործակալությունը ուսումնասիրել է Twitter ցանցում 70 ավիաընկերությունների մասին թողած 1.3մլն հաղորդագրություններ և առանձնացրել է այն ավիաընկերությունները, որոնք ամենից շատն են ենթարկվել քննադատության:
Բողոքներն առաջին հերթին վերաբերել են չվերթի հետաձգմանը և չեղյալ հայտարարմանը, ինչպես նաև ուղեբեռի անհետացմանը: Ուղևորները բողոքել են անհարմար աթոռներից և, անգամ, վատ եղանակից:
Չնայած նրան, որ սոցկայքի հաղորդագրությունները լիակատար օբյեկտիվ լինել չեն կարող, այնուամենայնիվ այն ցույց է տվել, թե որ ավիաընկերություններն են ամենաշատը բարկացնում ուղևորներին:
Ցուցակը գլխավորել են ամերիկյան երեք ավիաընկերություններ՝ Spirit Airlines, Fronter Airlines և American Airlines:
Ամենաատելի ավիաընկերությունների ցանկում են հայտնվել նաև ամերիկյան Delta Air Lines և Allegiant Air, ֆիլիպինյան Cebu Pacific, մեքսիկական VivaAerobus, ավստրալիական Jetstar Airways, հունգարական Wizz Air ավիաընկերությունները:
|
հեղինակ` Travel News |
 |
Զբոսաշրջիկներն Իսպանիայում կկարողանան ավելի արագ ստանալ Tax Free-ն իրենց բանկային քարտերի վրա: Նման հարմարավետությունը ստեղծվել է վերադարձման նոր համակարգի թողարկման շնորհիվ:
Նորարարությունը վերաբերում է առաջին հերթին այն զբոսաշրջիկներին, ովքեր Իսպանիա են եկել ԵՄ անդամ երկրներից:
Այսպես, եթե նախկինում անհրաժեշտ էր մաքսակետն անցնելիս տեղադրել կնիք, որից հետո վերադարձնել ավելացված արժեքի հարկը, ապա այժմ Tax Free-ն կվերադարձվի քարտի վրա վճարումից անմիջապես հետո:
Global Blue ընկերության գլխավոր տնօրեն սենյոր Լուիս Լորկայի կարծիքով ԱԱՀ-ի արագ վերադարձը նպաստելու է զբոսաշրջային շոպինգի զարգացմանը, և Tax Free-ի արագ վերադարձման արդյունքում զբոսաշրջիկներն Իսպանիայում ծախսելու են 15 %-ով ավելի շատ գումար:
|
հեղինակ` Travel News |
 |
15 տարվա նախապատրաստական աշխատանքներից հետո Կորսե-Սյուր-Վեվե գյուղում, Չարլի Չապլինի նախկին տանը բացվելու է թանգարան, որը նվիրված է դերասանի կյանքին և ստեղծագործությանը:
Կորսե-Սյուր-Վեվե գյուղում «Չապլինի աշխարհ» թանգարանի բացումը տեղի կունենա դերասանի ծննդյան 127-րդ ամյակի հաջորդ օրը՝ ապրիլի 17-ին:
Կյանքի վերջին 25 տարիները Չապլինն անցկացրել է Շվեյցարիայում, Ժնևյան լճի ափին գտնվող մեծ տանը: Այս առանձնատունը դառնալու է թանգարանի մի մասը, գրում է The Local պարբերականը:
|
հեղինակ` Travel News |
 |
Դանիական Օլբորգ քաղաքը Եվրոպական հանձնաժողովի հետազոտության արդյունքում ստացել է Եվրոպայի ամենաերջանիկ քաղաքի տիտղոսը:
Աշխատանքի արդյունքում մասնագետները հանգել են այն եզրակացության, որ սկանդինավյան քաղաքի բնակիչների 72 %-ը շատ գոհ է իր կյանքից, իսկ 24 %-ը բավարարված է:
Բացի դրանից, Օլբորգի բնակիչների 95 %-ը իրեն անվտանգ է զգում հայրենի քաղաքում: Դա լավագույն ցուցանիշն է ողջ Եվրոպայում: Երջանկության և անվտանգության մակարդակով երկրորդ քաղաքը Կոպենհագենն է:
Ամենաերջանիկ քաղաքների հնգյակի մեջ են նաև Ռեյկյավիկը, Գրացը և Ցյուրիխը:
|
հեղինակ` Travel News |
 |
Այսօր փետրվարի 21-ն է: Աշխարհի շատ երկրներում այսօր տոնում են Էքսկուրսավարների համաշխարհային օրը:
Այս մասնագիտությունը կարծես թե ստեղծվել է միջազգային հարաբերությունները զարգացնելու նպատակով: Այն ժամանակ, երբ մարդիկ սկսեցին ակտիվ ճանապարհորդել, այցելել տարբեր քաղաքներ և երկրներ, նրանք սկսեցին զգալ պրոֆեսիոնալ էքսկուրսավարների կարիք:
Դեռևս նախորդ դարի կեսին յուրաքանչյուր կրթված մարդ, ով ծանոթ էր այս կամ այն քաղաքի պատմությանը, կարող էր դառնալ էքսկուրսավար: Սակայն 1970-ական թթ.-ից սկսած փորձառու էքսկուրսավարների պահանջարկը ավելացավ, էքսկուրսավար սկսեցին անվանել միայն հատուկ պատրաստվածություն անցածներին:
Այժմ էքսկուրսավարները կրթված մարդիկ են, ովքեր մասնագիտական նյութերից բացի տիրապետում են փիլիսոփայության, հոգեբանության գիտելիքներին և ճկուն խոսքի հմտությանը:
Սիրելի էքսկուրսավարներ, Trip2 տուրիստական կատալոգի աշխատակիցները շնորհավորում են ձեր տոնը և մաղթում նորանոր նվաճումներ տուրիզմի բնագավառում:
|
հեղինակ` Travel News |
Առանց վիզայի երկրներ Հայաստանի քաղաքացիների համար ... | 59187
Туры в Египет из Армении ... | 44696
«ԳԼՈԲՈՒՍ ՏՈՒՐՍ» ՏՈՒՐԻՍՏԱԿԱՆ ԳՈՐԾԱԿԱԼՈՒԹՅՈՒՆ " ... | 23988
Ինչ է չարթերային թռիչքը ... | 18910
Հյուրանոցային համարների գաղտնիքները: Ի՞նչ են թաքցն ... | 17403Туры в Дубай из Армении, Ереван-Дубай, Объединённы ... | 15367
Մալդիվյան կղզիներ. 9 օր / Maldivyan kxziner / ... | 15126
«ՀԱՆՔԱՎԱՆԻ ԽՈՏՈՐՋՈՒՐ ԱՌՈՂՋԱՐԱՆ» "HANKAVANI K ... | 14715
Ինչպես գտնել էժան ավիատոմսեր ... | 13950
Սոց փաթեթներ ... | 13224
Ուղևորություն դեպի Դուբայ >>> ... | 12261
Ընտանեկան փաթեթ դեպի Հունաստան - ԿՐԵՏԵ կղզի / Երև ... | 10678
Մատչելի հանգիստ Դուբայում - Matcheli hangist Dubay ... | 10551
Varvox patetner depi EGIPTOS ... | 10539
«ԳՈ ԹՐԵՎԼ» ՏՈՒՐԻՍՏԱԿԱՆ ԸՆԿԵՐՈՒԹՅՈՒՆ "GO TRAVE ... | 10265| . Պատահական հայտարարությունների ընտրանի |
