տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
02.02.18
IZI.TRAVEL առցանց հարթակում ստեղծվել է "Շրջայց Երևանի թանգարաններով" / "Tour in Yerevan museums" խորագրով աուդիոպատմությունը:
Հարթակի մասին այսօր պատմում են ծրագրի համահեղինակներ Արուսյակ Ղազարյանը (Ե. Չարենցի անվ. գրականության և արվեստի թանգարան, ավագ գիտաշխատող) և Մարիաննա Մանուչարյանը (Խ. Աբովյանի անվ. հայկական պետական մանկավարժական համալսարանի թանգարան, ավագ գիտաշխատող):
- Առցանց հարթակում Հայաստանի և, մասնավորապես, Երևանի թանգարանների մասին մեկ ընդհանուր համապարփակ տեղեկատվության բացակայությունը նման ծրագիր ստեղծելու գաղափար ծնեց:
"Շրջայց Երևանի թանգարաններով" / "Tour in Yerevan museums" խորագրով աուդիոպատմությունը հնարավորություն է տալիս սմարթֆոններում անվճար ներբեռնելով izi.TRAVEL ծրագիրը` հայերեն, անգլերեն լեզուներով ամբողջական տեղեկատվություն ստանալ Երևանում գործող թանգարանների վերաբերյալ:
Ծրագիրը ստեղծվել է կամավորության սկզբունքով՝ առանց որևէ նյութական ակնկալիքի:
Հավելվածը հասանելի է բոլորի համար և անվճար է: Ծրագրի իրականացմանը աջակցել են Թանգարանների միջազգային խորհուրդի Հայաստանի ազգային կոմիտեն /ԻԿՕՄ/ և IZI. TRAVEL-ը:
"Շրջայց Երևանի թանգարաններով" աուդիոպատմությունը նախատեսված է այն մարդկանց համար, ովքեր հետաքրքրվում են թանգարաններով և թանգարանային մշակույթով: Հատկապես թիրախային խումբ կարելի է դիտարկել զբոսաշրջիկներին, որոնք մեկ հավելվածով կարող են տեղեկատվություն ստանալ երևանյան բոլոր թանգարանների վերաբերյալ:
Ներկայացվել են Երևանում գործող պետական բոլոր թանգարանները: Տեղեկատվության աղբյուր են հանդիսացել թանգարանների պաշտոնական կայքէջերը:
Հավելվածը գործում է հայերեն և անգլերեն լեզուներով, սակայն IZI. TRAVEL հարթակում հնարավոր է 60 լեզվով ներկայացնել՝ ծրագիրը հասանելի դարձնելով աշխարհի 72 երկրում:
Ծրագիրն ունի զարգացման հեռանկար. նախատեսվում է ընդլայնել շրջանակները՝ ընդգրկելով Հայաստանի և Արցախի բոլոր թանգարանները:
Նյութը պատրաստեց Կ. Դավթյանը
. Պատահական հայտարարությունների ընտրանի |