Տիտանիկ-2-ը կանցնի այլ երթուղով

Կրուիզային Blue Star Line ընկերությունը հայտարարել է, որ "Տիտանիկ-2"՝ հայտնի Տիտանիկ նավի կրկնօրինակը իր առաջին կրուիզն իրականացնելու է 2018թ.-ին:

Ինչպես հաղորդում է Сruise Аrabia-ն, կրուիզի երթուղին փոխվել է: "Տիտանիկ-2"-ը ուղևորվելու է Չինաստանից Դուբայ:

Blue Star Line ընկերության սեփականատեր, ավստրալիացի մագնատ Կլիվ Պալմերը 2013թ.-ին տեղեկացրել է Տիտանիկ նավի կրկնօրինակը ստեղծելու իր մտադրությունների մասին:
Հայտարարվել էին նաև առաջին ուղևորության մասին որոշ տվյալներ: Հայտնի նավի կրկնօրինակը 2016թ.-ին սկսելու էր կրուիզը չինական նավահանգստից, սակայն օրերս պարզ դարձան ուղևորության նոր մանրամասներ: Կրուիզը սկսվելու է ոչ թե 2016թ.-ին, այլ 2018թ.-ին:

Շքեղ նավը չի կրկնելու իր նախորդի երթուղին և չի ուղևորվելու Սաութհեմպթոնից Նյու-Յորք: Դրա փոխարեն նավը ուղևորվելու է Ցզյանսից Դուբայ:
Պլանների փոփոխման պատճառը ողբերգության կրկնումից խուսափելը չէ, այլ Դուբայի բիզնեսմենների հետ կապերի ամրապնդման ցանկությունը:



* Թարգմանումն ու խմբագրումը կատարված է Trip2.am-ի կողմից: Հոդվածն ամբողջական կամ մասնակի արտատպելիս` սույն էջին հղվելը պարտադիր է: