տարեկան ենք
գրանցված օգտատեր
գրառում այս պահին
այցելու օրը
📢 Գրանցվեք, կամ մուտք գործեք համակարգ՝ - գրառումներ կատարելու - այլ գրառումների հեղինակներին հաղորդագրություն ուղարկելու - հայտարարությունը բողոքելու, տարածելու, հիշելու - այլ հնարավորություններ ստանալու համար:
 |
Յուրաքանչյուր տարի կրուիզ հանգիստ են մեկնում 30 միլիոնից ավել մարդ: Ընդ որում՝ կրուիզային զբոսաշրջությունների վաճառքի մեծ մասը (77%) ընկնում է ԱՄՆ-ի և Կանադայի բնակիչներին: Ամերիկացիները գնում են տարեկան մոտ 5 մլն ծովային շրջագայություն (համեմատության համար. Իսպանիայում տարեկան վաճառվում է 200 հազար, իսկ Ռուսաստանում՝ 20 հազար ծովային շրջագայություն):
Աշխարհի ամենաթանկը Seven Seas Explorer նավով ծովային շրջագայությունն է, որն արժե մոտավորապես 10.000$ մեկ գիշերվա համար մեկ մարդու հաշվով։ Այն աշխարհում ամենաշքեղ զբոսանավն է. ուղևորներին առաջարկում է հարմարավետութան և սպասարկման ամենաբարձր մակարդակը։
Viking Ocean Cruise ընկերությունը ռեկորդ է սահմանել մեկ ծովային շրջագայության ընթացքում այցելած երկրների քանակով։ 2019 թվականին Viking Sun-ը կատարել է շուրջերկրյա ճանապարհորդություն՝ այցելելով 59 երկիր 245 օրվա ընթացքում։
Աշխարհի ամենամեծ կրուիզային նավը Simphony of the Seas-ն է (պատկանում է Royal Caribbean International ընկերությանը)։ Նրա երկարությունը 362 մետր է, լայնությունը՝ 66 մետր, բարձրությունը՝ 72 մետր, տարողությունը՝ 228 հազար տոննա։
շարունակությունը կարդացեք կրուիզի մասին կայքում:
|
հեղինակ` admin |
 |
Ահա մի քանի խորհուրդ կրուիզային զբոսաշրջություններ մատչելի ամրագրման համար:
Վաղ ամրագրում
Վաղ ամրագրումը թույլ է տալիս օգտվել սեզոնային զեղչերից և ակցիաներից:
Լոյալության ծրագրին մասնակցություն
Դիտարկեք մասնակցությունը կոնկրետ կրուիզային ընկերության լոյալության ծրագրին: Դա կարող է ձեզ հասանելիություն ապահովել լրացուցիչ զեղչերին, անվճար ծառայություններին և արտոնություններին:
Ամրագրում սեզոնի երկրորդ կեսին
Կրուիզային զբոսաշրջություններ ամրագրեք սեզոնի երկրորդ կեսին, երբ պահանջարկն ավելի ցածր կարող է լինել, գները՝ առավել շահավետ։
Վերջին րոպեների որոնում
Որոշ կրուիզային ընկերություններ առաջարկում են շատ նվազ գներ քիչ մնացած ազատ նավախցերի համար մեկնումից կարճ ժամանակ առաջ...
շարունակությունը կարդացեք կրուիզի մասին կայքում:
|
հեղինակ` admin |
 |
Ըստ վիճակագրության՝ այժմ կրուիզային նավի ուղևորների ոչ ավել, քան 3%-ն են տառապում ծովային հիվանդությամբ՝ անգամ ուժեղ նավաճոճի դեպքում։
Ծովային կրուիզի բոլոր ուղերթները այնպես են գծվում, որպեսզի առավելագույնս նվազեցնեն փոթորիկի մեջ հայտնվելու հավանականությունը։
Բացի դրանից, բոլոր կրուիզային նավերն ունեն ծովաճոճի կայունացուցիչներ, որոնք ծովի անհանգստության զգացողությունը հասցնում են նվազագույնի։
Ահա մի քանի խորհուրդ, թե ինչպես մեղմել ծովաճոճը կրուիզների ժամանակ:
|
հեղինակ` admin |
 |
Ոչ ոք ձեզ չի վռնդի նավից։ Մինչ նավը կայանած է նավահանգստում՝ նավի ողջ ենթակառուցվածքն աշխատում է։
Բացի դրանից, կանգառների ժամանակ նշանակալիորեն նվազում են վճարովի ծառայությունների գները։ Օրինակ՝ զեղչերը սպայի և մերսումների համար կարող են հասնել մինչև 50%։
|
հեղինակ` admin |
 |
Կարելի է։ Դրա մասին պետք է նախապես զգուշացնել, որպեսզի կրուիզային նավի անձնակազմը և նավապետը տեղյակ լինեն։
Այդ միջոցառումը վճարովի է։
Սակայն ամուսնության վկայականը, որը ձեզ կտրամադրեն, կեղծ է համարվում, քանի որ ոչ մի իրավական ուժ չունի։
|
հեղինակ` admin |
 |
Ճիշտ է: Այդպիսի իրավունք է տալիս Մեծ Բրիտանիայի վիզային օրենսգիրքը:
Սակայն կա մի քանի պայման.
