տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
|
Հոսթել ինքնաթիռում |
|
Հոսթելը փոքրիկ հյուրանոց է, որը տարբերվում է նրանով, որ այստեղ համարները նախատեսվում են 2-16 հյուրի համար:
Սովորաբար դրանք մատչելի են և ընդունում են երիտասարդներին և ուսանողներին: Ամենից շատ հոսթելներ առկա են եվրոպական քաղաքներում: Խոհանոցը և լոգասենյակը սովորաբար ընդհանուր են: Հոսթելը հիանալի ընտրություն է ոչ թանկարժեք ճանապարհորդությունների և նրանց համար, ովքեր սիրում են ծանոթանալ մարդկանց հետ: Հոսթելները կարող են լինել սովորական կամ արտասովոր: Մեր այսօրվա հերոս Jumbo Stay հոսթելը արտասովոր է նրանով, որ կառուցված է ինքնաթիռի մեջ կամ ինքնաթիռից: Այն գտնվում է Ստոկհոլմի Arlanda Flygplats օդանավակայանի հարևանությամբ: JumboStay-ը կառուցել են Բոինգ 747-200 ինքնաթիռից, որը արտադրվել է 1976թ.-ին Սինգապուրյան ավիաուղիների համար, իսկ ավելի ուշ օգտագործվել է շվեդական Transjet ավիաընկերության կողմից: 2007թ.-ին քաղաքի իշխանությունները թույլատրեցին տարածքում շինարարություն կատարել: Օդանավը լվացին, ներկեցին, ձևափոխեցին ինտերիերը, ավելացրեցին ջեռուցման համակարգը և կատարեցին մնացած ամեն ինչը, ինչ անհրաժեշտ էր նորմալ կյանքի համար: 2008թ.-ին շինարարությունն ավարտվել է և հոսթելը իր դուռն է բացել բոլորի առջև: Հոսթելն ունի 27 համար և ընդհանուր առմամբ 76 մահճակալ: Սենյակի միջին մակերեսը 6 քմ է: Առաջարկվող սենյակներից մեկը օդաչուի սենյակն է, որտեղից բացվում է գեղեցիկ տեսարան դեպի օդանավակայան և երկինք: Մնացած համարները նախատեսված են 1-4 հոգու համար և գտնվում են ինքնաթիռի տարբեր հատվածներում: Բոլոր սենյակներում առկա է հեռուստացույց, ինտերնետ և որոշներում՝ լոգասենյակ: Ինչ մնում է գնին, ապա այն տատանվում է 58-479$-ի սահմաններում: |
||
Գրանցվեք կամ մուտք գործեք համակարգ՝ այս հեղինակին հաղորդագրություն ուղարկելու, հայտարարությունը բողոքելու, տարածելու, հիշելու և այլ հնարավորություններ ստանալու համար |
||
. Պատահական հայտարարությունների ընտրանի |