«Տուրիզմ Արմենիա». պետություն-մասնավոր նոր հարթակ է ստեղծվել

Պետություն-մասնավոր համագործակցությունը և դեպի Հայաստան կազմակերպված զբոսաշրջային հոսքերը խթանելու, միասնական ձայնով հանդես գալու նպատակով այս տարվա օգոստոսին ստեղծվել է «Հայաստանյան զբոսաշրջային ուղղությունը կառավարող ընկերությունների և ներգնա տուրօպերատորների ասոցիացիան»։ Ասոցիացիան նպատակ ունի աշխարհի այլ երկրներից դեպի Հայաստան զբոսաշրջային ուղղությունը խթանել «Տուրիզմ Արմենիա» բրենդով։ Հարթակի հանրային կապերի խմբի փոխանցմամբ, «Տուրիզմ Արմենիան» արդեն սկսել է ակտիվ գործունեությունը։ Առաջին անգամ Հայաստանում անցկացվող Ֆրանկոֆոնիայի գագաթնաժողովին ընդառաջ, ասոցիացիայի աջակցությամբ մեր երկրի 6 տուրօպերատորներ սեպտեմբերի 25-28-ին Փարիզում Հայաստանը ներկայացրել են Եվրոպայի խոշորագույն՝ «Top Resa 2018» զբոսաշրջային ցուցահանդեսին։ Արդյունքների մասին կհայտարարվի առաջիկայում։... դեպի նյութի աղբյուր