առաջին՝ ծովային կրուիզը չպետք է սկսվի և ավարտվի Մեծ Բրիտանիայում,
երկրորդ՝ կրուիզային նավը բրիտանական նավահանգստում 24 ժամից ավել չպետք է կայանի,
երրորդ՝ եթե բրիտանական նավահանգիստները մի քանիսն են, ապա ուղերթում չպետք է իրար հաջորդեն:
Սովորաբար վիզային գերատեսչության աշխատակիցները նավահանգստում նավ են բարձրանում և այնտեղ կնքում ուղևորների անձնագրերը:
|
հեղինակ` admin |
 |
Ծովային կռուիզ տանող նավերն ավելի հազվադեպ են խորտակվում, քան ընկնում են ինքնաթիռները։ Իսկ ինքնաթիռներն ավելի հազվադեպ են ընկնում, քան վթարներ են պատահում ճանապարհներին։
Ամեն օր օգտվում ենք մեքենայից կամ տրանսպորտից և անգամ չենք էլ մտածում՝ վտանգավոր է, թե ոչ։ Սակայն փաստը մնում է փաստ. կռուիզներ տանող զբոսանավը բոլոր տեսակի տրանսպորտային միջոցներից ամենաանվտանգներից է։
Ծովային նավերի կառուցման ժամանակ համաշխարհային...
շարունակությունը կարդացեք կրուիզի մասին կայքում:
|
հեղինակ` admin |
 |
Շատ ճանապարհորդների, հատկապես սկսնակների համար զբոսանավերով կրուիզը իրենից ներկայացնում է գրավիչ ծովային ճանապարհորդություն: Սակայն նման կրուիզը որոշ ճանապարհորդների կարող է հանգեցել ոչ թե հրճվանքի, այլ հիասթափության: Ինչպես ընտրել ծովային տուր, որ արդյունքում երկար սպասված ուղևորությունը և ռոմանտիկ ճանապարհորդությունը չհիասթափեցնի:
Ում համար և ինչու: Առաջինը, որ անհրաժեշտ է իմանալ ծովային ուղևորությունների մասին, այն է, որ նման ճանապարհորդությունները համապատասխանում են ոչ բոլորին: Եթե ձեր օրգանիզմը պատրաստ չէ հանդուրժել անընդհատ ճոճումը, ապա նման ուղևորությունը ձեզ համար նախատեսված չէ:
Ջրային տարածքներով կրուիզները կարող են հիասթափեցնել այն զբոսաշրջիկներին, ովքեր նախընտրում են ակտիվ հանգիստը և էքսկուրսիոն հագեցած ծրագիրը: Նման զբոսաշրջիկներին ավելի կհամապատասխանի ավտոմեքենայով ճանապարհորդությունը, որի ծրագիրը ենթադրում է բազմաթիվ երկրների և հետաքրքիր վայրերի այցելություն: Կրուիզային նավերով քաղաքում զբոսանքը սահմանափակված է: Ցամաքում գիշերել չի նախատեսվում, հետևաբար ջրային տարածքներով ճանապարհորդելիս արտառոց ոչինչ չեք տեսնի:
Կրուիզային նավով ճանապարհորդությունը պակաս հետաքրքիր կլինի սկսնակ զբոսաշրջիկների համար, ովքեր քիչ վայրեր են այցելել, իսկ ուղևորության ժամանակ ցանկանում են տեսնել տեսարժան շատ վայրեր: Ողջ իմաստը նրանում է, որ կրուիզային նավերը մտնում են միայն նավահանգստային քաղաքներ, որոնք ոչ միշտ են համարվում ամենահետաքրքիր նպատակակետը: Օրինակ կրուիզով Հնդկաստան մեկնելիս դուք կկարողանաք այցելել Գոա, սակայն դուք հնարավորություն չեք ունենա տեսնել աշխարհահռչակ Թաջ-Մահալը:
Հյուրանոց ծովային տարածությունում: Պարզ հասկանալի պատճառներով կրուիզային զբոսաշրջությունը տարբերվում է մյուս բոլոր ուղևորություններից նրանով, որ ուղևորությունը կարելի է համադրել հարմարավետ հանգստի հետ: Ի տարբերություն տրանսպորտի այլ տեսակների, կրուիզային նավն իրենից ներկայացնում է բավականին հարմարավետ հյուրանոց:
Ինչպես հյուրանոցները, կրուիզային նավերը ևս գնահատվում են աստղերի քանակով: Սակայն այստեղ գործում է որոշակի տարբերություն: Առաջին հերթին զբոսանավերի գնահատման միասնական չափորոշիչ գոյություն չունի: Շատ դեպքերում կրուիզային նավերի աստղայնությունը իրենից ներկայացնում է տուրօպերատորի սուբյեկտիվ գնահատական, չնայած նման գնահատականը հիմնված է այս բնագավառում տարիներ շարունակ աշխատող օպերատորի փորձառությամբ: Սրա հետ կապված ի տարբերություն հյուրանոցների կրուիզային նավի կարգը նշվում է 6 աստղով, այլ ոչ 5, ինչպես հյուրանոցներում:
Կրուիզային նավերում սպասարկման մակարդակը սովորաբար նշվում է սպասարկող անձնակազմի և ուղևորների քանակության համապատասխանությամբ: Այսպես լյուքս կարգի նավերում հարաբերությունը կազմում է 1:2 կամ 1:1,5: Այս ցուցանիշը հենց ցույց է տալի հարմարավետության մակարդակը և ուղևորների սպասարկումը:
Կրուիզային նավերում զբոսաշրջիկներին տեղակայում են խցիկներում, որոնք հագեցած են անհրաժեշտ բոլոր հարմարություններով: Որպես կանոն ընդունված է խցիկների չորս հիմնական խումբ.
1. Ներքին խցիկ առանց պատուհանի
2. Խցիկ պատուհանով և ծովի տեսարանով
3. Խցիկ պատշգամբով և ծովի տեսարանով
4. Լյուքս խցիկներ
Թվարկված տարբերակներից ներքին խցիկը կարելի է համարել ամենաբյուջետայինը և շահավետը: Այս տարբերակը անգամ կհամապատասխանի ուղևորներին, ովքեր տառապում են կլաուստրաֆոբիայով, քանզի ներքին խցիկները հագեցած են հայելիներով, որոնք կարծես թե լայնացնում են խցիկի տարածքը: Ներքին խցիկը համապատասխանում է նրանց, ովքեր փորձում են տնտեսել ճանապարհորդելիս, իսկ խցիկի տարածքի մեջ նրանք գերադասում են անցկացնել միայն գիշերային ժամանակահատվածը քնի համար:
Ներքին խցիկից պատուհանով խցիկը տարբերվում է նրանով, որ այն ունի բնական լուսավորություն, իսկ մնացած ամեն ինչը՝ խցիկի տարածքը և սպասարկվող ծառայությունները նույնն են: Սակայն, դրա հետ մեկտեղ պետք է հիշել, որ նման խցիկի արժեքը կարող է բարձրացնել ներքին փոստի գինը երկու անգամ: Եվս մեկ բան, դուք պետք է գիտենաք, որ խցիկի պատուհանը չի բացվում: Դրա հետ է կապված այն հանգամանքը, որ նման խցիկները գտնվում են տախտակամածի ստորին հատվածում, և բարձր ալիքներն ու ջրի շիթերը վտանգ չեն ներկայացնում:
Նրանց համար, ովքեր գերադասում են վայելել ջրային բուսականության հաճույքներով, կհամապատասխանեն պատշգամբով խցիկները: Կրուիզի ժամանակ նման խցիկ վերցնելով՝ դուք կկարողանաք հիանալ ծովային հորիզոններով և ընդունել արևային լոգանք առանց բարձրանալու վերին տախտակամած: Սակայն պետք է հիշել մեկ հանգամանք ևս՝ նման հաճույքը բավականին թանկ կարժենա:
Իսկ ամենապահանջկոտ հաճախորդների և ծանրակշիռ քսակ ունեցողների համար կհամատասխանի սյութ խցիկը: Իր մակերեսով այս խցիկը բոլորից մեծ է: Նման խցիկի կազմի մեջ է մտնում հյուրասենյակը, պատշգամբը, բացօթյա ճաշասենյակը: Նման խցիկները սովորաբար լինում են երկհարկանի: Նմանատիպ հարմարությունների հետ մեկտեղ նման խցիկները կարող են իրենց համարներում ներառել անգամ ջակուզիներ կամ անհատական լողավազան:
