տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
 |
Օրերս չինական China Southern Airlines ավիաընկերության օդանավում ծիծաղելի դեպք է պատահել: Ինքնաթիռը պատրաստվել է թռիչքի, երբ ուղևորուհիներից մեկը ցանկացել է գնալ զուգարան:
Չինաստանի 50-ամյա քաղաքացուհու համար այս չվերթը առաջինն էր կյանքում, և զուգարան հասնելու ճանապարհին կինը շփոթել է դռները և պատահաբար միացրել է փչովի կամրջակի մեխանիզմը:
Ենթադրելի էր, որ ինքնաթիռը ոչ մի տեղ չի մեկնել, ուղևորները վերադարձել են օդանավակայան, իսկ աշխատակիցները փորձել են շտկել առաջացած թերությունները:
Երկու ժամ անց, երբ կամրջակը հավաքվել էր, ինքնաթիռը այնուամենայնիվ կատարեց թռիչքը: Սակայն միջադեպի հեղինակ կինը չի կարողացել կատարել իր առաջին թռիչքը: Նրան թողել են ոստիկանության բաժանմունքում հարցաքննման նպատակով:
|
հեղինակ` Travel News |
 |
Թագավորական ազգային պարկի վարչակազմը ներմուծել է նոր տուգանք այն զբոսաշրջիկների համար, ովքեր «Հարսանեկան տորթ» լեռան վրա սելֆի են կատարում:
Չնայած սելֆիներ կատարել արգելող նախազգուշացնող նշաններին՝ զբոսաշրջիկները շարունակում են խախտել կանոնները առանց վախենալու, որ պլատֆորմը կայուն չէ և կարող է յուրաքանչյուր պահի փլուզվել:
|
հեղինակ` Travel News |
 |
Խորվաթիայի նորարարների երիտասարդ խումբը ներկայացրել է աշխարհում առաջին շարժական հոսթելը, որը ստացել է Nearby Hostel անվանումը:
Հոսթելն իրենից ներկայացնում է 30 մետր երկարություն ունեցող կառուցվածք, որը կարող է մեծանալ երեք անգամ:
Հոսթելում ծրագրված են 26 հոգու համար նախատեսված 9 համարներ: Բացի դրանից, հոսթելն ունենալու է 4 սանհանգույց: Բոլոր համարներն ունենալու են անվճար WI-FI:
Նախագծի հեղինակներ Միխովիլ Գրգուրիչը և Թին Վիդովիչը ստեղծել են հոսթելը սեփական փորձի հիման վրա:
|
հեղինակ` Travel News |
 |
Դուբայի իշխանությունները պարտավորեցնելու են քաղաքի օդանավակայան ժամանող ուղևորներին վճարել սպասարկման գումար, հաղորդում է The Wall Street Journal պարբերականը: Վճարը կազմելու է 35 դիրհամ ($9) և գնի մեջ է ներառվելու հունիսի 30-ից սկսած:
Հարկը չի վերաբերում աշխատակիցներին, ուղևորներին, ովքեր տրանզիտի ժամանակ դուրս չեն եկել ինքնաթիռից, և մինչև երկու տարեկան երեխաներին:
Նորարարությունը կարող է յուրաքանչյուր տարի Դուբային բերել 743 մլն դոլարի եկամուտ:
«Որոշումը կայացվել է նրա համար, որպեսզի բարելավվի Դուբայի օդանավակայանի ենթակառուցվածքը և մեծացվի ուղևորաշրջանառությունը», - նշել է Դուբայի արքայազն Համդան բին Մոհամեդ բին Ռաշիդ ալ Մակտումը:
|
հեղինակ` Travel News |
 |
Օրերս ՄԱԿ-ի կրթության, գիտության և մշակույթի հարցերով զբաղվող ՅՈւՆԵՍԿՕ-ն բրիտանական Մեն կղզուն շնորհել է պահպանվող բնական արգելոցի կարգավիճակ: Նման կարգավիճակ կղզին ստացել է իր գեղեցկության, վայրի բնության և ջրային կենդանիների շնորհիվ:
Շրջակա միջավայրի և գյուղատնտեսության նախարար Ռիչարդ Ռոնանը նշել է, որ կարգավիճակի շնորհումը կփոխի կղզու կյանքի որակը: Բացի դրանից, նախարարը հուսով է, որ նոր կարգավիճակը ամբողջ աշխարհով կտարածի, որ կղզին հիանալի վայր է ճանապարհորդության, կյանքի, աշխատանքի և բիզնեսի համար:
Աշխարհում այսօրվա դրությամբ հաշվվում է 669 բնական արգելոց, որոնք գտնվում են 120 երկրների տարածքում: Մեծ Բրիտանիայում Մենից բացի այս ցանկում են ներառված Biosffer Dyfi արգելոցը Ուելսում և Լոհ-Դրուիդիբեգը Շոտլանդիայում:
|
հեղինակ` Travel News |
 |
Ապրիլի 1-ից սկսած Մեծ Բրիտանիան կրկին բարձրացնում է ավիացիոն հարկը Air Passenger Duty-ի (APD) ուղևորների համար:
Բրիտանիան առաջին անգամ ներկայացրել է Air Passenger Duty-ն 1994թ.-ին, երբ Անգլիայի օդանավակայանից թռչող ուղևորներից սկսեցին վերցնել 5 ֆունթ գումար կարճատև ուղևորությունների համար և 10 ֆունթ երկարատև ուղևորությունների համար: Սակայն այս տարի APD-ն հասնելու է 73 ֆունթի, որը գանձվելու է յուրաքանչյուր ուղևորից, ով կգնի էկոնոմ կարգի տոմս, իսկ մյուս կարգերի համար գումարը կհասնի 146 ֆունթի:
Իսկ 19 և ավելի քիչ ուղևոր փոխադրող ինքնաթիռների հարկը կազմելու է 438 ֆունթ, հաղորդում է skyscanner-ը:
|
հեղինակ` Travel News |
 |
«Նովռուզի առթիվ մեկ շաբաթվա ընթացքում 25 հազար իրանցի է այցելել Հայաստան»,-այդ մասին իրանական «ԻՌՆԱ» լրատվական գործակալության փոխանցմամբ՝ տեղեկացրել է Արևելյան Ատրպատական նահանգի Տրանսպորտի և անցակետերի հարցերի կազմակերպության տնօրեն Դարյուշ Բաղեր Ջավանը:
Մարտի 19-26-ն ընկած ժամանակահատվածում հայ-իրանական սահմանի Նորդուզ անցակետը հատել է 25 հազար իրանցի:
Նախորդ տարվա նույն ժամանակահատվածում Իրանից Հայաստան է մուտք գործել 16 հազար 500 քաղաքացի:
|
հեղինակ` Travel News |
 |
Ամառային թեժ սեզոնին ընդառաջ իսպանական Բալեարյան կղզիների իշխանությունները ընդունել են զբոսաշրջիկների համար ոչ նպաստավոր որոշում: 2016թ.-ի հուլիսի 1-ից Մայորկայում, Իբիցայում հանգստանալ ցանկացողները ստիպված կլինեն մուծել հավելյալ գումար:
Էկոհարկի արժեքը կախված է լինելու սեզոնից և 15 տարին լրացած յուրաքանչյուր զբոսաշրջիկի համար կազմելու է 0.25-2 եվրո: Ամենաբարձր հարկը պետք է վճարել մայիս-հոկտեմբեր ամիսներին՝ 2 եվրո: Մինչդեռ հոսթելներում տեղակայված զբոսաշրջիկները պետք է վճարեն ընդամենը 0.5 եվրո: Հարկի չափը կնվազի, եթե զբոսաշրջիկը պատրաստվում է հանգստանալ 8 օրից ավելի:
Սպասվում է, որ այս հարկի շնորհիվ Բալեարյան կղզիների բյուջեն մեկ տարում կավելանա 50 մլն եվրոյով: Այդ գումարն ուղղվելու է շրջակա միջավայրի պահպանությանը և արշիպելագում զբոսաշրջության զարգացմանը:
|
հեղինակ` Travel News |
 |
Չինական Հույլին քաղաքում տասնյակ զբոսաշրջիկներ ներխուժեն են բանտի տարածք, որպեսզի նկարվեն ծաղկած դեղձենու ֆոնի վրա:
Ծաղկած դեղձենիներն այնքան գեղեցիկ էին սելֆիի սիրահարների համար, որ նրանց չեն կանգնեցրել անգամ անվտանգության աշխատակիցների հորդորները:
Վարչակազմը հաղորդում է, որ օտարների մուտքը բանտի տարածք խաթարել է նրա օրակարգը:
Մինչդեռ սելֆիի սիրահարները շարունակում են խախտել կանոնակարգը: Զբոսաշրջիկների մի մասը փորձում է կաշառել պահակներին, որպեսզի հայտնվեն բանտի բակում:
Բանն այն է, որ մինչ վերջերս բոլորին թույլատրվում էր մտնել բանտի այգի, սակայն դա փակվեց հենց զբոսաշրջիկների մեծ քանակության պատճառով: Միայն երկու ամսում այգի են այցելել ավելի քան 10.000 զբոսաշրջիկ, ինչը հանգեցրել էր շրջակա միջավայրի աղտոտմանը, խոտածածկույթի քայքայմանը:
|
հեղինակ` Travel News |
 |
Ծագող արևի երկրում զբոսաշրջային իշխանություններին օգնության են գալիս վերապատրաստված սևազգեստ նինձյաները:
Այթի պրեֆեկտուրան հայտարարել է վեց նինձյայի փնտրման մասին, ովքեր ըստ ենթադրության տարածաշրջան են գրավելու մեծ քանակությամբ զբոսաշրջիկներ:
Նինձյաները պետք է այցելեն մարդաշատ բազմաթիվ միջոցառումներ, որտեղ ցուցադրելու են իրենց ունակությունները զենքերի և ակրոբատիկայի տեսանկյունից, ինչպես նաև լուսանկարվելու են զբոսաշրջիկների հետ:
Ընդունելության հաջող հարցազրույց անցնելուց հետո նինձյաները անցնելու են մեկամսյա դասընթացներ:
Ուսուցումից հետո անվախ հերոսները զբաղվելու են զբոսաշրջիկներին զբաղեցնելով: Նինձյաները վաստակելու են 1600 դոլար:
|
հեղինակ` Travel News |
 |
Շնչառությունը պահելու աշխարհի քառակի չեմպիոն Պիեր Ֆրոլան կազմակերպել է հարսանիք ջրի տակ: Արարողությունը տեղի է ունեցել Լավրոտտո լողափի շրջանում:
Սիրահարները, ինչպես նաև տոնակատարության հյուրերը ապահովված էին անհրաժեշտ տեխնիկայով: Արարողության ժամանակ նաև ներկա են գտնվել ստորջրյա լողի մասնագետները: Փեսացուի ամուսնական առաջարկը հնչել է ջրի տակ, իսկ մատանին թաքցվել է խեցու մեջ:
Ստորջրյա ամուսնության արարողությունը նկարահանվել է տեսախցիկով, որը մոնտաժվել է և փոխանցվել նորապսակներին հարսանիքից մի քանի ժամ անց:
|
հեղինակ` Travel News |
 |
Բարսելոնայի փողոցներում զբոսնող ճանապարհորդները այժմ պետք է զգուշանան… ոստիկաններից: Քաղաքում այժմ հայտնվել է խաբեբաների խումբ, ովքեր ներկայանում են որպես իրավապահ մարմինների աշխատակիցներ:
Ամենից հաճախ որսի են դուրս գալիս 3 հոգի, որից երկուսը ոստիկան են ձևանում, իսկ երրորդը՝ զբոսաշրջիկ, ով ներկայանում է որպես խայծ զոհի համար, ում հետ սկսում է զրուցել: Թմրանյութերի և կեղծ թղթադրամների առկայությունը ստուգող "ոստիկանները" պահանջում են ներկայացնել դրամապանակը, որից հետո վերցնում են այն և անհետանում, արդյունքում ճանապարհորդը մնում է առանց գումարի, երբեմն էլ առանց փաստաթղթերի:
Հատկապես ուշադիր պետք է լինել զբոսաշրջային թաղամասերում, որոնք հեռու են ոստիկանական բաժանմունքներից:
|
հեղինակ` Travel News |
 |
Դիզայներ Պյոտր Բակոշը Պրահայի Harddecore Gallery-ի հարևանությամբ կառուցել է հյուրանոց կենդանիների համար:
Հետևել, թե ինչպես են հանգստանում կենդանիներն իրենց հարմարավետ դիզայներական երկսենյականոց համարներում կարելի է Slow TV-ի օնլայն համակարգում:
Հյուրերի համար կենդանիներից վճար չեն գանձելու:
Հյուրանոցը գտնվում է գեղատեսիլ վայրում՝ Պրահայի համալսարանի Կարլովի բուսաբանական այգում: Մի փոքր հեռավորության վրա են գտնվում կերակրատաշտերը, այգին և Վլտավա գետը: Երկու համարներում էլ տեղադրված է տեսախցիկ, որոնցից մեկը տեղակայված է առաստաղի վրա, մյուսը՝ պատին:
Սենյակների պատերը զարդարված են դիզայներական պաստառներով:
|
հեղինակ` Travel News |
 |
Բրիտանական Post Office ընկերությունը թողարկել է ամենամյա City Costs Barometer-ը, որում գնահատել է Եվրոպայում գնի տեսակետից լավագույն քաղաքները հանգստանալու համար:
Հաշվարկի մեջ ներառվել են 2-3 օրվա հանգիստ 3 աստղանի հյուրանոցում, սնունդ, ըմպելիքներ, էքսկուրսիաներ: Վիճակագրության առաջատարն է դարձել Վարշավան, որտեղ ուիքենդը կարժենա 113,22 ֆունթ:
Երկրորդ հորիզոնականում է Վիլնյուսը: Լիտվայի մայրաքաղաքում նմանատիպ հանգիստը կարժենա 114,93 ֆունթ, իսկ երրորդ հորիզոնականում է Արևելյան Եվրոպայի ևս մեկ մայրաքաղաք` Բուդապեշտը, որտեղ կարելի է ծախսել 122,99 ֆունթ:
Ինչ վերաբերում է Եվրոպայի ամենաթանկարժեք մայրաքաղաքին, ապա այստեղ առաջատարության դափնին շնորհվել է Ստոկհոլմին, որտեղ երկու օրվա հանգիստը կարժենա 325,44 ֆունթ՝ Վարշավայում հանգստից գրեթե երեք անգամ թանկ:
|
հեղինակ` Travel News |
 |
Աշխարհի մեծագույն կորալյան խութը՝ Կորալյան Մեծ Արգելախութը սկսում է գունազրկվել: Կորալները կորցնում են իրենց գունագեղությունը, ինչը վատ նշան է, տեղեկացրել է Ավստրալիայի Շրջակա միջավայրի նախարար Գրեգ Հանտը:
«Խութն ունի 2300 կմ երկարություն և նրա պարունակության երեք չորրորդը լավ վիճակում է, սակայն հաշվի առնելով այն փաստը, որ մենք շարժվում ենք հյուսիս, այն դառնում է ավելի գունազուրկ»,-հայտարարել է նախարարը: Նախարարն ավելացրել է, որ Ավստրալիայի իշխանությունը միջոցներ է տրամադրում Կորալյան Մեծ Արգելախութի 40 տեղամասերի ուսումնասիրման համար:
Կորալների գունազրկումը ուղեկցվում է կորալների քայքայման պրոցեսով, ինչն իր հերթին հանգեցնում է օվկիանոսների կենսաբանական բազմազանության նվազմանը:
Կորալների մահվան պատճառը կարող է լինել ծովային ջրերի միջին ջերմաստիճանի բարձրացումը, մարդկային գործունեությունը և ծովային կենդանիների կողմից կորալներով սնվելը:
|
հեղինակ` Travel News |