Նավերում նաև գործում են հատուկ տեսակի խցիկներ: Դրանք կարող են լինել խցիկներ մասնակիորեն պարսպապատված տեսարանով կամ դեպի զբոսնելու տախտակամած մուտք ունեցող խցիկներ: Երեխաների հետ ճանապարհորդողների համար կհամապատասխանեն խցիկներ, որոնք միմյանց հետ միացված են ներքին դռներով: Սակայն որպես կանոն նման խցիկները նավերում ընդամենը մի քանիսն են, այդ պատճառով դրանք ամրագրման մասին պետք է նախապես հոգ տանել:
Հարկ է նաև իմանալ այն մասին, որ խցիկների կարգը և արժեքը զգալիորեն տարբերվելու է կախված նավի տախտակամածից: Վերին տախտակամածում գտնվող խցիկները հարկ է համարել ավելի հարմարավետ, ինչպես նաև դրանք, որոնք տեղակայված են նավի կենտրոնին ավելի մոտ:
Կրուիզային նավերի և հյուրանոցների տարբերությունների մեջ կարելի է նշել այն փաստը, որ աստղերի հավասար քանակության դեպքում ձեզ կարող են առաջարկել ավելի բարձրորակ սպասարկում: Այսպես, օրինակ խցիկներում մաքրությունը անկախ դրա տեսակից օրը առնվազն մեկ անգամ տրամադրվում է:
Հարմարություններից բացի խցիկներում շատ կարևոր դեր է խաղում առաջարկվող զվարճանքների տեսականին: Քանզի ի տարբերություն սովորական հյուրանոցի դուք ստիպված եք ձեր ճանապարհորդության զգալի մասն անցկացնել նավի վրա բաց ծովում: Այդ պատճառով ձեր ժամանցի կազմակերպման մասին անհրաժեշտ է մտածել նախքան նավ բարձրանալը: Ի վերջո բոլոր զբոսանավերն ունեն իրենց զվարճանքի ծրագրերը:
Այսպես բարձր կարգի շատ նավերում ուղևորներին առաջարկում են սպորտային զվարճանքների լայն տեսականի՝ բասկետբոլային հարթակ, բռնցքամարտի ռինգ, մինի գոլֆի սրահ, ինչպես նաև ջրային ատրակցիոններով մի քանի լողավազաններ, սառույցի սահադաշտ և շատ ավելին: Անգամ ավելի ցածր կարգի նավերը, ինչպիսիք են Royal Caribbean-ը, իրենց հյուրերին առաջարկում են վազքի ճանապարհներ, ֆիթնես-կենտրոններ:
Եթե ձեզ հետաքրքիր են սպորտային զվարճանքները, ապա անհրաժեշտ է ձեր ուշադրությունը դարձնել նավերում զվարճանքի այլ հաստատությունների առկայությանը: Այսպես յուրաքանչյուր նավում պարտադիր առկա է խաղատուն, թատրոն, պարասրահ, տարբեր զվարճանքային տեսախաղերի սրահ: Այսպես օրինակ կրուիզային նման ընկերություն, ինչպիսին է Costa Crociere-ն, իր ուղևորների տրամադրությանն է ներկայացնում թատրոնի երկու-երեք սրահ: Սակայն թե ինչ են ներկայացնում այս թատրոններում, արդեն լիովին այլ հարց է:
Եվ վերջապես կրուիզային նավերի տախտակամածին տեղակայված են մեծ քանակությամբ ռեստորաններ, սրճարաններ, բարեր, համաշխարհային հանրահայտ ապրանքանիշների խանութներ և անմաքս առևտրի կենտրոններ:
Կրուիզային նավերում սնունդը մտնում է ուղևորության գնի մեջ, այդ պատճառով այստեղ կարելի է սնվել յուրաքանչյուր պահի: Բացառություն է կազմում հիմնական ռեստորանում ընթրիքը, որտեղ սեղանները դրվում են հստակ որոշված ժամում: Նաև նավերում գործում են այսպես կոչված այլընտրանքային ռեստորաններ յուրահատուկ ուտեստներով և սպասարկման ավելի բարձր մակարդակով: Ուտեստներն այստեղ պատրաստում են բարձրակարգ խոհանոցի չափանիշներով: Նման ռեստորանում սեղանն անհրաժեշտ է նախապես ամրագրել, իսկ նման ծառայությունը առանձին վճար է պահանջում:
Եթե դուք ուղևորվում եք կրուիզ հանգիստ երեխայի հետ, ապա նավերում մեծամասամբ պատրաստված են խաղասենյակներ երեխաների համար, որտեղ նրանք գտնվելու են հատուկ անձնակազմի հսկողության ներքո: Բացի դրանից նավերում ստեղծված են մանկական հատուկ լողավազաններ: Երեխաների համար նաև մշակված են զվարճանքի հատուկ ծրագրեր, որոնք նախատեսված են տարբեր տարիքի երեխաների համար:
Կրուիզի ուղղության ընտրություն:
Հասկանալի է, որ ուղղության ընտրությունը առաջին հերթին կախված է ոչ միայն ձեր ցանկությունից: Այն զբոսաշրջիկների համար, ում հետաքրքրում է պատմությունը և ճարտարապետությունը, ինչպես նաև այն զբոսաշրջիկների համար, ովքեր ցանկանում են ուղևորվել տնից հեռու, ավելի կհամապատասխանեն Միջերկրական ծովի երկայնքով կրուիզները: Նման կրուիզների երթուղին անցացվելու են այնպիսի երկրներով, ինչպիսիք են Հունաստանը, Իսպանիան, Իտալիան, Ֆրանսիան, Թունիսը, Բալկանյան երկրները: Շատ հաճախ նման կրուիզներն իրենց երթուղիների մեջ ներառում են Կանարյան կղզիների այցելությունը: Հյուսիսային տարածքների գեղեցկությամբ հիացողների համար համապատասխանում են Սկանդինավյան երկրներով կրուիզները:
Էկզոտիկայի սիրահարներին համապատասխանում են Կարիբյան արշիպելագով, ինչպես նաև Ասիա աշխարհամասի երկայնքով կրուիզները:
Հայտնի կրուիզների թվում կարելի է նշել Ալյասկայի, Ավստրալիայի և Նոր Զելանդիայի շրջակայքով երթուղիները: Երեխաների հետ հանգստացողների համար մշակված են Lego ոճով հատուկ երթուղիները, որոնք իրենցից ներկայացնում են զվարճանքի տարբեր այգիների և ատրակցիոնների այցելությունը:
Բացի դրանից մի շարք կրուիզային երթուղիներ իրենց հաճախորդներին առաջարկում են տուրիստական ոչ ստանդարտ զվարճություններ՝ տեսնել կետերին կամ դելֆիններին: Սովորաբար նման երթուղիները անցնում են Ավստրալիայի, Հարավային Աֆրիկայի, ԱՄՆ-ի և Աֆրիկայի հարավային հատվածի ափագծերի երկայնքով:
Նաև գործում են մի շարք կրուիզներ այնպիսի վայրերով, որոնք դժվար թե կարողանան այցելել ինքնուրույն, օրինակ Անտարկտիդա: Անտարկտիդայի կրուիզային երթուղին անցկացնում են Ասվտրալիայից, Արգենտինայից, Բրազիլիայից, Նոր Զելանդիայից և Չիլիից: Նման կրուիզները համապատասխանում են էքստրիմի սիրահարներին:
Երկիր մոլորակի հետ ծանոթանալ ցանկացող զբոսաշրջիկների համար մշակված է հատուկ շուրջերկրյա կրուիզ: Նմանատիպ հաճույքը բավականին թանկ արժե, և այն ճանապարհորդի վրա կարժենա մի քանի հազար դոլար և տևելու է 2-3 ամիս:
Կրուիզն ընտրելիս հարկ է գիտենալ նաև, որ մի շարք երկրներում գոյություն ունեն վիզային սահմանափակումներ: Մի շարք դեպքերում միջանկյալ երկրում մեկօրյա ժամանման համար վիզա չի պահանջվում: Վիզան պահանջվում է միայն մեկնման և ժամանման երկրի համար: Բացառություն են կազմում որոշ կղզի-պետություններ, ինչպես նաև Մեծ Բրիտանիայի անդրծովյան տարածքները: Կան նաև այնպիսի երկրներ, որոնք պահանջում են վիզա, անգամ եթե կրուիզային նավը գտնվում է նավահանգստում: Այն դեպքում, երբ կրուիզը անցնելու է Շենգենյան գոտու երկրներով, ձեզանից պահանջվելու է Շենգենյան մուլտի-վիզա:
Կրուիզները չի կարելի ներառել հանգստի սեզոնային տեսակին, որի հետ կապված ծովային ճանապարհորդության մեկնել կարելի է ամբողջ տարվա ընթացքում: Սակայն այնուամենայնիվ կախված ձեր ընտրած երթուղուց ուղևորության համար նախընտրելի կարելի է համարել այս կամ այն սեզոնը:
Կարիբյան ծովի ավազան և Հարավ-Արևելյան Ասիայի երկրներ ուղևորվելիս ավելի լավ է ընտրել ձմեռային սեզոնը, քանզի ամռանի այս շրջաններում բարձրանում է մրրկոտ եղանակի բարձրացման հավանականությունը:
Սկանդինավյան երկրների և Ալյասկայի շուրջ ճանապարհորդելուն համապատասխանում է ամառային սեզոնը, քանզի ձմռանն այս շրջաններում ավելի ցուրտ է: Միջերկրական ծովի երկրներում կրուիզ կատարելու համար կհամապատասխանի ապրիլից նոյեմբեր ընկած ժամանակահատվածը, չնայած այս տարածաշրջանում կրուիզի մեկնել կարելի է տարվա յուրաքանչյուր եղանակի:
Ամանորին կրուիզ կատարելուն կհամապատասխանի գրեթե յուրաքանչյուր ուղղություն, քանզի կրուիզի ժամանակ գլխավորը կլինի ոչ թե էքսկուրսիոն ծրագիրը, այլև նավի վրա տոնական ծրագիրը:
Հարկ է նաև հաշվի առնել այն հանգամանքը, որ միջսեզոնային ժամանակահատվածում (օրինակ Եվրոպայում գարնանը կամ աշնանը) կրուիզի գները լինում են ավելի ցածր, քան ձմռանը և ամռանը:
Հարկ է նաև իմանալ այն մասին, որ նավաստիի հրահանգով կրուիզի երթուղին ամեն վայրկյան կարող է որոշակիորեն փոփոխվել: Սա կարող է պատահել եղանակի փոփոխության դեպքում՝ ճանապարհին փոթորիկի կամ մրրիկի հանդիպելիս, ինչպես նաև առանձին երկրներում համաճարակային իրավիճակների փոփոխման և նավում վթարների վտանգի ժամանակ:
Կրուիզի հնարավոր ծուղակներ: Ինչպես հանգստի յուրաքանչյուր տեսակ, կրուիզը ևս զուրկ չէ որոշակի թերություններից: Նման իրավիճակների մասին զբոսաշրջիկը սկզբում չի կարող կռահել: Ահա թե ինչ է պատմում առաջին անգամ կրուիզում հայտնված ուղևորը: Նրա համար անսպասելիորեն պարզ է դարձել, որ զբոսաշրջիկների հիմնական խումբը տարեց թոշակառուներ են: Այս իրավիճակում կարելի է հայտնվել միջսեզոնային ժամանակահատվածում, երբ կրուիզի գները նվազում են:
Բայց եթե դուք կուղևորվեք նման ճանապարհորդության ձեր խմբի հետ, ապա այս հանգամանքը վճռական ազդեցություն չի ունենա: Սակայն եթե դուք ակնկալում եք ուրախ ժամանցի և նոր հանդիպումների անցկացում, ապա անհրաժեշտ է հաշվի առնել նման իրավիճակը: Հաշվի առեք, որ շատ դեպքերում զվարճանքները նախատեսված են տարեց զբոսաշրջիկների համար: Համապատասխանաբար հանգստի ծրագիրը պատասխանելու է առաջին հերթին նրանց հարցերին, օրինակ ուրախ և աղմկոտ դիսկոտեկների փոխարեն դասական պարերի և դասական երաժշտության երեկոներ:
Դուք նաև պետք է նախապես մտածեք այն մասին, թե դուք ինչպես եք հասնելու դեպի նավահանգիստ, որտեղից սկսվելու է կրուիզը: Զբոսաշրջային ընկերությունները ուղևորներին մեծամասամբ առաջարկում են տուրեր, որոնք ներառում են թռիչք դեպի մեկնման քաղաք: Սակայն իրականում զբոսաշրջային ընկերությունների մեծ մասը ուղևորներին ցածր գնով գրավելու նպատակով ծառայությունների փաթեթի մեջ ներառում է ոչ հարմարավետ չվերթներ դեպի մեկնման քաղաք: Այսպես ձեզ կարող են առաջարկել միջանկյալ թռիչքներ և անհարմարավետ ավիաչվերթներ: Այս դեպքերում ավիատոմսերը ավելի լավ է ձեռք բերել ինքնուրույն:
Բացի դրանից անհրաժեշտ է մտահոգվել նաև ձեր ուղեբեռի ապահովագրության մասին հատկապես այն դեպքերում, եթե դուք տեղափոխում եք թանկարժեք իրեր: Որպես կանոն կորցված ուղեբեռի փոխհատուցման ստանդարտ չափերը կրուիզային ընկերություններում մեծ չեն:
Եվ վերջապես դուք պետք է գիտենաք այն մասին, որ չի կարելի հուսալ քաղաքներում երկար մնալու մասին, որտեղ կանգ է առնելու կրուիզային նավը: Մեծ դեպքերում այս նավերում էքսկուրսիաները կարճաժամկետ են և մակերեսային: Այսպես 14-15 օրվա ընթացքում կրուիզից ընդամենը 20-25 ժամ է հատկացվում էքսկուրսիաներին: Նավահանգստում անցկացվելիք ժամաքանակը կախված է նավահանգիստների միջև եղած հեռավորությունից:
|
հեղինակ` Travel News |
 |
Cruise 118 կրուիզային ընկերությունը ստեղծել է մեկ միլիոն ֆունթ արժողությամբ նոր տուր, որն իր մեջ ներառում է հենց կրուիզը, մասնավոր ինքնաթիռով թռիչքը և շքեղ հյուրանոցում տեղակայումը:
63 օր տևող կրուիզի սկիզբը պլանավորած է 2017թ.-ի նոյեմբերին, այն իր մեջ ներառելու է կանգառներ Օքլենդում, Սիդնեյում, Բալիում, Սինգապուրում, Աբու-Դաբիում, Դուբայում և Հոնկոնգում՝ ներառելով Celebrity Cruises ընկերության երեք նավեր, 7 թռիչքներ մասնավոր ինքնաթիռներով և տեղակայում շքեղ հյուրանոցներում:
Cruise 118-ի գործադիր տնօրեն Ջեյմս Քոուլը խոստացել է, որ միլիոնանոց կրուիզը առաջարկելու է անսահման շքեղություն, գրում է Тravel weekly-ն:
|
հեղինակ` Travel News |
 |
Կրուիզային Crystal Cruises ընկերությունը տեղեկացրել է, որ պատրաստվում է կառուցել սառցային կարգի աշխարհում առաջին մեգազբոսանավը: Crystal Endeavor-ը ծով է դուրս գալու 2018թ.-ին:
Тravel weekly-ի հաղորդմամբ, մեգազբոսանավը ունենալու է 180 մետր երկարություն և ունակ է լինելու տախտակամած վերցնել 200 ուղևորների, ովքեր տեղակայվելու են 100 համարներում:
Զբոսանավը իր վրա կրելու է երկու ուղղաթիռներ, ջրային մոտոնավեր, ձկնորսության, սնորկլինգի և դայվինգի պարագաներ, սուզանավեր:
Նոր մեգազբոսանավը մրցելու է Scenic Cruises կրուիզային նավի հետ, որը ջուր է մտնելու 2018թ.-ին:
|
հեղինակ` Travel News |
 |
Սանտորինի կղզին դարձել է զբոսաշրջիկների սիրելի վայրերից մեկը:
Հունաստանի իշխանությունները հայտարարել են, որ կրուիզային նավերի ուղևորների քանակությունը, ովքեր ժամանելու են կղզի, չի գերազանցելու օրական 8000 զբոսաշրջիկը: Այս պահին ամենածանրաբեռնված օրերին կղզի է այցելում 10.000 զբոսաշրջիկ:
Նախորդ տարի հունական կղզին ընդունել է 636 կրուիզային նավեր 790.000 զբոսաշրջիկով: Այս ցուցանիշը ճանաչվել է տագնապալի և սկսել է առաջացնել էկոլոգիական և տնտեսական ճնշում:
Ալցելուների քանակության սահմանափակմամբ իշխանությունները հույս ունեն օգնել կղզուն արդյունավետորեն ընդունել կրուիզային նավերը և ապահովել ժամանումների հավասարությունը:
Ինչպես գրում է Daily Mail-ը, 2016թ.-ին սահմանափակումների համակարգը շատ չի խստացվելու, քանզի կրուիզային կազմակերպություններն արդեն ամրագրել են իրենց այցելությունները: 2017թ.-ին կսպասվեն լուրջ խստացումներ:
|
հեղինակ` Travel News |
 |
Լեգենդար «Տիտանիկ II» նավի կրկնօրինակը իր առաջին շրջագայությունն իրականացնելու է 2018թ.-ին: Այս մասին հայտարարել է ավստրալացի բիզնեսմեն Քլայվ Փալմերը, ով ֆինանսավորում է կրուիզային նավի շինարարությունը:
Հաղորդվում է, որ «Տիտանիկ II» նավը չի լինելու խորտակված նավի հարյուրտոկոսանոց կրկնօրինակը: Այս տարբերակը լինելու է ավելի լայն և երկար: Նավը կարող է ընդունել 2400 ուղևորների, որոնց առաջարկվելու է տարբեր կարգի 840 խցիկ:
Առաջին կրուիզի երթուղին ևս տարբերվելու է նախորդից: Սաութհեմփթոնից Նյու-Յորք ուղևորվելու փոխարեն Տիտանիկն ուղևորվելու է չինական Ցզյանսուից Դուբայ:
Նշվում է, որ որոշ հաճախորդներ պատրաստ են վճարել 925000 դոլար այդ կրուիզին մասնակցելու համար:
|
հեղինակ` Travel News |
 |
MSC Cruises կրուիզային ընկերությունը պլանավորում է Բահամյան կղզիների արշիպելագում կառուցել սեփական կղզի: Ocean Cay MSC Marine Reserve-ը կառուցվելու է մոտակա երկու տարվա ընթացքում:
MSC Cruises-ը նպատակադրված է ներդնել 200 մլն դոլար սեփական լողափով, նավահանգստով, 2000 հոգանոց ամֆիթատրոնով, ռեստորանով, բարերով կղզու կառուցման համար:
Նավահանգստում գտնվող նավերը զբոսաշրջիկներին ներկայացնելու են ծառայությունների մի ամբողջ շարք՝ ներառյալ խաղատները:
Շինարարության սկիզբը նախատեսվում է 2016թ.-ի մարտին, իսկ առաջին հյուրերը կղզի կներխուժեն 2017թ.-ի նոյեմբերին:
|
հեղինակ` Travel News |
 |
The Telegraph-ը ներկայացրել է նորագույն կրուիզային նավի դիզայնը, որը դառնալու է աշխարհի ամենաէկոլոգիական նավը:
30 ինժեներների և փորձագետների խմբի կողմից ստեղծված 55000 տոննա քաշ ունեցող Ecoship-ը ներկայացրել է արևային մարտկոցներով ծածկված շարժական առագաստներով նոր սերնդի կրուիզային նավ: Արտասովոր աէրոդինամիկ կմախքի կառուցմանը ճապոնական NGO Peace Boat ընկերությանը ներշնչել է կետի տեսքը:
Նավի ջրապահովումն ու ջրամատակարարումն իրականացվում է փակ ցիկլում, երբ անձրևի ջուրն ու ծովի ջրերը բազմակի մաքրվում են և օգտագործվում:
Ecoship –ը աշխատելու է էներգիայի վերականգնվող աղբյուրներով՝ օգտագործելով հեղուկ գազ:
Cruise Lines International Association ընկերությունը, որը ներկայացնում է կրուիզային օպերատորների մեծամասնությանը, հրաժարվել է մեկնաբանել Peace Boat-ի հայտարարությունը և հրաժարվել է տեղեկացնել, պլանավորում է որևէ օպերատոր պատվիրել Ecoship, թե ոչ:
* Թարգմանումն ու խմբագրումը կատարված է Trip2.am-ի կողմից: Հոդվածն ամբողջական կամ մասնակի արտատպելիս` սույն էջին հղվելը պարտադիր է:
|
հեղինակ` Travel News |
 |
Կրուիզային Wi-Fi ընկերությունը տեղեկացրել է, որ կստեղծի Wi-Fi ցանց, որը կդառնա ինտերնետի անլար հասույթի հզորագույն ցանցը կրուիզային ընկերությունների մեջ: Բացի դրանից ընկերությունը ստեղծելու է արբանյակային խոշորագույն բջջային ցանցը:
Ինչպես հաղորդում է Тravel weekly-ն՝ կրուիզային Carnival ընկերությունը կընդլայնի WiFi@Sea ցանցը, որը կկիրառի մեծ հզորությամբ ավելի քան 30 ժամանակակից արբանյակային ցանցեր:
Արդյունքում ուղևորները կկարողանան օգտվել համացանցից, սոցկայքերից և ծրագրերից 10 անգամ մեծ արագությամբ, քան նախկինում է եղել:
100 նավերում նոր համակարգի տեղադրումը կիրականանա հաջորդ տարվա ընթացքում:
* Թարգմանումն ու խմբագրումը կատարված է Trip2.am-ի կողմից: Հոդվածն ամբողջական կամ մասնակի արտատպելիս` սույն էջին հղվելը պարտադիր է:
|
հեղինակ` Travel News |
